Latest News
വിദ്യാര്‍ഥിനി വെടിയേറ്റ് മരിച്ച സംഭവം: രാഖിലിന്റെ സുഹൃത്തുക്കളെ കേന്ദ്രീകരിച്ചും അന്വേഷണം

ഷാരൂഖിന്റെ വാക്ക് കേട്ട് മന്നത്തിനു മുന്നിലെത്തിയത് 400 ഓളം പെൺകുട്ടികൾ

ചിത്രത്തിന്റെ പ്രൊമോഷന്റെ ഭാഗമായി ഷാരൂഖ് തന്റെ ആരാധകർക്ക് ഒരു വാക്ക് നൽകി

shah rukh khan, mannat

റയീസിനുശേഷം ഷാരൂഖ് ഖാൻ നായകനാവുന്ന ചിത്രമാണ് ‘ജബ് ഹാരി മെറ്റ് സേജൾ’. അനുഷ്ക ശർമയാണ് ചിത്രത്തിലെ നായിക. സേജൾ എന്ന കഥാപാത്രമാണ് അനുഷ്കയുടേത്. ചിത്രത്തിന്റെ പ്രൊമോഷന്റെ ഭാഗമായി ഷാരൂഖ് തന്റെ ആരാധകർക്ക് ഒരു വാക്ക് നൽകി. ‘സേജൾ’ എന്നു പേരുളള പെൺകുട്ടികൾ ലോകത്തിന്റെ ഏതു ഭാഗത്താണോ കൂടുതലായും ഉളളത് അവരെയൊക്കെ അവിടെയെത്തി കാണുമെന്നാണ് ഷാരൂഖ് ഉറപ്പു നൽകിയത്.

സോഷ്യൽ മീഡിയയിൽ പോസ്റ്റ് ചെയ്ത വിഡിയോയിലൂടെയാണ് ഷാരൂഖ് ഇക്കാര്യം അറിയിച്ചത്. വിഡിയോ പുറത്തുവന്നതിനു പിന്നാലെ രാജ്യത്തിന്രെ വിവിധ ഭാഗങ്ങളിൽ നിന്നായി നിരവധി കത്തുകൾ ഷാരൂഖിനെ തേടിയെത്തി. ഏഴായിരത്തിലധികം കത്തുകൾ ഷാരൂഖിന് കിട്ടിയതായാണ് ഡെക്കാൺ ക്രോണിക്കിൾ റിപ്പോർട്ട് ചെയ്തിരിക്കുന്നത്. ഇപ്പോഴും കത്തുകൾ വന്നുകൊണ്ടിരിക്കുന്നു. 400 ഓളം പെൺകുട്ടികൾ ഷാരൂഖിനെ കാണുക എന്ന ലക്ഷ്യത്തോട ഇതിനോടകം മന്നത്തിൽ നേരിട്ട് വന്നു കഴിഞ്ഞു. ചിലർ തങ്ങളുടെ ഐഡി കാർഡും കൊണ്ടാണ് വന്നത്. ആരാധികമാരെ കാര്യങ്ങൾ പറഞ്ഞ് മനസ്സിലാക്കാൻ ഷാരൂഖിന്റെ സുരക്ഷാ ഉദ്യോഗസ്ഥർക്ക് ശരിക്കും പാടുപെടേണ്ടി വന്നു. മന്നത്തിൽ ഷാരൂഖിനെ കാണാൻ കഴിഞ്ഞില്ലെങ്കിലും തങ്ങളെ കാണാൻ താരം നേരിട്ട് എത്തുമെന്ന പ്രതീക്ഷയിലാണ് ഒടുവിൽ പെൺകുട്ടികൾ മടങ്ങിയത്.

അതിനിടെ ഉടൻതന്നെ ഷാരൂഖ് തന്റെ ആരാധികമാര കണ്ടേക്കുമെന്നാണ് റിപ്പോർട്ട്. മൽസരത്തിൽ അഹമ്മദാബാദ് വിജയിച്ചതായാണ് വിവരം. അങ്ങനെയെങ്കിൽ സേജൾമാരെ കാണാൻ ഷാരൂഖ് ഉടൻ അവിടേക്കെത്തും. ഒപ്പം ചിത്രത്തിന്റെ സംവിധായകൻ ഇംതിയാസ് അലിയും ഉണ്ടാകും. ആരാധികമാരുടെ സാന്നിധ്യത്തിൽ ചിത്രത്തിലെ ‘രാധ’ എന്ന ഗാനം പുറത്തിറക്കുമെന്നും സൂചനയുണ്ട്.

ഇംതിയാസ് അലിയാണ് ‘ജബ് ഹാരി മെറ്റ് സേജൾ’ എന്ന ചിത്രത്തിന്റെ സംവിധായകൻ. ഓഗസ്റ്റ് നാലിനാണ് ചിത്രം തിയേറ്ററിലെത്തുക. ചിത്രത്തിന്റെ പ്രൊമോഷൻ തിരക്കുകളിലാണ് ഷാരൂഖും അനുഷ്കയും. റബ് നേ ബനാ ദി ജോഡി (2008), ജബ് തക് ഹേ ജാൻ(2012) എന്നീ ഹിറ്റ് ചിത്രങ്ങൾക്കു ശേഷം ഷാരൂഖ് ഖാനും അനുഷ്‌ക ശർമ്മയും വീണ്ടും ഒന്നിച്ച് അഭിനയിക്കുന്ന ചിത്രം കൂടിയാണ് ഇത്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: In an attempt to meet their harry 400 girls show up at shah rukh khans residence

Next Story
സൗബിനും ദുൽഖറും വീണ്ടും ഒന്നിക്കുന്നു, പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്
The moderation of comments is automated and not cleared manually by malayalam.indianexpress.com