scorecardresearch
Latest News

‘നായികയാക്കാം, പക്ഷെ ഞങ്ങള്‍ക്കു വഴങ്ങണം;’ വെളിപ്പെടുത്തലുമായി സോളോയിലെ നായിക

“ഞാന്‍ അയാള്‍ക്ക് കൊടുത്ത മറുപടി, ഞാന്‍ ചെരിപ്പ് ഇട്ടുകൊണ്ടാണ് നടക്കുന്നത് എന്റെ അടുത്ത് വന്നാല്‍ അത് വച്ച് അടിക്കുമെന്നാണ്”

‘നായികയാക്കാം, പക്ഷെ ഞങ്ങള്‍ക്കു വഴങ്ങണം;’ വെളിപ്പെടുത്തലുമായി സോളോയിലെ നായിക

സിനിമയിലെ സ്ത്രീവിരുദ്ധതയെക്കുറിച്ചും കാസ്റ്റിംഗ് കൗച്ചിനെക്കുറിച്ചും ഹോളിവുഡിലും ബോളിവുഡിലും മലയാളത്തിലും വെളിപ്പെടുത്തലുമായി അഭിനേത്രികള്‍ രംഗത്തെത്തുകയാണ്. ഏറ്റവും ഒടുവിലായി കാസ്റ്റിങ് കൗച്ചിനെക്കുറിച്ച് വെളിപ്പെടുത്തലുമായി രംഗത്തെത്തിയിരിക്കുന്നത് കന്നഡ നടിയായ ശ്രുതി ഹരിഹരന്‍ ആണ്. ദുല്‍ഖര്‍ ചിത്രം സോളോയിലൂടെ മലയാളത്തിലും ശ്രുതി അഭിനയിച്ചിട്ടുണ്ട്. സിനിമ കമ്പനി എന്ന ചിത്രത്തിലും ശ്രുതിയായിരുന്നു നായിക.

‘കന്നഡ സിനിമയിലേക്കുള്ള എന്റെ തുടക്കം തന്നെ നിരാശപ്പെടുത്തുന്നതും ഭയപ്പെടുത്തുന്നതുമായിരുന്നു. അന്ന് എന്റെ പ്രായം വെറും 18 വയസായിരുന്നു. ആദ്യ സിനിമ തന്നെ ഞാന്‍ വേണ്ടെന്നു വച്ചു. പിന്നീട് മൂന്ന് നാല് വര്‍ഷങ്ങള്‍ക്ക് ശേഷം വളരെ പ്രമുഖനായ ഒരു തമിഴ് സിനിമാ നിര്‍മ്മാതാവ് എന്നെ ഫോണില്‍ വിളിച്ചു. എന്റെ കന്നഡ ചിത്രത്തിന്റെ നിര്‍മ്മാണം അയാളായിരുന്നു. അയാള്‍ പറഞ്ഞു, നായികയാക്കാം പക്ഷെ ഞങ്ങള്‍ അഞ്ച് നിര്‍മ്മാതാക്കളുണ്ട്, ഞങ്ങള്‍ മാറി മാറി ഞങ്ങളുടെ ഇഷ്ടാനുസരണം നിന്നെ ഉപയോഗിക്കും. ഞാന്‍ അയാള്‍ക്ക് കൊടുത്ത മറുപടി, ഞാന്‍ ചെരിപ്പ് ഇട്ടുകൊണ്ടാണ് നടക്കുന്നത്, എന്റെ അടുത്ത് വന്നാല്‍ അത് വച്ച് അടിക്കുമെന്നാണ്’- ശ്രുതി പറഞ്ഞു.

ഈ സംഭവത്തിനു ശേഷം തനിക്ക് തമിഴ് സിനിമകളില്‍ നിന്നും നല്ല അവസരങ്ങളൊന്നും ലഭിച്ചിട്ടില്ലെന്നും ശ്രുതി വെളിപ്പെടുത്തി

‘ഈ കഥ സിനിമാ വ്യാപകമായി പ്രചരിക്കാന്‍ തുടങ്ങി. ഇതിന് ശേഷം എനിക്ക് കന്നഡയില്‍നിന്ന് നിരവധി ഓഫറുകള്‍ വന്നു, പക്ഷെ ഒരിക്കല്‍ പോലും ദുരനുഭവം പിന്നീട് നേരിടേണ്ടി വന്നിട്ടില്ല. പക്ഷെ, തമിഴ് സിനിമയിലെ സ്ഥിതി അതായിരുന്നില്ല. ഈ സംഭവത്തിനു ശേഷം ഇതുവരെ തമിഴില്‍നിന്ന് ഓഫറുകളൊന്നും വന്നിട്ടില്ല’ ശ്രുതി പറഞ്ഞു.

സിനിമയിലെ ഇത്തരം ദുരനുഭവങ്ങള്‍ക്കം ചൂഷണങ്ങള്‍ക്കുമെതിരെ സ്ത്രീകള്‍ പ്രതികരിക്കണമെന്നാണ് ശ്രുതിക്ക് പറയാനുള്ളത്.

Stay updated with the latest news headlines and all the latest Entertainment news download Indian Express Malayalam App.

Web Title: I stopped getting good offers after i berated a tamil producer for harassment sruthi hariharan

Best of Express