scorecardresearch
Latest News

പൊന്നിയിൽ സെൽവനു വേണ്ടി ജയറാം സാർ ഉയരം കുറച്ചു: കാര്‍ത്തി

“അവിശ്വസനീയമായൊരു കാര്യമാണ് അദ്ദേഹം കഥാപാത്രത്തിന്റെ ഉയരത്തിലേക്ക് എത്താനായി ചെയ്തത്.”

Karthi, Jayaram, Ponniyin Selvan, Ponniyin Selvan movie release

തെന്നിന്ത്യന്‍ സിനിമാലോകം പ്രതീക്ഷയോടെ കാത്തിരിക്കുന്ന ചിത്രമാണ് മണിരത്‌നത്തിന്റെ ‘ പൊന്നിയിന്‍ സെല്‍വന്‍’. ചിത്രത്തിന്റെ ആദ്യഭാഗം 2022 സെപ്തംബര്‍ 30 നാണ് തീയറ്ററിലെത്തുന്നത്. കഴിഞ്ഞ ദിവസം ചിത്രത്തിലെ ‘പൊന്നി നദി പാക്കണുമേ’ എന്ന ഗാനത്തിന്റെ പ്രകാശന ചടങ്ങ് ചെന്നൈയില്‍ നടന്നിരുന്നു. ഇതിനിടയില്‍ ജയറാമിനെപ്പറ്റി നടന്‍ കാര്‍ത്തി പറഞ്ഞ വാക്കുകളാണ് ഇപ്പോള്‍ ചര്‍ച്ചയാവുന്നത്.

ആഴ്വാര്‍കടിയന്‍ നമ്പി എന്ന കഥാപാത്രത്തെയാണ് ജയറാം ചിത്രത്തില്‍ അവതരിപ്പിക്കുന്നത്. ഇതിനായി ആറരയടി ഉയരം ഉണ്ടായിരുന്ന ജയറാം അത് അഞ്ചരയടിയായി കുറച്ചു എന്നാണ് കാര്‍ത്തി പറഞ്ഞത്. “വിശ്വസിക്കാനാവാത്ത ഒരു കാര്യമാണ് അദ്ദേഹം കഥാപാത്രത്തിന്റെ ഉയരത്തിലേക്ക് എത്താനായി ചെയ്തത്. അതെന്താണെന്ന് ഇപ്പോള്‍ വെളിപ്പെടുത്താന്‍ ആകില്ല,” കാര്‍ത്തി പറഞ്ഞു.

‘പൊന്നിയിന്‍ സെല്‍വന്റെ ചിത്രീകരണം സാഹസികത നിറഞ്ഞതായിരുന്നു. ജയറാം സാറിന്റെ കൂടെ അഭിനയിക്കാന്‍ കഴിഞ്ഞത് ഭാഗ്യമായി കാണുന്നു. ഞാനും ജയം രവിയും, ജയറാം സാറുമായിട്ടാണ് കൂടുതല്‍ രംഗങ്ങള്‍ ഉണ്ടായിരുന്നത്,” കാര്‍ത്തി കൂട്ടിച്ചേര്‍ത്തു.

ഐശ്വര്യറായ് ബച്ചന്‍, ചിയാന്‍ വിക്രം, കാര്‍ത്തി, ജയം രവി, തൃഷ, ജയറാം, ഐശ്വര്യ ലക്ഷ്മി, നാസര്‍, സത്യരാജ്, പാര്‍ത്ഥിപന്‍, ശരത് കുമാര്‍, ലാല്‍, റഹ്‌മാന്‍, പ്രഭു, അദിതി റാവു ഹൈദരി തുടങ്ങി വലിയൊരു താരനിര തന്നെ ഈ പിരീഡ് ചിത്രത്തിലുണ്ട്.

ലൈക്ക പ്രൊഡക്ഷന്‍സ്, മദ്രാസ് ടാക്കീസ് എന്നിവര്‍ സംയുക്തമായാണ് ചിത്രം നിര്‍മ്മിച്ചിരിക്കുന്നത്. ‘പൊന്നിയിന്‍ സെല്‍വന്‍’ എന്ന ചിത്രത്തിന്റെ തിരക്കഥ രചിച്ചിരിക്കുന്നത് മണിരത്‌നം, കുമരവേല്‍,ജയമോഹന്‍ എന്നിവര്‍ ചേര്‍ന്നാണ്. ക്യാമറ കൈകാര്യം ചെയ്യുന്നത് രവി വര്‍മ്മന്‍, ചിത്രസന്നിവേഷം ശ്രീകര്‍ പ്രസാദ്, കലാസംവിധാനം തൊട്ടാധരണി, സംഗീതം എ ആര്‍ റഹ്‌മാന്‍.

Stay updated with the latest news headlines and all the latest Entertainment news download Indian Express Malayalam App.

Web Title: Karthi about jayaram ponniyin selvan movie experience maniratnam