ഇത്രയും വേണമായിരുന്നോ?; കാജോളിനെ പ്രതിഷേധം അറിയിച്ച് ആരാധകർ

ബോളിവുഡിലെ പ്രമുഖ താരമായ കാജോൾ സോഷ്യൽ മീഡിയയിൽ നിന്ന് ഒരു ബ്രേക്കെടുക്കുകയാണെന്ന വാർത്ത ഇന്നലെ പുറത്തുവിട്ടിരുന്നു. താരത്തിന്റെ ഈ തീരുമാനത്തെ ഏറെ ദുഖത്തോടെയാണ് ആരാധകർ നോക്കി കണ്ടത്.

"ജീവിതത്തിലെ ഏറ്റവും വലിയ പരീക്ഷണം നേരിടുന്നു" എന്ന പോസ്റ്റാണ് കാജോൾ ഷെയർ ചെയ്തത്. ചിലർ തങ്ങളുടെ വിഷമം പ്രകടിപ്പിച്ചപ്പോൾ മറ്റു ചിലർ ഇതു പുതിയ സീരീസിന്റെ പ്രമോഷന്റെ ഭാഗമാണെന്നും പറഞ്ഞിരുന്നു. ഇപ്പോഴിതാ കാജോളിന്റെ ഇൻസ്റ്റഗ്രാം അക്കൗണ്ടിലേക്ക് പോസ്റ്റുകളെല്ലാം തിരിച്ചെത്തി.

പുതിയ സീരീസായ 'ഗുഡ് വൈഫ്' ന്റെ പ്രമോഷന്ഖെ ഭാഗമായാണ് കാജോൾ അങ്ങനെയൊരു പോസ്റ്റ് ഷെയർ ചെയ്തതെന്ന് ഇതോടെ വ്യക്തമായിരിക്കുകയാണ്. എന്നാൽ താരത്തിനെതിരെ പ്രതിഷേധം അറിയിക്കുകയാണ് ആരാധകർ. നിങ്ങളെ ഇനി ആരും വിശ്വസിക്കില്ല, ഇങ്ങനെയൊരു പ്രമോഷൻ രീതി വേണമായിരുന്നോ, ഇതു വളരെ മോശമായി പോയി തുടങ്ങിയ കമന്റുകളാണ് ആരാധകരുടെ ഭാഗത്തു നിന്ന് ഉയരുന്നത്.

ഡിസ്നി പ്ലാസ് ഹോട്ട്സ്റ്റാറിൽ സ്ട്രീം ചെയ്യാൻ ആരംഭിക്കുന്ന പൊളിറ്റിക്കൽ ഡ്രാമ ത്രില്ലറാണ് 'ദി ഗുഡ് വൈഫ്.' കാജോൾ പ്രധാന കഥാപാത്രമായി എത്തുന്ന സീരീസ് സംവിധാനം ചെയ്യുന്നത് സുപാൻ വർമയാണ്.

ബോളിവുഡിലെ എവർഗ്രീൻ നായികയാണ് കാജോൾ ദേവ്ഗൺ. തൊണ്ണൂറുകളിൽ ഹിന്ദി സിനിമാലോകത്തു നിറഞ്ഞു നിൽക്കുന്ന സാന്നിധ്യമായിരുന്നു കാജോൾ. 1992ൽ പുറത്തിറങ്ങിയ ബേഖുടി എന്ന ചിത്രത്തിലൂടെയാണ് കാജോൾ സിനിമാലോകത്തെത്തുന്നത്. പിന്നീട് ബാസിഗർ,ദിൽവാലേ ദുൽഹനിയാ ലേ ജായേങ്കേ, കുച്ച് കുച്ച് ഹോത്താ ഹേ തുടങ്ങി അനവധി ചിത്രങ്ങളിൽ അഭിനയിച്ചു. കാജോൾ ഏറ്റവും അധികം ചിത്രങ്ങളിൽ ഒന്നിച്ചഭിനയിച്ചത് ഷാരൂഖ് ഖാനുമായിട്ടാണ്. ഈ താര ജോഡിയെ ഇന്നും ഏറെ ആരാധയോടെയാണ് ആസ്വാദകർ കാണുന്നത്.