Latest News

കേരളക്കരയില്‍ ‘കലി’ തുളളിയ സിദ്ധാര്‍ത്ഥ് തെലുങ്കിലേക്ക്

സായി പല്ലവിയുടെ ഫിദ എന്ന ചിത്രം തെലുങ്കില്‍ സമീപകാലത്തെ ഏറ്റവും വലിയ ഹിറ്റായി മാറിയിരിക്കുകയാണ്

ദുല്‍ഖര്‍ സല്‍മാനെ നായകനാക്കി സാമിര്‍ താഹിര്‍ സംവിധാനം ചെയ്ത കലി തെലുങ്കിലേക്ക് മൊഴി മാറ്റി എത്തുന്നു. 2016ല്‍ പുറത്തിറങ്ങിയ ചിത്രം ഡബ്ബ് ചെയ്താണ് തെലുങ്കില്‍ അവതരിപ്പിക്കുന്നത്. ഡബ്ബിംഗ് ഇതിനകം തുടങ്ങിയെന്നാണ് പുതിയ റിപ്പോര്‍ട്ടുകള്‍.

സെപ്തംബര്‍ മാസത്തോടെ ചിത്രം പുറത്തിറങ്ങുമെന്നാണ് സിനിമാ ലോകത്ത് നിന്നുളള വിവരം. തെലുങ്കില്‍ ഇപ്പോള്‍ തന്നെ ദുല്‍ഖറിനും സായി പല്ലവിക്കും ആരാധകര്‍ ഉണ്ട്. സായി പല്ലവിയുടെ ഫിദ എന്ന ചിത്രം തെലുങ്കില്‍ സമീപകാലത്തെ ഏറ്റവും വലിയ ഹിറ്റായി മാറിയിരിക്കുകയാണ്. പ്രേമം എന്ന ചിത്രത്തിലൂടെ തന്നെ തെലുങ്കില്‍ സായിക്ക് ആരാധകരുണ്ട്.

നേരത്തേ ദുല്‍ഖര്‍- നിത്യ മേനോന്‍ കൂട്ടുകെട്ടിന്റെ 100 ഡെയ്സ് ഓഫ് ലൗവും തെലുങ്കിലേക്ക് മൊഴിമാറ്റിയിരുന്നു. സിദ്ധാര്‍ത്ഥ് എന്ന കഥാപാത്രത്തെയാണ് കലിയില്‍ ദുല്‍ഖര്‍അവതരിപ്പിക്കുന്നത്. പെട്ടെന്ന് ചൂടാകുന്ന സ്വഭാവക്കാരനായ സിദ്ധാര്‍ത്ഥിന്റെ ഭാര്യയായാണ് സായി പല്ലവിയില്‍ ചിത്രത്തില്‍ എത്തിയത്. ചിത്രം നിരൂപക പ്രശംസ നേടി മലയാളത്തില്‍ ഹിറ്റായി മാറിയിരുന്നു.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Dulquer salmaans kali to get a telugu version

Next Story
‘പാന്റും ഷര്‍ട്ടും ധരിച്ചവള്‍ എങ്ങനെ ഒരു സ്ത്രീ ആകും’; നിര്‍മ്മാതാവിനോട് സെന്‍സര്‍ ബോര്‍ഡ്
The moderation of comments is automated and not cleared manually by malayalam.indianexpress.com
Best of Express