കൊറിയോഗ്രാഫറായി ജോൺ എബ്രഹാം; ബീസ്റ്റ് സിനിമയിലെ പാട്ടിന് ചവടുവച്ച് ജാക്വിലിനും രാകുൽ പ്രീത് സിങും ശിൽപ ഷെട്ടിയും

ഇന്ത്യാസ് ഗോട്ട് ടാലന്റ് റിയാലിറ്റി ഷോയുടെ സെറ്റിൽ വച്ച് സംവിധായകനും കൊറിയോഗ്രാഫറുമായി മാറിയിരിക്കുകയാണ് ജോൺ എബ്രഹാം. തന്റെ വരാനിരിക്കുന്ന ചിത്രമായ അറ്റാക്കിന്റെ പ്രൊമോഷനായി റിയാലിറ്റി ഷോയിൽ എത്തിയ ജോൺ, ബീസ്റ്റ് സിനിമയിലെ അറബിക് കുത്ത് എന്ന പാട്ടിന്റെ ചുവടുകൾ ശിൽപ ഷെട്ടി, ജാക്വലിൻ ഫെർണാണ്ടസ്, രാകുൽ പ്രീത് സിംഗ് എന്നിവരെ പഠിപ്പിക്കുന്നതായി ഈ ഷോയുടെ വീഡിയോയിൽ കാണാം. ഗാനത്തിൽ യഥാർത്ഥത്തിൽ സൂപ്പർ സ്റ്റാർ വിജയും പൂജാ ഹെഗ്‌ഡെയും അഭിനയിച്ചിരിക്കുന്നു.

വീഡിയോ ശിൽപ ഷെട്ടി ഇൻസ്റ്റഗ്രാമിൽ പങ്കുവച്ചു. , “തമാശ നിറഞ്ഞ നിമിഷങ്ങൾ. ഡാൻസ് ഫ്ലോർ ഞങ്ങൾ പൊളിക്കുന്നു!" വീഡിയോക്കൊപ്പം ശിൽപ കുറിച്ചു. എപ്പിസോഡിനിടെ, ജോണും ശിൽപയും 'ദേശി ഗേൾ', 'ഷട്ട് അപ്പ് ആൻഡ് ബൗൺസ്' എന്നിവയിലും അവതരിപ്പിച്ചു.

നേരത്തെ, ഷേപ്പ് ഓഫ് യു എന്ന പേരിൽ ശിൽപ ഷെട്ടിയുടെ ടോക്ക് ഷോയിലും ജോൺ പങ്കെടുത്തിരുന്നു. എപ്പിസോഡിൽ, ഫിറ്റ്നസിന്റെ പ്രാധാന്യത്തെക്കുറിച്ച് ജോൺ തുറന്നുപറഞ്ഞു. പുരുഷന്മാർക്ക് “ഇംപെർഫെക്ട്” ആകാം എന്നും അദ്ദേഹം പറഞ്ഞു.

അറ്റാക്ക് സിനിമയുടെ പ്രൊമോഷന്റെ തിരക്കിലാണ് ഇപ്പോൾ ജോൺ.അതിൽ ജോൺ ഒരു സൈനികനായി അഭിനയിക്കുന്നു.

ജാക്വലിൻ, രാകുൽ പ്രീത് എന്നിവരും അറ്റാക്കിൽ അഭിനയിക്കുന്നു. ചിത്രം ഏപ്രിൽ ഒന്നിന് റിലീസ് ചെയ്യും.