ഹൃത്വിക് റോഷന്റെ പിറന്നാൾ ആഘോഷം: ഒരേ ഫ്രെയിമിൽ മുൻഭാര്യയും കാമുകിയും

ജനുവരി 10നായിരുന്നു ബോളിവുഡിന്റെ പ്രിയതാരം ഹൃതിക് റോഷൻ്റെ 52-ാം പിറന്നാൾ. പിറന്നാൾ ആഘോഷചിത്രങ്ങൾ പങ്കിട്ടിരിക്കുകയാണ് ഹൃത്വിക്.

മുംബൈ തീരത്തിന് സമീപം ഒരു സ്വകാര്യ യാച്ചിലായിരുന്നു താരത്തിന്റെ പിറന്നാൾ ആഘോഷം.

അടുത്ത ബന്ധുക്കളും സുഹൃത്തുക്കളും പ്രിയപ്പെട്ടവരും മാത്രമടങ്ങുന്ന ഒരു സ്വകാര്യ ചടങ്ങായിരുന്നു ഇത്.

പിറന്നാൾ ആഘോഷത്തിനായി ഹൃതിക്കിന്റെ പ്രണയിനി സാബ ആസാദും താരത്തിന്റെ മുൻ ഭാര്യ സുസാൻ ഖാനും സുസാന്റെ പങ്കാളി അർസ്ലാൻ ഗോനിയും ഹൃതിക്കിന്റെ മക്കളായ ഹ്രിഹാൻ, ഹൃദാൻ എന്നിവരും എത്തിച്ചേർന്നിരുന്നു.

വേർപിരിഞ്ഞെങ്കിലും അടുത്ത സൗഹൃദം കാത്തുസൂക്ഷിക്കുന്നവരാണ് ഹൃത്വിക്കും മുൻഭാര്യ സുസാൻ ഖാനും. മക്കളുടെ കാര്യങ്ങൾക്കു വേണ്ടി ഇരുവരും എപ്പോഴും ഒരുമിച്ച് നിൽക്കുന്നു. ഹൃതിക്കിന്റെ കസിനും നടനുമായ ഈശാൻ റോഷന്റെും ഐശ്വര്യ സിംഗിനെയും അടുത്തിടെ നടന്ന വിവാഹാഘോഷങ്ങളിലും സുസാൻ ഇപ്പോഴത്തെ പങ്കാളിയോടൊപ്പം എത്തിയിരുന്നു.

അയൻ മുഖർജി സംവിധാനം ചെയ്ത 'വാർ 2' (War 2) ആണ് ഹൃതിക്കിന്റേതായി ഏറ്റവും ഒടുവിൽ പുറത്തിറങ്ങിയ ചിത്രം.

കാമുകി സബയ്ക്ക് ഒപ്പം ഹൃത്വിക്.