ലോക സിനിമയിൽ ഇത്രയധികം ആരാധിക്കപ്പെട്ടിട്ടുള്ള പ്രണയ ജോടികൾ വേറെയുണ്ടാകില്ല. ജയിംസ് കാമറൂണിന്റെ ടൈറ്റാനിക്കിലെ ജാക്കും റോസും. വലിയ ദുരന്തമായി മാറിയ ടൈറ്റാനിക് എന്ന കപ്പലിന്റെ കഥ പറഞ്ഞ ചിത്രത്തിലെ ഈ രണ്ട് കഥാപാത്രങ്ങള്‍ എന്നും ആരാധകർക്ക് പ്രിയപ്പെട്ടതാണ്. ചിത്രത്തിൽ റോസ് ആയി വേഷമിട്ടത് കേറ്റ് വിൻസ്‍ലെറ്റ് ആയിരുന്നു. ജാക്കായി വന്നത് വിഖ്യാത നടൻ ലിയനാഡോ ഡി കാപ്രിയോയും.

ഇരുവരും അവതരിപ്പിച്ച കഥാപാത്രങ്ങൾക്കിടയിലുണ്ടായിരുന്ന മാനസിക അടുപ്പം യഥാർഥ ജീവിതത്തിലെ സുഹൃദ് ബന്ധത്തിലുമുണ്ട്. ലിയനാഡോ ഡി കാപ്രിയോയ്ക്ക് മികച്ച നടനുള്ള ഓസ്‌കർ ലഭിച്ചപ്പോഴുള്ള കേറ്റിന്റെ പ്രതികരണം അതിനുള്ള ഏറ്റവും മനോഹരമായ ഉദാഹരണമാണ്.

ഫ്രാൻസിന്റെ തെക്കു വശത്തുള്ള ഒരിടത്തുള്ള ലിയനാഡോ ഡി കാപ്രിയോയുടെ ആഡംബര എസ്റ്റേറ്റിലാണ് ഇരുവരുമെത്തിയതെന്ന് ഡൈലി മെയിൽ റിപ്പോർട്ട് ചെയ്യുന്നു. ബിക്കിനിയണിഞ്ഞ കേറ്റും ബർമുഡ‍യണിഞ്ഞ ലിയനാഡോ ഡി കാപ്രിയോയും നാല്‍പതു പിന്നിട്ടെങ്കിലും എപ്പോഴത്തേയും പോലെ ഹോട്ടും ഗ്ലാമറസുമാണ്. മൂന്നു കുട്ടികളുടെ അമ്മയാണ് കേറ്റ്. ലിയനാഡോ അവിവാഹിതനായി തുടരുന്നു.

ചിത്രങ്ങൾ കടപ്പാട്: ബാക്ക് ഗ്രിഡ്

Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook