ജയസൂര്യയുടെ സുപ്പര്‍ഹിറ്റ് ചിത്രം ആട്2 വിലെ ഡിലീറ്റ് ചെയ്ത രംഗങ്ങള്‍ പുറത്ത്. സിനിമയുടെ അണിയറക്കാര്‍ തന്നെയാണ് യൂട്യൂബിലൂടെ ദൃശ്യങ്ങള്‍ പുറത്ത് വിട്ടത്. ചിത്രത്തിലെ ജയസൂര്യ അവതരിപ്പിക്കുന്ന കേന്ദ്ര കഥാപാത്രം ഷാജി പാപ്പന്റെ വീട്ടില്‍ നടക്കുന്ന ചില തമാശ രംഗങ്ങളാണ്പ്രേക്ഷകര്‍ക്കായി പുറത്ത് വിട്ടിരിക്കുന്നത്.

നടനായ വിജയ് ബാബുവാണ് ചിത്രം നിര്‍മ്മിച്ചത്. ക്രിസ്മസ്റിലീസായി തിയേറ്ററിലെത്തിയ ആട്2, മികച്ച പ്രതികരണവുമായി പ്രദര്‍ശനം തുടരുകയാണ്.

ആട് ഒരു ഭീകരജീവിയാണ് എന്ന ചിത്രം റിലീസ് ചെയ്ത് രണ്ട് വര്‍ഷം പിന്നിടുമ്പോഴാണ് സിനിമയുടെ രണ്ടാം ഭാഗം എത്തുന്നത്. ഒന്നാം ഭാഗം2015 ഫെബ്രുവരി ആറിനാണ് തിയറ്ററുകളിലെത്തിയിരുന്നത്. എന്നാല്‍ ബോക്സോഫീസില്‍ വന്‍ തിരിച്ചടിയായിരുന്നു ആദ്യഭാഗത്തിന്. ആടിന്റെ ആദ്യ ഭാഗത്തെ കഥാപാത്രങ്ങളില്‍ പലരും രണ്ടാം ഭാഗത്തിലുണ്ടായിരുന്നു. ഒന്നാംഭാഗത്തിന്റെ ക്ഷീണം തീര്‍ത്താണ് ഷാജിപ്പാപ്പനും സംഘവും തിയേറ്ററുകള്‍ പിടിച്ചെടുക്കുന്നത്.

ഷാന്‍ റഹ്മാന്‍ തന്നെയാണ് സംഗീതം. വിജയ് ബാബുവിന്റെ ഉടമസ്ഥതയിലുള്ള ഫ്രൈഡേ ഫിലിംസ് ആണ് ചിത്രം നിര്‍മ്മിച്ചിരിക്കുന്നത്. ആട് 2ന്റെ വിജയാഘോഷത്തിന്റെ ഭാഗമായി അഭിരാമി സുരേഷും അമൃത സുരേഷും ചിട്ടപ്പെടുത്തിയ ഒരു പാട്ടും പുറത്തിറക്കിയിരുന്നു.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ