ഇന്ത്യൻ സിനിമയുടെ അഭിമാനമായ താരം, 1862 കോടി ആസ്തിക്ക് ഉടമ; ഈ കുട്ടിക്കുറുമ്പനെ മനസിലായോ?

ഇന്ത്യൻ സിനിമയുടെ തന്നെ അഭിമാനമായ ബോളിവുഡ് താരത്തിന്റെ കുട്ടിക്കാലചിത്രമാണ് ഇപ്പോൾ ശ്രദ്ധ കവരുന്നത്.

മൂന്നു പതിറ്റാണ്ടിലേറെ നീണ്ട തന്റെ അഭിനയസപര്യ കൊണ്ട്, ഇന്ത്യൻ സിനിമാലോകത്ത് തന്റേതായൊരു ഇടം കണ്ടെത്തിയ ആമിർഖാൻ ആണ് ചിത്രത്തിലുള്ള കുട്ടി.

ബാലതാരമായി അഭിനയരംഗത്തെത്തിയ ആമിർ 'ഖയാമത്ത് സേ ഖയാമത്ത് തക്' (1988) എന്ന ചിത്രത്തിലാണ് ആദ്യം നായകനായത്.

രാജ ഹിന്ദുസ്ഥാനി, ദിൽ ചാഹ്താ ഹെ, രംഗ് ദേ ബസന്തി, ഫനാ, ധൂം 3, ലഗാൻ, ദംഗൽ, ഗജിനി, താരെ സമീൻ പർ, 3 ഇഡിയറ്റ്സ്, ഖയാമത്ത് സേ ഖയാമത്ത് തക്, പികെ, തഗ്സ് ഓഫ് ഹിന്ദുസ്ഥാൻ തുടങ്ങി നിരവധിയേറെ ഹിറ്റ് ചിത്രങ്ങളിൽ ആമിർ തിളങ്ങി.

നിരവധി ദേശീയ അവാർഡുകളും ഫിലിംഫെയർ അവാർഡുകളും ഒപ്പം പത്മശ്രീ, പത്മഭൂഷൺ ബഹുമതികളും ആമിറിനെ തേടിയെത്തി.

നടൻ, സംവിധായകൻ എന്നതിനു പുറമേ നിർമാതാവ് കൂടിയാണ് ആമിർ.