ഈ ഗ്ലാമറിനൊപ്പം പിടിച്ചു നിൽക്കുന്നതെങ്ങനെ?; വാപ്പച്ചിയ്ക്ക് ആശംസകളുമായി ദുൽഖർ

മലയാള സിനിമയുടെ മെഗാസ്റ്റാറായി, പ്രിയതാരമായി അഞ്ചു പതിറ്റാണ്ടായി നിറഞ്ഞു നിൽക്കുന്ന മമ്മൂട്ടിയ്ക്ക് ജന്മദിനാശംസകൾ നേരുന്ന തിരക്കിലാണ് കേരളക്കര. ഇപ്പോഴിതാ, മമ്മൂട്ടിയ്ക്ക് ആശംസകൾ അർപ്പിച്ച് മകൻ ദുൽഖർ സൽമാൻ പങ്കുവച്ച കുറിപ്പാണ് ശ്രദ്ധ നേടുന്നത്.

പ്രായം തട്ടാത്ത മമ്മൂട്ടിയെന്ന നടന്റെ ഊർജ്ജസ്വലതയെ പ്രശംസിക്കുകയാണ് ദുൽഖർ. എങ്ങനെയാണ് എപ്പോഴും ഇങ്ങനെയിരിക്കുന്നെതെന്നാണ് ദുൽഖറിന്റെ ചോദ്യം.

“ഞാൻ നിങ്ങളെ അനന്തമായി സ്നേഹിക്കുന്നു! നിങ്ങളുടെ കുടുംബമാകാൻ കഴിഞ്ഞ ഞങ്ങൾ ഏറ്റവും ഭാഗ്യമുള്ളവരാണ്. ലോകം നിങ്ങളെ നിരന്തരം ആഘോഷിക്കുമ്പോൾ ഞങ്ങൾ അതെപ്പോഴും ഓർക്കുന്നു. നിങ്ങൾക്ക് ഏറ്റവും സന്തോഷകരമായ ജന്മദിനം ആശംസിക്കുന്നു, ഒപ്പം എല്ലായ്‌പ്പോഴും പ്രായം റിവേഴ്സ് ഗിയറിൽ സഞ്ചരിക്കട്ടെ,” ദുൽഖർ കുറിക്കുന്നു.