വിവാഹത്തിന് എക്സ്പയറി ഡേറ്റ് വേണം: കാജോൾ

ബോളിവുഡ് താരം കാജോൾ കഴിഞ്ഞ ദിവസം നടത്തിയ ഒരഭിപ്രായ പ്രകടനം സോഷ്യൽ മീഡിയയിൽ ശ്രദ്ധ നേടുകയാണ്. വിവാഹബന്ധങ്ങൾക്ക് ഒരു നിശ്ചിത കാലാവധി (Expiry Date) വേണമെന്നും, അതിനുശേഷം അത് പുതുക്കാനുള്ള അവസരം നൽകണമെന്നുമാണ് കാജോളിന്റെ വാദം. സഹ-അവതാരകയായ ട്വിങ്കിൾ ഖന്ന ഉൾപ്പെടെ മറ്റ് അതിഥികൾ ഈ ആശയത്തോട് വിയോജിച്ചതോടെ സംവാദം ചൂടുപിടിച്ചു.

Also Read: ദുബായിൽ ആഢംബര വില്ല, ഒരു വീട്ടിലേക്കുള്ള മുഴുവൻ ഗൃഹോപകരണങ്ങൾ, 2 ലക്ഷത്തിന്റെ ഫോൺ; ബിഗ് ബോസ് കൊണ്ട് അനീഷ് നേടിയത്

ട്വിങ്കിൾ ഖന്നയും കാജോളും ചേർന്ന് അവതരിപ്പിക്കുന്ന 'ടൂ മച്ച് വിത്ത് കാജോൾ ആൻഡ് ട്വിങ്കിൾ' എന്ന ടോക്ക് ഷോയുടെ പുതിയ എപ്പിസോഡിലാണ് താരത്തിന്റെ ഈ തുറന്നുപറച്ചിൽ. ബോളിവുഡ് താരങ്ങളായ വിക്കി കൗശലും കൃതി സനോണുമായിരുന്നു ഈ എപ്പിസോഡിലെ അതിഥികൾ. ഷോയിലെ 'ദിസ് ഓർ ദാറ്റ്' എന്ന സെഗ്‌മെന്റിൽ അതിഥികൾക്ക് മുന്നിൽ വെച്ച ഒരു ചോദ്യമാണ് ഈ ചർച്ചയ്ക്ക് വഴിവെച്ചത്.

Also Read: ഇടതുകയ്യിൽ പൾസില്ലാത്ത അമിതാഭ് ബച്ചൻ; അതിജീവനത്തിൻ്റെ 'മെഡിക്കൽ മിറാക്കിൾ'

"വിവാഹബന്ധങ്ങൾക്ക് ഒരു കാലാവധി നിശ്ചയിക്കുകയും അതിനുശേഷം അത് പുതുക്കാനുള്ള ഓപ്ഷൻ നൽകുകയും ചെയ്യേണ്ടതുണ്ടോ?" എന്നതായിരുന്നു ചോദ്യം. 

ഈ ചോദ്യത്തോട് വിക്കി കൗശൽ, കൃതി സനോൺ, ട്വിങ്കിൾ ഖന്ന എന്നിവർ ശക്തമായി വിയോജിച്ച് റെഡ് സോണിൽ നിലയുറപ്പിച്ചു. എന്നാൽ, കാജോൾ ഈ ആശയത്തെ അനുകൂലിച്ച് ഗ്രീൻ സോണിലേക്ക് മാറി.

"ഇല്ല, ഇത് വിവാഹമാണ്, ഒരു വാഷിംഗ് മെഷീനല്ല. കാലാവധി നിശ്ചയിക്കാൻ." കാജോളിന്റെ വാദത്തെ തള്ളിക്കളഞ്ഞു കൊണ്ട് ട്വിങ്കിൾ പറഞ്ഞതിങ്ങനെ.

Also Read: മൂത്തോനായി വാപ്പിച്ചി വരും, ഞങ്ങൾ ഒരുമിക്കുന്ന ആദ്യചിത്രമായിരിക്കും അത്: ദുൽഖർ സൽമാൻ

"എക്സ്പയറി ഡേറ്റ് വേണമെന്നാണ് എനിക്ക് തോന്നുന്നത്. ശരിയായ സമയത്ത് ശരിയായ വ്യക്തിയെയായിരിക്കും വിവാഹം കഴിക്കുക എന്ന് എങ്ങനെ പറയാൻ കഴിയും? അതിനാൽ, ഒരു പുതുക്കൽ ഓപ്ഷൻ ഉണ്ടായിരിക്കണം. ഒരു കാലാവധി ഉണ്ടെങ്കിൽ, നമുക്ക് അധികനാൾ കഷ്ടപ്പെടേണ്ടി വരില്ല," കാജോൾ തന്റെ നിലപാടിൽ ഉറച്ചുനിന്നു. 

കാജോളിന്റെ അഭിപ്രായം കേട്ട ശേഷം കൃതി സനോണിന്റെ പ്രതികരണം തമാശ നിറഞ്ഞതായിരുന്നു: "ഒരാൾ (ഭാര്യ) ആ ഓപ്ഷനിൽ തൃപ്തയാണെങ്കിൽ, വീട്ടിൽ പിന്നെ പ്രശ്നങ്ങളില്ല." 

ഈ സെഗ്‌മെന്റിലെ അടുത്ത ചോദ്യവും ചർച്ചയ്ക്ക് വഴിതുറന്നു: "പണം സന്തോഷം നൽകുമോ?" ട്വിങ്കിളും വിക്കിയും ഉടൻതന്നെ യോജിക്കുകയും ഗ്രീൻ സോണിലേക്ക് മാറുകയും ചെയ്തു.

എന്നാൽ, കാജോൾ ഇതിനോടും വിയോജിച്ചു. "എത്ര പണമുണ്ടെങ്കിലും സന്തോഷം ഉണ്ടാവണമെന്നില്ല. ചില സമയങ്ങളിൽ, പണം ഒരു തടസ്സമാണെന്ന് പോലും എനിക്ക് തോന്നാറുണ്ട്. അത് സന്തോഷമെന്ന ആശയത്തോട് നിങ്ങളെ മടുപ്പിക്കുന്നു," കാജോൾ തന്റെ നിലപാട് വ്യക്തമാക്കി.

കൃതി സനോൺ ഒരു മധ്യനില സ്വീകരിച്ച്, പണം ഒരു പരിധി വരെ സന്തോഷം നൽകുമെന്ന അഭിപ്രായത്തിൽ എത്തിച്ചേർന്നു.

ഗെയിമിന്റെ മറ്റൊരു രസകരമായ നിമിഷം, 'ബെസ്റ്റ് ഫ്രണ്ട്‌സ് പരസ്പരം എക്‌സുകളെ ഡേറ്റ് ചെയ്യാൻ പാടില്ല,' എന്ന പ്രസ്താവന ചർച്ച ചെയ്യുമ്പോഴായിരുന്നു.

Also Read: സിങ്കപ്പെണ്ണായി ജിമ്മിൽ; വർക്കൗട്ട് ചിത്രങ്ങളുമായി മഞ്ജു വാര്യർ

ഈ വിഷയത്തിൽ സംസാരിക്കുമ്പോൾ ട്വിങ്കിൾ ഖന്ന കാജോളിന്റെ തോളിൽ കൈയിട്ടുകൊണ്ട് ഒരു രഹസ്യം പങ്കുവെച്ചു: "ഞങ്ങൾക്ക് ഒരാൾ പൊതുവായി എക്‌സായുണ്ട്, പക്ഷെ ഞങ്ങൾക്ക് പറയാൻ കഴിയില്ല."

ഇതുകേട്ട കാജോൾ ഉടൻതന്നെ ട്വിങ്കിളിനോട് "മിണ്ടാതിരിക്കാൻ" ആവശ്യപ്പെടുകയും, കൂടുതൽ വെളിപ്പെടുത്തലുകൾ ഒഴിവാക്കാൻ ശ്രമിക്കുകയും ചെയ്തു. ഈ സംഭാഷണം ഷോയിൽ വലിയ ചിരിപടർത്തി. 

Also Read: New OTT Release: ഇന്ന് അർദ്ധരാത്രിയോടെ ഒടിടിയിൽ എത്തുന്ന 6 ചിത്രങ്ങൾ