അനുവാദമില്ലാതെ ആലിംഗനം ചെയ്യാനെത്തിയ ആളെ കത്രീന കെയ്ഫ് കൈകാര്യം ചെയ്തത് കണ്ട് കൈയ്യടിക്കുകയാണ് താരത്തിന്റെ ആരാധകർ. രാഷ്ട്രീയ നേതാവ് പ്രഫുൽ പട്ടേലിന്റെ മകൾ പൂർണ പട്ടേലിന്റെ വിവാഹ പാർട്ടിയിൽ പങ്കെടുക്കാൻ എത്തിയപ്പോഴുണ്ടായ സംഭവത്തിന്റെ വീഡിയോ ആണ് സമൂഹ മാധ്യമങ്ങളിൽ ഇപ്പോൾ വൈറലാവുന്നത്.

കാറിൽനിന്നും വന്നിറങ്ങി പാർട്ടി നടക്കുന്ന സ്ഥലത്തേക്ക് പോവുകയായിരുന്നു കത്രീന. വെളള നിറത്തിൽ ഗോൾഡൻ വർക്കുകൾ ചെയ്ത ലെഹങ്ക അണിഞ്ഞാണ് കത്രീന പാർട്ടിക്കെത്തിയത്. ഇതിനിടയിലാണ് അവിടെയുണ്ടായിരുന്ന മധ്യ വയസ്‌കനായ ഒരാൾ കത്രീനയെ ആലിംഗനം ചെയ്യാനെത്തിയത്. എന്നാൽ കത്രീന അതിനു അനുവദിച്ചില്ല. ആലിംഗനം ചെയ്തുളള സ്വീകരണം തനിക്ക് വേണ്ടെന്നാണ് കത്രീന അയാളോട് പറഞ്ഞതെന്നാണ് റിപ്പോർട്ടുകൾ. എന്തായാലും കത്രീനയെ ആലിംഗനം ചെയ്യാനാവാതെ മധ്യ വയസ്കന് നിരാശനാവേണ്ടി വന്നു.

നേരത്തെ സൽമാൻ ഖാൻ നയിക്കുന്ന ദബാങ് ടൂറിനിടെ തന്നെ കളിയാക്കിയ സൽമാൻ ഖാൻ ആരാധികയ്ക്ക് ചുട്ട മറുപടി നൽകുന്ന കത്രീനയുടെ വീഡിയോയും വൈറലായിരുന്നു. ഷോ കഴിഞ്ഞ് കാറിനു സമീപത്തേക്ക് കത്രീന പോകുമ്പോഴായിരുന്നു സംഭവം. കത്രീനയുടെ കൂടെ സുരക്ഷാ ജീവനക്കാരും ഉണ്ടായിരുന്നു. കത്രീന പോകുന്ന വഴിയിൽ ഒരു കൂട്ടം പേർ തടിച്ചു കൂടിയിരുന്നു. ഇതിനിടയിൽ നിന്നും ഒരു സ്ത്രീ നിങ്ങളോടൊപ്പം ഞങ്ങൾക്ക് ഫോട്ടോ എടുക്കേണ്ട എന്നു ഉച്ചത്തിൽ കൂകി വിളിച്ചു.

Read More: കത്രീനയെ കളിയാക്കി സൽമാൻ ഖാൻ ആരാധിക; കൂളായി മറുപടി കൊടുത്ത് താരം മടങ്ങി

ഇതുകേട്ട കത്രീന ആ സ്ത്രീയുടെ അടുത്തേക്കെത്തി. ”നിങ്ങൾ ഇങ്ങനെ ചെയ്യാൻ പാടില്ല. നിങ്ങൾക്കറിയാമോ ഞാൻ വളരെ ക്ഷീണിതയാണ്. വളരെ നീണ്ടൊരു ഷോ കഴിഞ്ഞാണ് ഞാൻ വരുന്നത്. നിങ്ങൾ കുറച്ചു കൂടി നന്നായിട്ട് പെരുമാറണം. ജനങ്ങൾ നിങ്ങളെ അംഗീകരിക്കുമ്പോഴാണ് നിങ്ങൾക്ക് സ്വയം അഭിനേത്രി എന്നു വിളിക്കാൻ കഴിയുക. നിങ്ങളുടെ മനോഭാവം കുറച്ചു കൂടി മെച്ചപ്പെടുത്തൂ”, കത്രീന പറഞ്ഞു.

Get Malayalam News and latest news update from India and around the world. Stay updated with today's latest Entertainment news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ