Latest News
മൊറേനൊ പെനാലിറ്റി പാഴാക്കി; സ്പെയിനിനെ സമനിലയില്‍ കുരുക്കി പോളണ്ട്
ഇന്ധനനിരക്ക് വര്‍ധിപ്പിച്ചു, പെട്രോളിന് 29 പൈസയും ഡീസലിന് 30 പൈസയുമാണ് കൂട്ടിയത്
സംസ്ഥാനത്ത് ഒറ്റപ്പെട്ട ശക്തമായ മഴ തുടരുന്നു; നാല് ജില്ലകളില്‍ യെല്ലോ അലര്‍ട്ട്
ഇന്നും സമ്പൂര്‍ണ ലോക്ക്ഡൗണ്‍; നാളെ മുതല്‍ ഇളവുകള്‍
രാജ്യത്ത് 58,419 പുതിയ കേസുകള്‍; 7.29 ലക്ഷം പേര്‍ ചികിത്സയില്‍

‘സര്‍ക്കാര്‍’ കോപ്പിയടി: മുരുഗദാസിനെതിരെ ആരോപണവുമായി സഹസംവിധായകന്‍

2007 ൽ റൈറ്റേഴ്സ് യൂണിയനിൽ രജിസ്റ്റർ ചെയ്ത തന്റെ ‘സെൻഗോൾ’ എന്ന കഥയാണ് മുരുഗദാസ് മോഷ്ടിച്ചതെന്നാണ് വരുണിന്റെ പരാതി

Thalapathy Vijay-starrer Sarkar director AR Murugadoss accused of plagiarism
Thalapathy Vijay-starrer Sarkar director AR Murugadoss accused of plagiarism

‘സര്‍ക്കാർ’ കോപ്പിയടിയാണെന്ന ആരോപണവുമായി സംവിധായകൻ എ.ആര്‍ മുരുഗദാസിനെതിരെ സഹസംവിധായകനും എഴുത്തുകാരനുമായ വരുൺ രാജേന്ദ്രൻ രംഗത്ത്. ‘സർക്കാർ’ തന്റെ കഥയാണെന്നും മുരുകദോസ് കഥ മോഷ്ടിച്ചതാണെന്നുമാണ് വരുണിന്റെ ആരോപണം.

നേരത്തെ ചിത്രത്തിലെ പോസ്റ്ററിലെ പുകവലി ദൃശ്യം വിവാദമായിരുന്നു. പുകവലിയിലൂടെ വിജയ് ഫാൻസിന് തെറ്റായ സന്ദേശമാണ് നൽകുന്നതെന്ന രീതിയിലുള്ള നിരവധി പ്രതികരണങ്ങൾ സോഷ്യൽ മീഡിയയിൽ വിവാദങ്ങൾക്ക് തിരികൊളുത്തിയിരുന്നു. ഇപ്പോൾ സിനിമയുടെ കഥ തന്നെ മോഷണമാണെന്ന ആരോപണവും കൂടി വന്നതോടെ ‘സർക്കാർ’ വീണ്ടും വിവാദങ്ങളിൽ സ്ഥാനം പിടിക്കുകയാണ്.

സംഭവവുമായി ബന്ധപ്പെട്ട് സൗത്ത് ഇന്ത്യൻ ഫിലിം റൈറ്റേഴ്സ് അസോസിയേഷന് മുൻപാകെ വരുൺ പരാതി നൽകി. 2007 ൽ റൈറ്റേഴ്സ് യൂണിയനിൽ രജിസ്റ്റർ ചെയ്ത തന്റെ ‘സെൻഗോൾ’ എന്ന കഥയാണ് മുരുഗദാസ് മോഷ്ടിച്ചതെന്നാണ് വരുണിന്റെ പരാതി.

വിജയിന്റെ അച്ഛൻ എസ്​എ ചന്ദ്രശേഖറിനോട് താൻ ‘സെൻഗോളി’ന്റെ കഥ പറഞ്ഞിരുന്നെന്നും കഥ കേട്ട് ഉടനെ തന്നെ തിരിച്ചുവിളിക്കാം എന്ന് വാഗ്ദാനം ചെയ്തിരുന്നെങ്കിലും പിന്നീട് പ്രതികരണമൊന്നുമുണ്ടായില്ലെന്നും വരുൺ പരാതിയിൽ പറയുന്നു.

‘ഒരുവേള മുഖ്യമന്ത്രി ആയാൽ’…. ഉത്തരം കിട്ടാത്ത ചോദ്യത്തിന് മാസ് മറുപടിയുമായി വിജയ്

കേസുമായി വരുൺ മുന്നോട്ട് പോയാൽ 2018 ദീപാവലിയ്ക്ക് തിയേറ്ററുകളിലെത്താൻ ഇരിക്കുന്ന ‘സർക്കാറി’ന്റെ റിലീസിനെയും അതു ബാധിക്കും. അതിനാൽ വരുണിന്റെ പരാതി സ്വീകരിച്ച റൈറ്റേഴ്സ് യൂണിയന്റെ പ്രസിഡന്റും നടനും സംവിധായകനുമായ കെ ഭാഗ്യരാജ് ഇരുകക്ഷികളുമായി സംസാരിച്ച് സമവായ ചർച്ചകൾക്ക് ശ്രമിക്കുന്നു എന്ന റിപ്പോർട്ടാണ് ലഭിക്കുന്നത്.

തമിഴ് നാട്ടിലെ രാഷ്ട്രീയ അന്തരീക്ഷം വൃത്തിയാക്കാൻ എത്തുന്ന ഒരു ഹൈ ടെക് സിഇഒയുടെ കഥയാണ് സർക്കാർ പറയുന്നത്. ‘സർക്കാർ’ ഒരു പൊളിറ്റിക്കല്‍ ത്രില്ലറാണ്. സണ്‍ പിക്‌ച്ചേഴ്‌സ് നിര്‍മ്മിക്കുന്ന ഈ ചിത്രത്തില്‍ എ.ആര്‍ റഹ്മാനാണ് സംഗീത സംവിധായകന്‍. കീര്‍ത്തി സുരേഷും, വരലക്ഷ്മി ശരത് കുമാറുമാണ് ചിത്രത്തിലെ നായികമാര്‍.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Ilayathalapathy vijay starrer sarkar director ar murugadoss accused of plagiarism

Next Story
ഗായിക വൈക്കം വിജയലക്ഷ്മി വിവാഹിതയായി: ചിത്രങ്ങള്‍, വീഡിയോVaikom Vijayalakshmi Anoop Marriage Photo Video
The moderation of comments is automated and not cleared manually by malayalam.indianexpress.com