Tamilrockers Leaked ‘Njan Prakashan’: ഫഹദ് ഫാസിലിനെ നായകനാക്കി സത്യന്‍ അന്തിക്കാട് ഒരുക്കിയ ചിത്രം ‘ഞാന്‍ പ്രകാശന്‍’ തമിഴ് റോക്കേഴ്‌സിന്റെ വെബ് സൈറ്റില്‍. ഡിസംബര്‍ അവസാനം പുറത്തിറങ്ങിയ ചിത്രം തിയേറ്ററുകളില്‍ വിജയകരമായി പ്രദര്‍ശനം തുടരുമ്പോളാണ് ഇത്തരത്തിലൊരു തിരിച്ചടി.

ഇന്ത്യന്‍ പ്രണയകഥയ്ക്ക് ശേഷം സത്യന്‍ അന്തിക്കാടും ഫഹദും ഒന്നിച്ച ചിത്രം, പതിനാറ് വര്‍ഷങ്ങള്‍ക്ക് ശേഷം ശ്രീനിവാസന്റെ തിരക്കഥയില്‍ സത്യന്‍ അന്തിക്കാട് ഒരുക്കിയ ചിത്രം എന്നിങ്ങനെ നിരവധി പ്രത്യേകതകള്‍ ‘ഞാന്‍’ പ്രകാശനുണ്ട്. നിഖില വിമലാണ് ചിത്രത്തിലെ നായിക.

റിലീസ് ദിവസം മുതല്‍ നിറഞ്ഞ സദസില്‍ പ്രദര്‍ശനം തുടരുന്ന ചിത്രം തരക്കേടില്ലാത്ത കളക്ഷനും സ്വന്തമാക്കിയിരുന്നു. മുമ്പ് കുട്ടനാടന്‍ ബ്ലോഗ്, തീവണ്ടി തുടങ്ങിയ ചിത്രങ്ങളും തമിഴ് റോക്കേഴ്‌സ് ചോര്‍ത്തിയിരുന്നു.

ചിത്രത്തിന്റെ ഹൈ ക്വാളിറ്റി ഓഡിയോ-വീഡിയോ ലിങ്കാണ് തമിഴ് റോക്കേഴ്‌സ് സൈറ്റില്‍ അപ്ലോഡ് ചെയ്തിരിക്കുന്നത്. ഇത് സിനിമയെ പ്രതികൂലമായി ബാധിക്കാന്‍ സാധ്യതയുണ്ട്. ആഗോളതലത്തില്‍ 40 കോടിയിലധികമാണ് ചിത്രത്തിന്റെ ഇതുവരെയുള്ള കളക്ഷന്‍.

Get Malayalam News and latest news update from India and around the world. Stay updated with today's latest Entertainment news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ