scorecardresearch

Latest News
വിദ്വേഷ പ്രസംഗക്കേസിൽ പി സി ജോര്‍ജിന് ഉപാധികളോടെ ജാമ്യം

ഐഎഫ്എഫ്ഐ: ‘ടേക്ക് ഓഫിന്’ രണ്ടാം പുരസ്കാരം; മഹേഷ് നാരായണന് പ്രത്യേക ജൂറി പുരസ്കാരം

ഇതോടെ ടേക്ക് ഓഫിന് ഐഎഫ്എഫ്ഐയില്‍ രണ്ട് പുരസ്കാരങ്ങളായി

48ാമത് ഗോവ അന്താരാഷ്ട്ര ചലച്ചിത്രോത്സവത്തിലെ (ഇന്റര്‍നാഷണല്‍ ഫിലിം ഫെസ്റ്റിവല്‍ ഓഫ് ഇന്ത്യ) പ്രത്യേക ജൂറി പുരസ്കാരം മഹേഷ് നാരായണന്റെ ടേക്ക് ഓഫിന് ലഭിച്ചു. ഇതോടെ ടേക്ക് ഓഫിന് ഐഎഫ്എഫ്ഐയില്‍ രണ്ട് പുരസ്കാരങ്ങളായി. മികച്ച നടിക്കുളള രജതമയൂരവും ചിത്രത്തിലെ അഭിനയത്തിന് പാര്‍വ്വതി സ്വന്തമാക്കി.

48-ാമതു രാജ്യാന്തര ചലച്ചിത്രമേളയിലേക്ക് ഇന്ത്യൻ പനോരമയിൽ 26 ചലച്ചിത്രങ്ങൾ തിരഞ്ഞെടുത്തത്. മഹേഷ് നാരായണൻ സംവിധാനം ചെയ്ത ടേക്ക് ഓഫ് ആണ് മലയാളത്തിൽനിന്നു തിരഞ്ഞെടുത്ത ഏക ചിത്രം. ചലച്ചിത്ര മേളയില്‍ നിറഞ്ഞ സദസ്സിലായിരുന്നു ടേക്ക് ഓഫിന്റെ പ്രദർശനം.

2014ല്‍ ആഭ്യന്തര യുദ്ധകാലത്ത് ഇറാഖില്‍ കുടുങ്ങിയ 19 നഴ്‌സുമാരെ നാട്ടിലെത്തിക്കുന്നതുമായി ബന്ധപ്പെട്ടാണ് ടേക്ക് ഓഫിന്റെ കഥ പുരോഗമിക്കുന്നത്. യുദ്ധഭൂമിയില്‍ കുടുങ്ങിപ്പോയ ഇന്ത്യന്‍ നഴ്‌സുമാരുടെ കഥ പറയുന്ന സിനിമയില്‍ പാര്‍വ്വതിയാണ് കേന്ദ്ര കഥാപാത്രത്തെ അവതരിപ്പിച്ചത്. ഷെബിന്‍ ബേക്കര്‍, ആന്റോ ജോസഫ് എന്നിവര്‍ ചേര്‍ന്ന് നിര്‍മിച്ചിരിക്കുന്ന ടേക്ക് ഓഫില്‍ കുഞ്ചാക്കോ ബോബന്‍, ഫഹദ് ഫാസില്‍, ആസിഫ് അലി എന്നിവരും പ്രധാന വേഷങ്ങളിലെത്തി. ചിത്രത്തിന്റെ തിരക്കഥ പി.വി ഷാജികുമാറായിരുന്നു.

ദുബായിലും കൊച്ചിയിലുമായി ചിത്രീകരിച്ച ടേക്ക് ഓഫ് രാജേഷ് പിള്ള ഫിലിംസ് ആണ് വിതരണത്തിനെത്തിച്ചത്. ഈ വർഷത്തെ മികച്ച തിരക്കഥയ്ക്കുള്ള വയലാർ രാമവർമ്മ പുരസ്കാരം നേടിയ ടേക്ക് ഓഫ് 22-ാമത് കേരള രാജ്യാന്തര ചലച്ചിത്രമേളയുടെ ‘മലയാള സിനിമ ഇന്ന്’ എന്ന വിഭാഗത്തിലേക്കും തിരഞ്ഞെടുക്കപ്പെട്ടിട്ടുണ്ട്.

Stay updated with the latest news headlines and all the latest Entertainment news download Indian Express Malayalam App.

Web Title: Iffi 2017 goa awards international film festival of india