അന്ന് കൽപ്പനയെ രക്ഷിച്ചിരുന്നെങ്കിൽ കഥ തന്നെ മാറിയേനെ; ഗജിനിയിക്ക് പുതിയ ക്ലൈമാക്സ്, വീഡിയോ

സൂര്യ-അസിൻ കൂട്ടുകെട്ടിൽ പിറന്ന തെന്നിന്ത്യൻ ക്ലാസിക് ചിത്രം 'ഗജിനി' റിലീസ് ചെയ്തിട്ട് രണ്ട് പതിറ്റാണ്ടാകുന്നു. 2005-ൽ എ.ആർ. മുരുകദോസിന്റെ സംവിധാനത്തിൽ പുറത്തിറങ്ങിയ ഈ ചിത്രം ഇന്ത്യൻ സിനിമയിലെ തന്നെ ഏറ്റവും വലിയ ഹിറ്റുകളിൽ ഒന്നായിരുന്നു.

Also Read: "ചതിക്ക് ചതി, അതാണ് മ്ലാത്തി ചേട്ടത്തിയുടെ നിലപാട്"; വൈറലായി 'എക്കോ'യുടെ പുതിയ ക്ലൈമാക്സ്; വീഡിയോ

ഇന്നും ആ സിനിമയെക്കുറിച്ച് ഓർക്കുമ്പോൾ സിനിമാപ്രേമികളുടെ ഉള്ളിൽ വിങ്ങുന്ന ഒരു നോവാണ് 'കൽപ്പന' എന്ന കഥാപാത്രത്തിന്റെ ദാരുണമായ അന്ത്യം. സഞ്ജയ് രാമസ്വാമിയുടെയും കൽപ്പനയുടെയും മനോഹരമായ പ്രണയകഥ അപ്രതീക്ഷിതമായ ദുരന്തത്തിലാണ് അവസാനിച്ചത്. താൻ സ്നേഹിക്കുന്ന ആൾ ഒരു സാധാരണക്കാരനല്ല, മറിച്ച് കോടീശ്വരനായ സഞ്ജയ് രാമസ്വാമിയാണെന്ന് അറിയാൻ പോലും കഴിയാതെയാണ് കൽപ്പന വില്ലന്മാരുടെ കൈകളാൽ കൊല്ലപ്പെടുന്നത്. വർഷങ്ങൾക്കിപ്പുറവും ആ ക്ലൈമാക്സ് ഒരു നോവായി പ്രേക്ഷകമനസ്സിലുണ്ട്.

Also Read: തകർക്കപ്പെട്ട ധനുഷ്കോടിയും തളരാത്ത മഞ്ജുവും: എല്ലാം നഷ്ടപ്പെട്ടയിടത്തു നിന്നും ജീവിതം തിരിച്ചുപിടിച്ച പെൺകരുത്ത്

അന്ന് കൽപ്പനയെ രക്ഷിച്ചിരുന്നെങ്കിലോ! 20 വർഷങ്ങൾക്കു ശേഷം ഗജിനിക്ക് ഒരു 'ഹാപ്പി എൻഡിംഗ്' വന്നിരിക്കുകയാണ്. സോഷ്യൽ മീഡിയയിൽ വൈറലാകുന്ന ഒരു എഐ വീഡിയോ ആണ് പഴയ മുറിവുകൾക്ക് ലേപനമാവുന്നത്. 

View this post on Instagram

A post shared by Asin Suriya (@asin.suriya)

ആർട്ടിഫിഷ്യൽ ഇന്റലിജൻസിന്റെ സഹായത്തോടെ  ഒരു സിനിമാസ്നേഹി ഒരുക്കിയ ഗജിനിയുടെ പുതിയ ക്ലൈമാക്സിൽ, വില്ലന്മാരുടെ ആക്രമണത്തിൽ നിന്ന് അവസാന നിമിഷം സഞ്ജയ് രാമസ്വാമി കൽപ്പനയെ രക്ഷിക്കുന്നത് കാണാം. മരണകിടക്കയിൽ നിന്നും തന്റെ പ്രിയതമയെ സഞ്ജയ് ജീവിതത്തിലേക്ക് തിരികെ കൊണ്ടുവരുന്നു. 

വീഡിയോ അവിടെയും അവസാനിക്കുന്നില്ല. ജീവിതത്തിലേക്ക് തിരിച്ചുവന്ന കൽപ്പനയും സഞ്ജയും പിന്നീട് വിവാഹിതരാവുന്നു. ഇരുവർക്കും മിടുക്കിയായൊരു മകൾ ജനിക്കുന്നതും വീഡിയോയിൽ കാണാം. 

Also Read: ആ സാമദ്രോഹി കാരണം മഞ്ജുവുമായുള്ള എന്‍റെ 'കപ്പിൾ ഫോട്ടോ' സ്വപ്നം പൊലിഞ്ഞു: പത്മകുമാർ

വർഷങ്ങൾക്ക് മുൻപ് തിയേറ്ററിൽ ഇരുന്ന് സങ്കടത്തോടെ ആ സിനിമ കണ്ടു തീർത്ത പ്രേക്ഷകർ, അവർ ആഗ്രഹിച്ച ആ ശുഭപര്യവസാനം കണ്ടതിന്റെ ആശ്വാസത്തിലാണ്. വീഡിയോ പുറത്തുവന്നതോടെ വലിയ ആവേശത്തിലാണ് ആരാധകർ. നിരവധി പേരാണ് കമന്റുകളുമായി രംഗത്തെത്തുന്നത്:

"താങ്ക്സ്... ഇപ്പോഴാ ആ പഴയ വിഷമം ഒന്ന് മാറിയത്!"

"നമ്മൾ മലയാളികൾ അന്ന് മനസ്സ് കൊണ്ട് ആഗ്രഹിച്ച ക്ലൈമാക്സ് ഇതാണ്."

"കൽപ്പനയ്ക്ക് ഇങ്ങനെ ഒരു ജീവിതം സഞ്ജയ് രാമസ്വാമി നൽകേണ്ടതായിരുന്നു," എന്നിങ്ങനെ പോവുന്നു കമന്റുകൾ. 

സിനിമയിലെ ആ സങ്കടകരമായ അന്ത്യം തിരുത്തി എഴുതിയ ഈ വീഡിയോ ഇതിനോടകം ലക്ഷക്കണക്കിന് ആളുകളാണ് കണ്ടത്. ടെക്നോളജി ഉപയോഗിച്ച് സിനിമയിലെ സങ്കടങ്ങളെ എങ്ങനെ സന്തോഷമാക്കി മാറ്റാം എന്നതിന്റെ മികച്ച ഉദാഹരണമായി മാറിയിരിക്കുകയാണ് ഈ 'ഗജിനി ആൾട്ടർനേറ്റ് ക്ലൈമാക്സ്'.

Also Read: അന്ന് മമ്മൂട്ടിയുടെയും കമൽഹാസൻ്റെയും നായിക; ഇന്ന് കോടികൾ ആസ്തിയുള്ള വ്യവസായി, ഓർമയുണ്ടോ ഈ നടിയെ?