scorecardresearch
Latest News

സേനാപതി മടങ്ങിയെത്തുന്നു, കമൽഹാസന്റെ ‘ഇന്ത്യൻ 2’ വിന്റെ ചിത്രീകരണം തുടങ്ങി

കമൽഹാസൻ ഇരട്ടവേഷത്തിൽ എത്തിയ ‘ഇന്ത്യൻ’ എന്ന സൂപ്പർ ഹിറ്റ് സിനിമയുടെ രണ്ടാം ഭാഗമാണ് ‘ഇന്ത്യൻ 2’

കമൽഹാസൻ നായകനാവുന്ന ‘ഇന്ത്യൻ 2’ വിന്റെ ചിത്രീകരണം തുടങ്ങി. ചിത്രത്തിന്റെ പോസ്റ്റർ പങ്കുവച്ചാണ് ഷൂട്ടിങ് തുടങ്ങിയ വിവരം അണിയറക്കാർ അറിയിച്ചത്. സംവിധായകൻ ശങ്കർ ആണ് പോസ്റ്റർ റിലീസ് ചെയ്തത്.

കമൽഹാസൻ ഇരട്ടവേഷത്തിൽ എത്തിയ ‘ഇന്ത്യൻ’ എന്ന സൂപ്പർ ഹിറ്റ് സിനിമയുടെ രണ്ടാം ഭാഗമാണ് ‘ഇന്ത്യൻ 2’. കാജൽ അഗർവാളാണ് ചിത്രത്തിലെ നായിക. അനിരുദ്ധ് രവിചന്ദ്രൻ ആണ് സംഗീതം. ആദ്യമായാണ് അനിരുദ്ധ് സംവിധായകൻ ശങ്കർ ചിത്രത്തിനൊപ്പം കൈകോർക്കുന്നത്. ലൈക്ക പ്രൊഡക്ഷൻസ് ആണ് നിർമ്മാണം.

ശങ്കർ-കമൽഹാസൻ കൂട്ടുകെട്ടിൽ 1996 ൽ പുറത്തിറങ്ങിയ ഹിറ്റ് ചിത്രമാണ് ‘ഇന്ത്യൻ’. സേനാപതി എന്ന കമൽഹാസന്റെ വൃദ്ധ കഥാപാത്രം ഏറെ പ്രേക്ഷക ശ്രദ്ധ നേടിയിരുന്നു. 22 വർഷങ്ങൾക്കുശേഷം ശങ്കറും കമൽഹാസനും ഒന്നിക്കുന്നുവെന്ന പ്രത്യേകതയാണ് ഇന്ത്യൻ 2 വിനുള്ളത്.

‘ഇന്ത്യൻ 2’ കമൽഹാസന്റെ അഭിനയ ജീവിതത്തിലെ അവസാനത്തെ സിനിമയായിരിക്കുമെന്നും അടുത്ത വൃത്തങ്ങൾ പറയുന്നു. രാഷ്ട്രീയ ജീവിതത്തിൽ ശ്രദ്ധ വയ്ക്കുന്നതിനുവേണ്ടിയാണ് താരം സിനിമ വിടുന്നതെന്നും റിപ്പോർട്ടുണ്ട്.

Stay updated with the latest news headlines and all the latest Entertainment news download Indian Express Malayalam App.

Web Title: Kamal haasans indian 2 goes on floors

Best of Express