രജനീകാന്തിന്റെ ഒക്കത്തിരിക്കുന്ന ഈ പെൺകുട്ടി ഇന്ന് പ്രശസ്തയായ ഗായികയാണ്; ആളെ മനസ്സിലായോ?

സിനിമാ താരങ്ങളുടെ പൂർവകാല ചിത്രങ്ങൾ പലപ്പോഴും സോഷ്യൽ മീഡിയകളിൽ ട്രെഡിം​ഗ് ആകാറുമുണ്ട്. ഇപ്പോഴിതാ, രജനീകാന്തിന്റെ തോളത്തിരിക്കുന്ന ഒരു പെൺകുട്ടിയുടെ ചിത്രമാണ് ശ്രദ്ധ നേടുന്നത്.

തെന്നിന്ത്യയ്ക്ക് മുഴുവൻ സുപരിചിതയായ പ്രശസ്തയായ ഒരു പാട്ടുകാരിയാണ് ചിത്രത്തിലുള്ള കുട്ടി. ആളെ മനസ്സിലായോ?

മറ്റാരുമല്ല, അനുരാധ ശ്രീറാം ആണ് ചിത്രത്തിലെ കുട്ടി. 1980-ൽ കാളി എന്ന ചിത്രത്തിൽ രജനികാന്തിനോപ്പം ബാലതാരമായി അനുരാധ അഭിനയിച്ചിരുന്നു.

പ്രശസ്ത ഗായികയായ രേണുകാ ദേവിയുടെ മകളാണ് അനുരാധ. 1995-ൽ മണിരത്നം-എ.ആർ. റഹ്മാൻ ടീമിൻ്റെ 'ബോംബെ' എന്ന ചിത്രത്തിലെ 'മലരോട് മലരിങ്ങ്' എന്ന ഗാനം ആലപിച്ചുകൊണ്ടാണ് അനുരാധ ചലച്ചിത്ര പിന്നണി ഗാനരംഗത്ത് അരങ്ങേറ്റം കുറിക്കുന്നത്.

എ.ആർ. റഹ്മാൻ്റെ തന്നെ സംഗീതത്തിൽ പുറത്തിറങ്ങിയ 'ഇന്ദിര' എന്ന ചിത്രത്തിലെ 'അച്ചം അച്ചം ഇല്ലൈ' എന്ന ഗാനമാണ് അനുരാധയുടെ ആദ്യത്തെ സോളോ ഗാനം.

'അറേബ്യ' എന്ന ചിത്രത്തിൽ മനോയ്‌ക്കൊപ്പം ആലപിച്ച 'ഹംമ ഹോയ്' എന്ന ഗാനത്തിലൂടെയാണ് അനുരാധ ആദ്യമായി മലയാള ചലച്ചിത്ര ലോകത്തേക്ക് എത്തുന്നത്.

സംഗീത റിയാലിറ്റി ഷോകളിലെ വിധികർത്താവ് എന്ന നിലയിലും മധുരമായ സംസാരം വഴിയുമാണ് അനുരാധ മലയാളികൾക്ക് ഏറെ പ്രിയങ്കരിയായി മാറിയത്.

മികച്ച ഗായികയ്ക്കുള്ള തമിഴ്‌നാട്, കർണാടക, ബംഗാൾ സംസ്ഥാന അവാർഡുകൾ, തമിഴ്‌നാട് സർക്കാരിൻ്റെ കലൈമാമണി അവാർഡ് എന്നിവ ഉൾപ്പെടെ നിരവധി പുരസ്‌കാരങ്ങൾ നേടിയിട്ടുണ്ട്.