Latest News
കോവിഡ്: പ്രതിദിന കേസുകളിൽ മുന്നിൽ കേരളം
ലോക്ക്ഡൗൺ ഇളവുകൾ ആൾക്കൂട്ടങ്ങൾക്ക് ഇടയാകരുത്, കേന്ദ്രത്തിന്റെ മുന്നറിയിപ്പ്
പ്രവാസികള്‍ക്കു പുതുക്കിയ വാക്സിനേഷന്‍ സര്‍ട്ടിഫിക്കറ്റ് നാളെ മുതല്‍; ബാച്ച് നമ്പറും തിയതിയും ചേര്‍ക്കും
ന്യൂസിലൻഡിന് ടോസ്; ഇന്ത്യയെ ബാറ്റിങിനയച്ചു
ഇന്ത്യയുടെ മിൽഖ, മിൽഖയുടെ ഇന്ത്യ
സുധാകരന്റെ കത്തി പരാമര്‍ശം വേദനിപ്പിക്കുന്നത്, മാപ്പ് പറയണം: ഫ്രാന്‍സിസിന്റെ മകന്‍

കങ്കണ ബുദ്ധിമതിയായ സ്ത്രീയാണ്, ഞാൻ അവരെ ആരാധിക്കുന്നു: കരീന കപൂർ

കങ്കണയുടെ ‘മണികർണിക’ ഇതുവരെ കാണാൻ സാധിച്ചില്ലെന്നും കാണണമെന്ന് അതിയായ ആഗ്രഹമുണ്ടെന്നും കരീന പറഞ്ഞു

kareena kapoor khan, kareena kapoor, kangana ranaut, kareena kapoor kangana ranaut, kareena kapoor movies, kareena kapoor news, kangana ranaut biopic, kangana ranaut latest, manikarnika, manikarnika the queen of jhansi, കരീന കപൂർ, കങ്കണ റണാവത്ത്, മണികർണിക, പുതിയ ചിത്രം, സിനിമ, Entertainment, സിനിമാ വാര്‍ത്ത, ഫിലിം ന്യൂസ്, Film News, കേരള ന്യൂസ്, കേരള വാര്‍ത്ത, Kerala News, മലയാളം ന്യൂസ്, മലയാളം വാര്‍ത്ത, Malayalam News, Breaking News, പ്രധാന വാര്‍ത്തകള്‍, ഐ ഇ മലയാളം, iemalayalam, indian express malayalam, ഇന്ത്യന്‍ എക്സ്പ്രസ്സ്‌ മലയാളം

സ്വാതന്ത്ര്യസമരത്തില്‍ ബ്രിട്ടീഷുകാര്‍ക്കെതിരെ പട പൊരുതിയ ഝാന്‍സി റാണിയുടെ ജീവിതത്തെ ആസ്പദമാക്കിയ ബയോപിക് ചിത്രം ‘മണികർണിക: ദ ക്യൂൻ ഓഫ് ഝാൻസി’ റിലീസിനെത്തിയ അന്നു മുതൽ വിവാദങ്ങളുടെയും ട്രോളുകളുടെയും പ്രശംസകളുടെയും നടുവിലാണ് കങ്കണ റണാവത്ത്. ഇപ്പോൾ കങ്കണയേയും മണികർണികയേയും പ്രകീർത്തിച്ച് രംഗത്തുവന്നിരിക്കുകയാണ് ബോളിവുഡ് താരം കരീന കപൂർ.

“കങ്കണയുടെ ‘മണികർണിക’യെന്ന ബയോപിക് ചിത്രം കാണാൻ എനിക്കേറെ ആഗ്രഹമുണ്ട്. കങ്കണയൊരു മികച്ച അഭിനേത്രിയാണ്. എനിക്കവളെ ഇഷ്ടമാണ്, ഞാൻ അവരെ ആരാധിക്കുന്നു. ഒരു ബ്രില്ല്യന്റ് അഭിനേത്രിയും ബുദ്ധിമതിയായ സ്ത്രീയുമാണ് കങ്കണ,” കരീന കപൂർ പറയുന്നു. ഒരു അഭിമുഖത്തിനിടെയായിരുന്നു കരീനയുടെ വെളിപ്പെടുത്തൽ. ‘മണികർണിക’ ഇതുവരെ കാണാൻ സാധിച്ചില്ലെന്നും ഉടനെ കാണുമെന്നും സെയ്ഫ് ചിത്രം കണ്ട് കങ്കണയെ അഭിനന്ദിച്ചതായും വെളിപ്പെടുത്തി.

ബോളിവുഡ് തന്നെയും മണികർണികയേയും വേണ്ടരീതിയിൽ പരിഗണിക്കുന്നില്ലെന്ന് അടുത്തിടെ ഒരു അഭിമുഖത്തിൽ കങ്കണ പരാതിപ്പെട്ടിരുന്നു. “ഇൻഡസ്ട്രിയിലെ ആളുകൾക്കിടയിൽ നിന്നുള്ള പ്രതികരണം വളരെ ശോചനീയമാണ്, അവർ ഈ സിനിമയ്ക്കെതിരെ സംഘടിക്കുകയാണ്. ഒന്നും തന്നെ പറയാതെ അവർ ചിത്രത്തെ അവഗണിക്കുകയാണ്. അവരുടെ റാക്കറ്റ് ശക്തമാണ്, ചെറിയ നടന്മാർ പോലും രഹസ്യമായാണ് എനിക്ക് ചിത്രത്തെ പ്രകീർത്തിച്ചുകൊണ്ടുള്ള സന്ദേശങ്ങൾ അയക്കുന്നത്. അവർക്കത് സമൂഹമാധ്യമങ്ങളിൽ എഴുതാൻ ഭയമാണ്. അങ്ങനെയാണ് സിനിമയ്ക്കെതിരെ നിൽക്കുന്ന ഗ്യാങ്ങ് പ്രവർത്തിക്കുന്നത്. മണികർണിക ഒരു സ്പെഷ്യൽ ചിത്രമാണ്. വളരെ സങ്കുചിതമായ മനസ്സുള്ള ആളുകളാണ് ഇൻഡസ്ട്രിയിൽ കൂടുതലുമെന്നാണ് ഞാൻ കരുതുന്നത്,” ഇന്ത്യൻ എക്‌സ്‌പ്രസ് മലയാളത്തിനു നൽകിയ അഭിമുഖത്തിൽ കങ്കണ പറഞ്ഞതിങ്ങനെ.

Read more: ‘മണികർണിക’ എന്നെ കൂടുതൽ കരുത്തയായ വ്യക്തിയാക്കി: കങ്കണ റണാവത്ത്

മണികർണികയുടെ സംവിധാനത്തിലും കങ്കണ സജീവമായിരുന്നു. ഇഷു സെൻഗുപ്ത, അതുല്‍ കുല്‍ക്കര്‍ണി, സോനു സൂദ്, സുരേഷ് ഒബ്‌റോയ്, വൈഭവ് തത്വവാദി, സീഷൻ അയൂബ്, അങ്കിത ലോഖണ്ടെ എന്നിവരാണ് ചിത്രത്തിലെ മറ്റുതാരങ്ങൾ. ബാഹുബലിയുടെയും ഭാഗ് മിൽഖാ ഭാഗിന്റെയും രചയിതാക്കളാണ് മണികർണയുടെയും തിരക്കഥ ഒരുക്കിയത്. സീ സ്റ്റുഡിയോ ആണ് ചിത്രം നിർമ്മിച്ചിരിക്കുന്നത്.

രാജ്‌കുമാർ റാവുവിന്റെ ‘മെന്റൽ ഹായ് ക്യാ’ ആണ് കങ്കണയുടെ റിലീസിനൊരുങ്ങുന്ന പുതിയ ചിത്രം. അശ്വിനി അയ്യർ തിവാരിയുടെ ‘പൻഗ’യിലും കങ്കണ അഭിനയിക്കുന്നുണ്ട്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Kareena kapoor khan i am eager to watch the kangana ranaut biopic

Next Story
രണ്ടു പതിറ്റാണ്ടുകൾക്കു ശേഷം സഞ്ജയ് ലീലാ ബൻസാലിയും സൽമാൻ ഖാനും ഒരുമിക്കുന്നുsalman khan, sanjay leela bhansali, salman khan sanjay leela bhansali, salman khan movies, sanjay leela bhansali movies, salman khan news, salman khan latest, പുതിയ ചിത്രം, സിനിമ, Entertainment, സിനിമാ വാര്‍ത്ത, ഫിലിം ന്യൂസ്, Film News, കേരള ന്യൂസ്, കേരള വാര്‍ത്ത, Kerala News, മലയാളം ന്യൂസ്, മലയാളം വാര്‍ത്ത, Malayalam News, Breaking News, പ്രധാന വാര്‍ത്തകള്‍, ഐ ഇ മലയാളം, iemalayalam, indian express malayalam, ഇന്ത്യന്‍ എക്സ്പ്രസ്സ്‌ മലയാളം
The moderation of comments is automated and not cleared manually by malayalam.indianexpress.com