Latest News
കോവിഡ് മുക്തരിലെ ക്ഷയരോഗം: മാർഗനിർദേശവുമായി ആരോഗ്യ വകുപ്പ്
രണ്ടാം തരംഗം കേരളത്തിന് കടുപ്പമായി; മരണങ്ങളിൽ പകുതിയും 40 ദിവസത്തിനിടെ
Coronavirus India Live Updates: 150 രൂപയ്ക്ക് കോവാക്സിന്‍ കേന്ദ്രത്തിന് നല്‍കുന്നത് ലാഭകരമല്ല: ഭാരത് ബയോടെക്

ഇതിഹാസതാരത്തിന്റെ കയ്യൊപ്പു പതിഞ്ഞ പ്രിയസമ്മാനം; ഋഷി കപൂറിന്റെ ഓർമകളിൽ ജീത്തു ജോസഫ്

ജീത്തു ജോസഫിന്റെ ആദ്യ ബോളിവുഡ് സംരംഭമായ ‘ബോഡി’യിൽ ഋഷി കപൂർ അഭിനയിച്ചിരുന്നു

Jeethu Joseph, ഋഷി കപൂര്‍, rishi kapoor, rishi kapoor dead, rishi kapoor death, rishi kapoor death reason, rishi kapoor dies, rishi kapoor age, rishi kapoor died, rishi

തന്റെ ആദ്യ ബോളിവുഡ് ചിത്രത്തിൽ ഋഷി കപൂറിനൊപ്പം പ്രവർത്തിക്കാൻ ഭാഗ്യം ലഭിച്ച അനുഭവം ഓർക്കുകയാണ് സംവിധായകൻ ജീത്തു ജോസഫ്. ജീത്തു ജോസഫിന്റെ ആദ്യ ബോളിവുഡ് സംരംഭമായ ‘ബോഡി’ എന്ന ചിത്രമാണ് ഋഷി കപൂറിന്റേതായി അവസാനം തിയേറ്ററിൽ എത്തിയ ചിത്രവും. ഋഷി കപൂറിനൊപ്പമുള്ള ഒരു ചിത്രമെന്നത് തന്റെ സ്വപ്ന സാക്ഷാത്കാരമായിരുന്നെന്നും അദ്ദേഹത്തിൽ നിന്നും ഒരുപാട് കാര്യങ്ങൾ പഠിക്കാൻ സാധിച്ചെന്നും ജീത്തു പറയുന്നു.

“ഋഷി കപൂർ സാറിന്റെ വിയോഗത്തെ കുറിച്ചുള്ള വാർത്ത കേട്ടു. അദ്ദേഹത്തിനൊപ്പം വർക്ക് ചെയ്യുക എന്നത് എന്നെ സംബന്ധിച്ച് സ്വപ്നസാക്ഷാത്കാരമായിരുന്നു. സിനിമയോടുള്ള അടങ്ങാത്ത അഭിനിവേശവും ജോലിയോടുള്ള സമീപനവും വിനയവുമെല്ലാം എടുത്തുപറയേണ്ടതാണ്. അനുഭവസമ്പത്തിലും സിനിമയെ കുറിച്ചുള്ള അറിവിലും അദ്ദേഹം എന്നേക്കാൾ എത്രയോ മുമ്പിലാണെങ്കിലും എപ്പോഴും വളരെ സ്നേഹത്തോടെയും കരുതലോടെയുമാണ് എന്നോട് പെരുമാറിയിരുന്നത്. അദ്ദേഹത്തോടൊപ്പം സെറ്റിലുണ്ടായിരുന്ന ഓരോ ദിവസവും എനിക്ക് പുതിയ കാര്യങ്ങൾ പഠിക്കാനായി. ഇന്ത്യൻ സിനിമയ്ക്കൊരു ഇതിഹാസത്തെയാണ് നഷ്ടമായിരിക്കുന്നത് എന്നത് തീരാവേദനയാണ്. അദ്ദേഹത്തിന്റെ കുടുംബാംഗങ്ങളുടെ വേദനയിൽ പങ്കുചേരുന്നു,” ജീത്തു ജോസഫ് ഫേസ്ബുക്ക് കുറിപ്പിൽ പറയുന്നു.

Read more: ബോളിവുഡ് നടൻ ഋഷി കപൂർ അന്തരിച്ചു

ഋഷി കപൂർ സ്നേഹത്തോടെ നൽകിയ ഹൃദയത്തോട് ചേർത്തുപിടിക്കുന്ന ഒരു സമ്മാനത്തെക്കുറിച്ചും ജീത്തു മറ്റൊരു ഫേസ്ബുക്ക് കുറിപ്പിൽ പറയുന്നു. തന്റെ ജീവചരിത്രസംബന്ധിയായ പുസ്തകത്തിൽ കയ്യൊപ്പു ചാർത്തി ജീത്തുവിന് നൽകിയിരിക്കുകയാണ് ഋഷികപൂർ. “പ്രിയപ്പെട്ട ജീത്തു ജോസഫ് സാർ… ചിയേഴ്സ്,” എന്നാണ് സ്വന്തം കൈപ്പടയാൽ ഋഷി കപൂർ കുറിച്ചിരിക്കുന്നത്.

Read more: ഞാന്‍ തകര്‍ന്നു: ഋഷി കപൂറിന്റെ വിയോഗത്തില്‍ വിലപിച്ച് അമിതാഭ് ബച്ചന്‍

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Jeethu joseph remembering rishi kapoor

Next Story
പ്രണയനായകന് പ്രണാമമര്‍പ്പിച്ച് പൃഥ്വിയും സുപ്രിയയുംprithviraj, prithviraj sukumaran, supriya menon, ഋഷി കപൂര്‍, rishi kapoor, rishi kapoor dead, rishi kapoor death, rishi kapoor death reason, rishi kapoor dies, rishi kapoor age, rishi kapoor died, rishi
The moderation of comments is automated and not cleared manually by malayalam.indianexpress.com
Best of Express