പ്രിയപ്പെട്ട പാച്ചിക്കായുടെ മക്കൾക്കും മരുമകൾക്കുമൊപ്പം മോഹൻലാൽ; ചിത്രങ്ങൾ

ഇന്ത്യൻ സിനിമയ്ക്ക് ഫാസിലിന്റെ കണ്ടെത്തലായിരുന്നു മോഹൻലാൽ. മഞ്ഞിൽ വിരിഞ്ഞ പൂക്കൾ എന്ന ചിത്രത്തിലൂടെ ഫാസിൽ മോഹൻലാലിനെ മലയാള സിനിമയ്ക്ക് പരിചയപ്പെടുത്തി. പിന്നീട് നടന്നത് ചരിത്രം. പിന്നീടങ്ങോട്ട് ഇന്ത്യൻ സിനിമയിൽ തന്നെ മികച്ച നടനായി മാറുകയായിരുന്നു മോഹൻലാൽ.

മോഹൻലാലിന് ഫാസിൽ പാച്ചിക്കയാണ്. ഏറ്റവും പ്രിയപ്പെട്ട ഗുരുനാഥൻ. ഫാസിലിന്റെ കുടുംബമായും അടുത്ത സൗഹൃദമാണ് മോഹൻലാൽ സൂക്ഷിക്കുന്നത്.

കഴിഞ്ഞ ദിവസം മോഹൻലാലിന്റെ വീട്ടിൽ ഫഹദ് ഫാസിലും നസ്രിയയും ഫർഹാൻ ഫാസിലും അതിഥികളായി എത്തി. പാച്ചിക്കയുടെ മക്കൾക്കും മരുമകൾക്കുമൊപ്പമുള്ള മോഹൻലാലിന്റെ ഒത്തുച്ചേരലിന്റെ ചിത്രങ്ങളാണ് ഇപ്പോൾ സമൂഹമാധ്യമങ്ങളുടെ ശ്രദ്ധ കവരുന്നത്.

മോഹൻലാലിന്റെ ജീവിതപങ്കാളിയായ സുചിത്ര, മകനും നടനുമായ പ്രണവ് മോഹൻലാൽ, സുഹൃത്തായ സമീർ ഹംസ എന്നിവരും ചിത്രങ്ങളിലുണ്ട്.

ഓർത്തുവയ്ക്കാൻ ഒരു രാത്രി എന്നാണ് ചിത്രങ്ങൾ പങ്കിട്ട് ഫർഹാൻ കുറിച്ചത്.