80ൽ നിന്ന് 65ലേക്ക്, കുറച്ചത് 15 കിലോ: ശരീരഭാരം കുറച്ച് ഗ്രേസ് ആന്റണി

മലയാളത്തിന്റെ പ്രിയപ്പെട്ട നായികയാണ് ഗ്രേസ് ആന്റണി. അടുത്തിടെയായിരുന്നു നടിയുടെ വിവാഹം. ഏറെ നാളായി ഗ്രേസിന്റെ അടുത്ത സുഹൃത്തായ എബി ടോം സിറിയക് ആണ് ഗ്രേസിനെ വിവാഹം ചെയ്തത്.

ഇപ്പോഴിതാ, തന്റെ വെയിറ്റ് ലോസ്സ് ജേർണിയെ കുറിച്ച് ഗ്രേസി പങ്കുവച്ച കുറിപ്പാണ് ശ്രദ്ധ നേടുന്നത്. എട്ടുമാസം കൊണ്ട് 15 കിലോയോളം കുറച്ച് ശാരീരിക ക്ഷമത വീണ്ടെടുത്തിരിക്കുകയാണ് ഗ്രേസ്. 

Also Read: മേക്കപ്പില്ല, ആർഭാടമില്ല; ഭൂമിയിലെ ഏറ്റവും സുന്ദരിയായ സ്ത്രീയാണ് നിങ്ങളെന്ന് ആരാധകർ, വൈറലായി സായ് പല്ലവിയുടെ യാത്രാചിത്രങ്ങൾ

"8 മാസങ്ങൾ. 15 കിലോ ഭാരം കുറച്ചു. ഒപ്പം, എനിക്ക് വഴിയിൽ എവിടെയോ നഷ്ടപ്പെട്ടുവെന്ന് ഞാൻ കരുതിയ 'എൻ്റെ' ആ രൂപവും തിരിച്ചുപിടിച്ചു. 80 കിലോയിൽ നിന്ന് 65 കിലോയിലേക്കുള്ള ഈ യാത്ര ഒട്ടും എളുപ്പമായിരുന്നില്ല. നിശബ്ദമായ പോരാട്ടങ്ങൾ, കരഞ്ഞ ദിവസങ്ങൾ, എന്നെത്തന്നെ സംശയിച്ച ദിവസങ്ങൾ, എനിക്കിത് ശരിക്കും ചെയ്യാൻ കഴിയുമോ എന്ന് ചോദ്യം ചെയ്ത ദിവസങ്ങൾ... ഇതെല്ലാം നിറഞ്ഞതായിരുന്നു ഈ യാത്ര.

പക്ഷേ, ആ പോരാട്ടങ്ങൾക്കും ചെറിയ വിജയങ്ങൾക്കും ഇടയിൽ എവിടെയോ വെച്ച്... എനിക്കില്ലെന്ന് ഞാൻ കരുതിയ ഒരു ശക്തി ഞാൻ കണ്ടെത്തി. ആത്മവിശ്വാസം തകരുമ്പോഴും തോൽക്കാൻ മനസ്സില്ലാത്ത ആ പെൺകുട്ടിയെ ഞാൻ തിരികെ കണ്ടെത്തി. എൻ്റെ പരിശീലകന് നന്ദി, എന്നെ നയിച്ചതിന്. 

Also Read: New malayalam OTT Release: ഈ ആഴ്ച ഒടിടിയിലെത്തുന്ന മലയാള ചിത്രങ്ങൾ

ഈ മാറ്റം ഒരു ഫോട്ടോയിൽ ഒതുങ്ങുന്നതല്ല. സുഖം പ്രാപിക്കാൻ സമയമെടുക്കുമെന്നും, പുരോഗതി കുഴഞ്ഞുമറിഞ്ഞതായിരിക്കുമെന്നും, ഓരോ ചുവടുവെപ്പും, അത് എത്ര ചെറുതായാലും പ്രധാനമാണെന്നും ഓർമ്മിപ്പിക്കുന്ന ഓർമ്മപ്പെടുത്തലാണിത്.

നിങ്ങൾ ശ്രമിക്കുന്നുണ്ടെങ്കിൽ, മുന്നോട്ട് പോവുക. ഒരു ദിവസം, നിങ്ങൾ തിരിഞ്ഞുനോക്കുമ്പോൾ മനസ്സിലാക്കും, നിങ്ങൾ ഒഴുക്കിയ ഓരോ കണ്ണീരും, ഓരോ സംശയവും, ഓരോ പരിശ്രമവും വിലപ്പെട്ടതായിരുന്നുവെന്ന്," ഗ്രേസ് കുറിച്ചു. 

View this post on Instagram

A post shared by Grace (@grace_antonyy)

'കുമ്പളങ്ങി നൈറ്റ്‌സ്' എന്ന സൂപ്പർഹിറ്റ് ചിത്രത്തിലൂടെ മലയാളികൾക്ക് ഏറെ സുപരിചിതയായ താരമാണ് ഗ്രേസ് ആന്റണി. സിമി മോൾ എന്ന കഥാപാത്രത്തെയാണ് 'കുമ്പളങ്ങി നൈറ്റ്‌സിൽ ഗ്രേസ് അവതരിപ്പിച്ചിരിക്കുന്നത്. 

Also Read: ദുൽഖറോ പൃഥ്വിരാജോ? അതിസമ്പന്നൻ ആര്?

ഒമര്‍ ലുലു സംവിധാനം ചെയ്ത ‘ഹാപ്പി വെഡ്ഡിങ്സ്’ എന്ന ചിത്രത്തിലൂടെയാണ് ഗ്രേസ് അഭിനയരംഗത്ത് എത്തുന്നത്. ഹാപ്പി വെഡ്ഡിങ്ങിനു ശേഷം ‘ജോര്‍ജേട്ടന്‍സ് പൂരം’, ‘ലക്ഷ്യം’ തുടങ്ങിയ ചിത്രങ്ങളില്‍ അഭിനയിച്ചു. . ‘ഹാപ്പി വെഡ്ഡിങ്ങി’ലെ അഭിനയം കണ്ടിട്ടാണ് ‘കുമ്പളങ്ങി നൈറ്റ്‌സി’ന്റെ തിരക്കഥാകൃത്ത് ശ്യാം പുഷ്‌ക്കരന്‍ ഫഹദിന്റെ നായികയായി ചിത്രത്തിലേക്ക് വിളിക്കുന്നത്. കുമ്പളങ്ങി നൈറ്റ്‌സിലൂടെ ഗ്രേസ് പ്രേക്ഷകരെ ഞെട്ടിച്ചു. ഈ ചിത്രത്തിനുശേഷം വിനയ് ഫോര്‍ട്ട് നായകനായി എത്തിയ തമാശ എന്ന ചിത്രത്തിലും പ്രധാന കഥാപാത്രത്തെ അവതരിപ്പിച്ചു.

അഭിനയരംഗത്ത് മാത്രമല്ല ഒരു സംവിധാന രംഗത്തും ഗ്രേസ് കഴിവുതെളിയിച്ചിട്ടുണ്ട്. ഗ്രേസ് സംവിധാനം ചെയ്‌ത ' ക്-നോളജ്' എന്ന ഹൃസ്വചിത്രം സാമൂഹ്യമാധ്യമങ്ങളിൽ ഏറെ ചർച്ചയായിരുന്നു. 

റാം സംവിധാനം ചെയ്ത  നിരൂപക പ്രശംസ നേടിയ തമിഴ് ചിത്രം പറന്ത് പോ ആണ് ഒടുവിൽ തിയേറ്ററുകളിലെത്തിയ ഗ്രേസ് ആന്റണി ചിത്രം. 

Also Read: ആങ്കറിം​ഗ് മാത്രമല്ല വരുമാന മാർഗ്ഗം; പുത്തൻ മെഴ്സിഡസ് ബെൻസ് സ്വന്തമാക്കി മീര അനിൽ