New OTT Release: ഒടുവിൽ മഞ്ജു വാര്യരുടെ ആ ചിത്രം ഒടിടിയിൽ; എവിടെ കാണാം?

Footage Now Streaming on OTT: മഞ്ജു വാര്യരെ കേന്ദ്ര കഥാപാത്രമാക്കി എഡിറ്റർ സൈജു ശ്രീധരൻ ആദ്യമായി സംവിധാനം ചെയ്ത 'ഫൂട്ടേജ്' ഒടിടിയിൽ എത്തി.  'അഞ്ചാം പാതിരാ,' 'കുമ്പളങ്ങി നൈറ്റ്സ്,' 'മഹേഷിന്റെ പ്രതികാരം' തുടങ്ങിയ സിനിമകളുടെ എഡിറ്ററായി ശ്രദ്ധനേടിയ  സൈജുവിന്റെ ആദ്യ സംവിധാന സംരംഭമാണ് ഇത്. കഴിഞ്ഞ വർഷം തിയേറ്ററുകളിലെത്തിയ ചിത്രം ഏറെ നാളത്തെ കാത്തിരിപ്പിനു ശേഷം പ്രേക്ഷകരിലേക്ക് എത്തിയിരിക്കുകയാണ്.

Also Read: New OTT Release: ഇന്ന് ഒടിടിയിൽ എത്തിയ ഏറ്റവും പുതിയ ചിത്രങ്ങൾ

"എല്ലാവർക്കും മൂന്ന് ജീവിതമുണ്ട്: പൊതു ജീവിതം, സ്വകാര്യ ജീവിതം, രഹസ്യ ജീവിതം," എന്ന  ഗബ്രിയേൽ ഗാർസിയ മാർക്വേസിന്റെ വരികൾ ഉദ്ധരിച്ചുകൊണ്ടാണ് ഫൂട്ടേജ് ആരംഭിക്കുന്നത്. കോവിഡ് കാലത്ത്, നഗരത്തിലെ ഒരു ഫ്ളാറ്റിൽ താമസിക്കുന്ന  വ്ളോഗർ ദമ്പതികളുടെ ജീവിതത്തിലൂടെയാണ് ചിത്രത്തിന്റെ കഥ പറഞ്ഞുപോവുന്നത്. 

Also Read: അവർ സഹോദരന്മാരെ പോലെ, ഒരാൾക്ക് വയ്യെങ്കിൽ ഉടൻ മറ്റേയാൾ വിളിക്കും:  രജനീകാന്ത്- കമൽഹാസൻ ബന്ധത്തെ കുറിച്ച് സുഹാസിനി

ചുറ്റുവട്ടത്തുനിന്നും നിഗൂഢതകൾ നിറഞ്ഞ കഥകൾ കണ്ടെത്തുകയും അതിനു പിന്നിലെ ചുരുളഴിക്കുകയും ചെയ്യുന്നതാണ് ഇരുവരുടെയും പ്രധാന ഹോബി. മറ്റുള്ളവരുടെ പ്രൈവസിയ്ക്ക് വലിയ വിലയൊന്നും കൽപ്പിക്കാത്തവരാണ് ഇരുവരും.  ഫ്ളാറ്റിലെ മറ്റൊരു താമസക്കാരിയുടെ പ്രവർത്തികളിലും രീതികളിലും ഇരുവർക്കും മിസ്റ്ററി ഫീൽ ചെയ്യുന്നു. തുടർന്ന്, ഇരുവരും ആ നിഗൂഢതകൾക്കു പിന്നാലെ സഞ്ചരിക്കുകയും ചില സത്യങ്ങളിൽ എത്തിച്ചേരുകയും ചെയ്യുന്നു. 

Also Read: മോഹൻലാലിന്റെ അമ്മയായും ഭാര്യയായും കാമുകിയായും അഭിനയിച്ച നടി

മഞ്ജു വാര്യർക്ക് ഒപ്പം  വിശാഖ് നായർ, ഗായത്രി അശോക് തുടങ്ങിയവരും ചിത്രത്തിൽ പ്രധാന കഥാപാത്രങ്ങളായി എത്തുന്നുണ്ട്.  മൂവി ബക്കറ്റ്, കാസ്റ്റ് ആന്‍ഡ് കോ, പെയില്‍ ബ്ലൂ ഡോട്ട് പിക്ചേഴ്സ് എന്നിവയുടെ ബാനറില്‍ ബിനീഷ് ചന്ദ്രൻ, സൈജു ശ്രീധരൻ എന്നിവർ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ഷബ്‌ന മുഹമ്മദ്, സൈജു ശ്രീധരൻ എന്നിവർ ചേർന്നാണ് ചിത്രത്തിന്റെ തിരക്കഥയും സംഭാഷണവും ഒരുക്കിയത്.

ഛായാഗ്രഹണം-ഷിനോസ്, എഡിറ്റര്‍-സൈജു ശ്രീധരന്‍, പ്രൊഡക്ഷൻ കണ്‍ട്രോളർ - കിഷോര്‍ പുറക്കാട്ടിരി, കലാസംവിധാനം-അപ്പുണ്ണി സാജന്‍, ഗാനങ്ങള്‍- ആസ്വെകീപ്സെര്‍ച്ചിംഗ്, പശ്ചാത്തല സംഗീതം- സുഷിന്‍ ശ്യാം എന്നിവർ നിർവഹിച്ചു. 

SUN NXT ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയത്. ചിത്രം SUN NXTൽ സ്ട്രീമിങ് ആരംഭിച്ചിരിക്കുകയാണ് ഇപ്പോൾ. 

Also Read: ലോകയിലെ ഈ പെൺകുട്ടി പ്രശസ്ത സംവിധായകന്റെ മകൾ; ആളെ മനസ്സിലായോ?