അമ്മയോ മകളോ ആരാണ് സുന്ദരി?; മകൾക്കൊപ്പമുള്ള ചിത്രങ്ങളുമായി കാജോൾ

ബോളിവുഡ് താരദമ്പതികളായ കാജോളിന്റെയും അജയ് ദേവ്ഗണിന്റെയും മകളാണ് നൈസ ദേവ്ഗൺ. നിത മുകേഷ് അംബാനി കൾച്ചറൽ സെന്ററിന്റെ ഉദ്ഘാടനവേദിയിൽ കാജോളിനൊപ്പമെത്തിയ നൈസയുടെ ചിത്രങ്ങളാണ് ഇപ്പോൾ സമൂഹമാധ്യമങ്ങളിൽ വൈറലാവുന്നത്.

നൈസയും ഉടനെ സിനിമയിൽ അരങ്ങേറ്റം കുറിക്കുമെന്ന് അഭ്യൂഹങ്ങളുണ്ട്.

കാജോളിന്റെയും അജയ് ദേവ്ഗണിന്റെയും മൂത്തമകളാണ് നൈസ. സ്വിറ്റ്‌സർലൻഡിൽ ഉന്നത വിദ്യാഭ്യാസം തുടരുകയാണ് നൈസ. യുഗ് എന്നൊരു സഹോദരൻ കൂടെ നൈസയ്ക്കുണ്ട്.

അടുത്തിടെ അഹമ്മദ്‌നഗറിലെ നിരാലംബരായ വിദ്യാർത്ഥികൾക്കായി സംഘടിപ്പിച്ച ഒരു പരിപാടിയിൽ നൈസ പങ്കെടുത്തിരുന്നു. ഡിജിറ്റൽ ലൈബ്രറിയുടെ ഉദ്ഘാടനം നിർവ്വഹിച്ച നൈസ വിദ്യാർത്ഥികൾക്ക് പുസ്തകങ്ങളും സ്പോർട്സ് കിറ്റുകളും വിതരണം ചെയ്തു. വിദ്യാഭ്യാസത്തിന്റെയും പുസ്തക വായനയുടെയും പ്രാധാന്യത്തെക്കുറിച്ചും നൈസ പരിപാടിയിൽ സംസാരിച്ചു. “എനിക്ക് വായിക്കാൻ ഇഷ്ടമാണ്. ഞാൻ ദിവസവും 2-3 പുസ്തകങ്ങൾ വായിക്കുമായിരുന്നു. നിങ്ങളും വായന നിർത്തരുത്," എന്നായിരുന്നു നൈസയുടെ വാക്കുകൾ.

ആര്യൻ ഖാൻ, സുഹാന ഖാൻ, അനന്യ പാണ്ഡെ എന്നിവർക്കൊപ്പം പലപ്പോഴും പാർട്ടികളിലും മറ്റും പ്രത്യക്ഷപ്പെടാറുള്ള നൈസയുടെ ചിത്രങ്ങൾ ഇതിനു മുൻപും ഇന്റർനെറ്റിൽ വൈറലായിട്ടുണ്ട്.