IFFK 2025: ഐഎഫ്എഫ്കെയിൽ ഈ വർഷം മത്സരിക്കുന്ന മലയാള ചിത്രങ്ങൾ

IFFK 2025, തിരുവനന്തപുരം: 30-ാമത് കേരള അന്താരാഷ്ട്ര ചലച്ചിത്രോത്സവത്തിന് തിരശ്ശീല ഉയരാൻ ഇനി ദിവസങ്ങൾ മാത്രം ബാക്കി. ഈ വർഷം ഐഎഫ്എഫ്കെയിൽ, മത്സരവിഭാഗത്തിലും മലയാള സിനിമ ഇന്ന് വിഭാഗത്തിലുമായി പ്രദർശിപ്പിക്കപ്പെടുന്ന ചിത്രങ്ങൾ ഏതൊക്കെയെന്ന് നോക്കാം.

Also Read:  IFFK 2025: ഐഎഫ്എഫ്കെയിൽ നാല് അനിമേഷന്‍ ചിത്രങ്ങളും

ഐഎഫ്എഫ്കെ 2025-ലെ മത്സര വിഭാഗത്തിലേക്ക് രണ്ട് മലയാള സിനിമകളാണ്  തിരഞ്ഞെടുക്കപ്പെട്ടത്. ഉണ്ണികൃഷ്ണൻ ആവള സംവിധാനം ചെയ്ത ലൈഫ് ഓഫ് എ ഫാലസും, സഞ്ജു സുരേന്ദ്രൻ സംവിധാനം ചെയ്ത ഖിഡ്കി ഗാവുമാണ് മത്സരവിഭാഗത്തിലേക്ക് തിരഞ്ഞെടുക്കപ്പെട്ട ചിത്രങ്ങൾ.

Also Read:  എന്റെ ഭ്രാന്തൊക്കെ ഈ മനുഷ്യനിൽ നിന്നും കിട്ടിയതാ; ലാലിന് പിറന്നാൾ ആശംസകളുമായി മകൾ
 
ദക്ഷിണ കൊറിയയിലെ ബുസാൻ അന്താരാഷ്ട്ര ചലച്ചിത്രോത്സവത്തിൽ ഹൈലൈഫ് വിഷൻ പുരസ്കാരം നേടിയ സിനിമയാണ് സഞ്ജു സുരേന്ദ്രന്റെ ഖിഡ്കി ഗാവ്. അതേസമയം, ചോലനായ്ക്കരുടെ ജീവിതത്തിന്റെ പശ്ചാത്തലത്തിൽ ചിത്രീകരിച്ച സിനിമയാണ് ഉണ്ണികൃഷ്ണൻ ആവളയുടെ ലൈഫ് ഓഫ് എ ഫാലസ്.

Also Read: നിങ്ങൾക്കെന്നെ ഇഷ്ടപ്പെടാൻ കഴിയില്ല, പടം കണ്ടിറങ്ങുമ്പോൾ എന്റെ കഥാപാത്രം നിങ്ങളെ വിട്ട് പോവുകയുമില്ല: മമ്മൂട്ടി
 
 12 മലയാളം സിനിമകൾ

അതേസമയം, 'മലയാള സിനിമ ഇന്ന്' (malayalam Cinema Today) വിഭാഗത്തിൽ 12 സിനിമകളാണ് തിരഞ്ഞെടുക്കപ്പെട്ടത്. 

• എബ്ബ് (ജിയോ ബേബി)
• പെണ്ണും പൊറാട്ടും (രാജേഷ് മാധവൻ)
• സമസ്ത ലോക (ഷെറി ഗോവിന്ദൻ)
• ആംബ്രോസിയ (ആദിത്യ ബേബി)
• കാത്തിരിപ്പ് (നിപിൻ നാരായണൻ)
• ശവപ്പെട്ടി (റിനോഷുൺ കെ)
• ആദി സ്നേഹത്തിന്റെ വിരുന്ന് മേശ (മിനി ഐ ജി)
• ശേഷപ്പ് (ശ്രീജിത്ത് എസ് കുമാർ, ഗ്രിറ്റോ വിൻസെന്റ്)
• അന്യരുടെ ആകാശങ്ങൾ (ശ്രീകുമാർ കെ)
• ഒരു അപസർപ്പക കഥ (അരുൺ വർദ്ധൻ)
• മോഹം (ഫാസിൽ റസാഖ്)
• ചാവു കല്യാണം (വിഷ്ണു ബി ബീന) 

മേളയിലേക്ക് തിരഞ്ഞെടുക്കപ്പെട്ട 14 മലയാള ചിത്രങ്ങളിൽ ഒമ്പത് എണ്ണവും നവാഗതരുടെതാണ് എന്നതാണ് മറ്റൊരു പ്രത്യേകത. 

കേരള അന്താരാഷ്ട്ര ചലച്ചിത്രോത്സവത്തിന്റെ 30-ാം പതിപ്പ് 2025 ഡിസംബർ 12 മുതൽ 19 വരെ തിരുവനന്തപുരത്ത് നടക്കും.

Also Read: സാമന്തയ്ക്ക് ആശംസകളുമായി ഡേവിഡ് ബെക്കാം; കമന്റ് വൈറൽ