തൊണ്ണൂറുകളിലെ ‘മോശം’ ഡ്രൈവറാണ് കാജോളെന്ന് കരീന കപൂർ

90കളിലെ ഏറ്റവും മോശം ഡ്രൈവറായിരുന്നു ബോളിവുഡ് താരം കാജോൾ എന്ന് കരീന കപൂർ. ഇരുവരും ഒന്നിച്ചെത്തിയ ഒരു ചാറ്റ് ഷോയ്ക്കിടയിൽ ആയിരുന്നു കരീനയുടെ വാക്കുകൾ. കജോളിന് “റോഡ് രോഷം” ഉണ്ടെന്ന് കരീന ആരോപിച്ചു. എന്നാൽ കരീനയുടെ നിരീക്ഷണത്തോട് കാജോൾ വിയോജിച്ചു.

കാജോൾ, കരീന, ജയദീപ് അഹ്ലാവത്, സിദ്ധാർത്ഥ് മൽഹോത്ര, സന്യ മൽഹോത്ര, അമൃത സുഭാഷ്, തിലോത്തമ ഷോം എന്നിവർ പങ്കെടുത്ത നെറ്റ്ഫ്ളിക്സിന്റെ റൗണ്ട് ടേബിൾ ചർച്ചയ്ക്കിടയിലായിരുന്നു കാജോളും കരീനയും തമ്മിലുള്ള രസകരമായ തർക്കം. 2014-ൽ പുറത്തിറങ്ങിയ ഏക് വില്ലൻ എന്ന സിനിമയിൽ ഒരു സീരിയൽ കില്ലറായി അഭിനയിച്ചതിന് ശേഷം റോഡിൽ ആളുകളെ കൊല്ലാൻ തോന്നിയോ? റോഡ് രോഷം തോന്നിയോ എന്നൊക്കെയായിരുന്നു  സിദ്ധാർത്ഥിനോട് കാജോളിന്റെ ചോദ്യം. താമസിയാതെ, സ്‌ക്രീനിൽ ഒരു ഡാർക്ക് കഥാപാത്രത്തെ അവതരിപ്പിക്കാനുള്ള തന്റെ ആഗ്രഹവും കാജോൾ  പ്രകടിപ്പിച്ചു.

“എനിക്ക് ഒരു സീരിയൽ കില്ലറായി അഭിനയിക്കണം. ഒരു ഇരുണ്ട കഥാപാത്രത്തെ അവതരിപ്പിക്കാൻ ഞാൻ ആഗ്രഹിക്കുന്നു. ഹാനിബാളിനെ അവതരിപ്പിക്കാൻ ഞാൻ ആഗ്രഹിക്കുന്നു, എനിക്കത് കൈകാര്യം ചെയ്യാൻ കഴിയുമോ ഇല്ലയോ എന്ന് എനിക്കറിയില്ല. അസ്വീകാര്യമായ എന്തെങ്കിലും സ്വീകാര്യമാക്കുന്ന രീതിയിൽ ചെയ്യാൻ ഞാൻ ആഗ്രഹിക്കുന്നു. എനിക്ക് അതിനെ മാർക്കറ്റ് ചെയ്യാൻ കഴിയുമെന്ന്  ഞാൻ കരുതുന്നു. രസകരമായിരിക്കും അത്. ഞാൻ കോഴിയുടെ കരൾ കഴിച്ച് അത് മനുഷ്യന്റെ കരളാണെന്ന് നടിക്കും."

കജോൾ തന്റെ ആഗ്രഹം പങ്കുവെക്കുന്നതിനിടെ  സംസാരത്തെ തടസ്സപ്പെടുത്തികൊണ്ട് കരീന കളിയാക്കി, “കാരണം നിങ്ങൾക്ക് റോഡ് രോഷം ഉള്ളതല്ലേ കാജോൾ?  എനിക്കറിയാം, നിങ്ങൾക്ക് റോഡ് രോഷമുണ്ടെന്ന്. 90കളിൽ, ചരിത്രത്തിലെ ഏറ്റവും മോശം ഡ്രൈവറായിരുന്നു നിങ്ങൾ. " കുസൃതിയോടെ 'ഷട്ടപ്പ്' എന്നു പറഞ്ഞാണ് കാജോൾ കരീനയോട് പ്രതികരിച്ചത്. 

Netflix Actors' Roundtable@SidMalhotra with Kareena Kapoor Khan, Kajol, Sanya Malhotra, Tillotama Shome, Jaideep Ahlawat and Amruta Subhash #SidharthMalhotrapic.twitter.com/OYa55ncQCc

— SidharthM Universe (@SidMUniverse) December 3, 2023

"ഈ ടേബിളിലെ എല്ലാവരെയും എടുത്തുനോക്കിയാൽ ഡ്രൈവ് ചെയ്യുന്നത് ഞാൻ മാത്രമായിരിക്കും, അതിനാൽ നമുക്ക് അത് ഉപേക്ഷിക്കാം".  നിങ്ങൾ എപ്പോഴെങ്കിലും എന്റെ കൂടെ ഒരു കാറിൽ ഇരുന്നിട്ടുണ്ടോ എന്നായിരുന്നു കരീനയോട് കാജോളിന്റെ ചോദ്യം.  “ഞാൻ ഒരുപാട് കഥകൾ കേട്ടിട്ടുണ്ട്. നിങ്ങൾ സ്റ്റുഡിയോകളിലേക്കു വരുന്ന വരവു  ഞാൻ കണ്ടിട്ടുണ്ട്," എന്ന് കരീന മറുപടി നൽകി. 

കജോൾ ഒരിക്കൽ കൂടി കരീനയോട് ഷട്ടപ്പ് പറയുകയും ഇക്കാര്യത്തിൽ അഭിപ്രായം പറയാൻ ഇവിടെയാർക്കും അഭിപ്രായമില്ലെന്നും കൂട്ടിച്ചേർത്തു. 

“എനിക്ക് ഒരുപാട് റോഡ് രോഷമുണ്ട്. കൂടുതലും റിക്ഷയും ക്യാബ് ഡ്രൈവർമാരും എന്നെ വെട്ടിക്കാൻ ശ്രമിക്കുമ്പോൾ,"  2011ൽ ദി ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിൽ കാജോളിന്റെ വാക്കുകൾ ഇങ്ങനെ.