scorecardresearch
Latest News

Nanpakal Nerathu Mayakkam: ഇങ്ങനെയൊക്കെ മമ്മൂട്ടിക്ക് മാത്രമേ സാധിക്കൂ; മികച്ച പ്രതികരണം നേടി ‘നൻപകൽ നേരത്ത് മയക്കം’

ലിജോ ജോസിന്റെ മാസ്റ്റർ പീസ് സിനിമയെന്നാണ് ‘നൻപകൽ നേരത്ത് മയക്ക’ത്തിന്റെ ആദ്യപ്രദർശനം കണ്ട പ്രേക്ഷകർ വിശേഷിപ്പിക്കുന്നത്

Nanpakal Nerathu Mayakkam: ഇങ്ങനെയൊക്കെ മമ്മൂട്ടിക്ക് മാത്രമേ സാധിക്കൂ; മികച്ച പ്രതികരണം നേടി ‘നൻപകൽ നേരത്ത് മയക്കം’

Nanpakal Nerathu Mayakkam Movie Review: മമ്മൂട്ടിയെ കേന്ദ്രകഥാപാത്രമാക്കി ലിജോ ജോസ് പെല്ലിശ്ശേരി സംവിധാനം ചെയ്ത ‘നൻപകൽ നേരത്ത് മയക്ക’ത്തിന്റെ ആദ്യപ്രദർശനം തിങ്കളാഴ്ച ഐഎഫ്എഫ്‌കെയിൽ നടന്നു. ആദ്യപ്രദർശനം പൂർത്തിയായപ്പോൾ മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്.

“നൻപകൽ നേരത്തെ മയക്കം കണ്ടു. ലിജോയുടെ ഏറ്റവും മികച്ച സിനിമ ഇതാണെന്ന് തോന്നി. തിരക്കഥാകൃത്ത് ഹരീഷിനെയും മയക്കത്തിന്റെ നായകൻ മമ്മൂട്ടിയെയും പ്രത്യേകം അഭിനന്ദിക്കാതെ വയ്യ!,” എന്നാണ് ചിത്രം കണ്ട സനൽ കുമാർ ശശിധരൻ കുറിക്കുന്നത്.

മമ്മൂട്ടി, അശോകൻ, തമിഴ് നടി രമ്യ പാണ്ഡ്യന്‍, രാജേഷ് ശർമ്മ തുടങ്ങിയവരാണ് ചിത്രത്തിലെ പ്രധാന അഭിനേതാക്കൾ. എസ് ഹരീഷാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ലിജോയും മമ്മൂട്ടിയും ആദ്യമായി ഒന്നിക്കുന്ന ചിത്രത്തിന്‍റെ നിര്‍മ്മാതാവും മമ്മൂട്ടിയാണ്. മമ്മൂട്ടി കമ്പനിയുടെ ബാനറിലാണ് ചിത്രം നിർമ്മിച്ചിരിക്കുന്നത്.

ഛായാഗ്രഹണം തേനി ഈശ്വര്‍, എഡിറ്റിംഗ് ദീപു ജോസഫ്, ചീഫ് അസോസിയേറ്റ് ഡയറക്ടര്‍ ടിനു പാപ്പച്ചന്‍, ലൈന്‍ പ്രൊഡ്യൂസര്‍മാര്‍ ആന്‍സണ്‍ ആന്‍റണി, സുനില്‍ സിംഗ്, കലാസംവിധാനം ഗോകുല്‍ ദാസ്, മേക്കപ്പ് റോണക്സ് സേവ്യര്‍, സൗണ്ട് ഡിസൈന്‍ രംഗനാഥ് രവി, സൗണ്ട് മിക്സ് ഫസല്‍ എ ബക്കര്‍, പ്രൊഡക്ഷന്‍ കണ്‍ട്രോളര്‍ എല്‍ ബി ശ്യാംലാല്‍, വസ്ത്രാലങ്കാരം മെല്‍വി ജെ, സ്റ്റില്‍സ് അര്‍ജുന്‍ കല്ലിങ്കല്‍, ഡിസൈന്‍ ബല്‍റാം ജെ. ചിത്രത്തിന്റെ പ്രധാന ലൊക്കേഷന്‍ പഴനിയായിരുന്നു.

Stay updated with the latest news headlines and all the latest Entertainment news download Indian Express Malayalam App.

Web Title: Iffk 2022 nanpakal nerathu mayakkam movie review mammootty