Latest News
ആഷിഖിന്റെ ഗോളും ഓൺഗോളും, 1-1ന് സമനിലയിൽ ബ്ലാസ്റ്റേഴ്സ്- ബെംഗുലൂരു മത്സരം

‘ഒച്ച വെച്ച് മകളെ ഉണര്‍ത്തരുതേ’ എന്ന് ദുല്‍ഖര്‍, അനുസരണയുളള അനിയന്മാരായി ആരാധകര്‍

ഗെയിറ്റിന് പുറത്ത് തടിച്ച് കൂടി ആര്‍ത്തു വിളിച്ച ആരാധകരോട് ദുല്‍ഖറിന് ഒരു അപേക്ഷയുണ്ടായിരുന്നു.

താരകുടുംബത്തെക്കുറിച്ചുള്ള വാര്‍ത്തകളും വിശേഷങ്ങളും അറിയാന്‍ എക്കാലത്തെയും സിനിമാസ്വാദകര്‍ക്ക് പ്രത്യേക ഇഷ്ടമാണ്. മമ്മൂട്ടിയുടെ ആരാധകര്‍ക്ക് ഇപ്പോള്‍ അദ്ദേഹത്തിന്റെ വിശേഷങ്ങള്‍ മാത്രം അറിഞ്ഞാല്‍ പോര. മകന്‍ ദുല്‍ഖര്‍ സല്‍മാന്റെയും അദ്ദേഹത്തിന്റെ മകള്‍ മറിയം അമീറയുടേയും വിശേഷങ്ങളും അറിയണം. ദുല്‍ഖര്‍ മകളുടെ വിശേഷങ്ങള്‍ സോഷ്യല്‍ മീഡിയയില്‍ പങ്ക് വെക്കാറുമുണ്ട്.

Read More: അച്‌ഛനായപ്പോള്‍ വാപ്പിച്ചിയെ കുറേ കൂടി നന്നായി മനസ്സിലാകുന്നുവെന്ന് ദുല്‍ഖര്‍ സല്‍മാന്‍

വളരെ കരുതലും സ്നേഹവും നല്‍കിയാണ് ഒരു അച്ഛനെന്ന നിലയില്‍ താന്‍ മുന്നോട്ട് പോകുന്നതെന്ന് ദുല്‍ഖര്‍ നേരത്തേ വ്യക്തമാക്കിയിട്ടുണ്ട്. ഇത് സ്ഥിരീകരിക്കുന്ന ഒരു വീഡിയോ ആണ് ഇപ്പോള്‍ വൈറലായി മാറിയത്. മമ്മൂട്ടിയേയും ദുല്‍ഖറിനേയും കാണാന്‍ ആരാധകര്‍ വീട്ടില്‍ എത്താറുണ്ട്. മമ്മൂട്ടിയുടെ ജന്മദിനത്തില്‍ വീട്ടിലെത്തിയ ആരാധകര്‍ക്ക് മമ്മൂട്ടി കേക്ക് നല്‍കിയത് വാര്‍ത്തയായിരുന്നു. പിന്നീട് അവരോടൊപ്പം സെല്‍ഫിയും എടുത്താണ് മമ്മൂട്ടി ആരാധകരെ യാത്രയാക്കിയത്. കഴിഞ്ഞ ദിവസം തന്നെ കാണാന്‍ എത്തിയ ആരാധകരോടൊപ്പം ദുല്‍ഖറും സെല്‍ഫി എടുത്തു.

എന്നാല്‍ ഗെയിറ്റിന് പുറത്ത് തടിച്ച് കൂടി ആര്‍ത്തുവിളിച്ച ആരാധകരോട് ദുല്‍ഖറിന് ഒരു അപേക്ഷയുണ്ടായിരുന്നു. തന്റെ മകള്‍ ഉറങ്ങുകയാണെന്നും ശബ്ദം ഉണ്ടാക്കരുതെന്നും ദുല്‍ഖര്‍ ആരാധകരെ ആംഗ്യം കാണിക്കുകയായിരുന്നു. ‘പോവല്ലെ ഇക്കാ’ എന്ന് ആരാധകര്‍ വിളിച്ച് പറയുന്നുണ്ടായിരുന്നു. ആരാധകര്‍ ശബ്ദം കുറച്ചതോടെ പുറത്തിറങ്ങി വന്ന ദുല്‍ഖര്‍ അവര്‍ക്കൊപ്പം സെല്‍ഫിയും എടുത്തു. ഈ വീഡിയോ ആണ് ഇപ്പോള്‍ ദുല്‍ഖര്‍ ആരാധകര്‍ ആഘോഷമാക്കുന്നത്.

കഴിഞ്ഞ വര്‍ഷം മെയ് അഞ്ചിനായിരുന്നു ദുല്‍ഖര്‍ സല്‍മാന് പെണ്‍കുഞ്ഞ് പിറന്നത്. മകളുടെ വരവറിയിച്ചു കൊണ്ട് ദുല്‍ഖര്‍ ഫേസ്ബുക്കില്‍ കുറിച്ചത് ഇങ്ങനെയായിരുന്നു ‘ഒന്നിലേറെ കാരണങ്ങളാല്‍ ഇന്നെനിക്ക് മറക്കാനാകാത്ത ദിവസവമാണ്. എന്റെ ജീവിതം തന്നെ മാറിമറിഞ്ഞിരിക്കുന്നു. സ്വര്‍ഗത്തില്‍ നിന്നും വലിയൊരു അനുഗ്രഹം ലഭിച്ചിരിക്കുന്നു. എന്റെ വളരെക്കാലത്തെ ആഗ്രഹം സഫലീകരിച്ചു. എനിക്ക് എന്റെ രാജകുമാരിയെ ലഭിച്ചു’.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Dulquer salmaan requests his fans not to make noise

Next Story
ഫുട്ബോളിനെ സ്നേഹിച്ച പെൺകുട്ടി; ‘പന്ത്’ ട്രെയിലർ കാണാംMalayalam movie Panthu official trailer, Addhi's movie Panthu, latest malayalm upcoming movies, പന്ത് മലയാളചിത്രം, പുതിയ ചിത്രം, സിനിമ, Entertainment, സിനിമാ വാര്‍ത്ത, ഫിലിം ന്യൂസ്, Film News, കേരള ന്യൂസ്, കേരള വാര്‍ത്ത, Kerala News, മലയാളം ന്യൂസ്, മലയാളം വാര്‍ത്ത, Malayalam News, Breaking News, പ്രധാന വാര്‍ത്തകള്‍, ഐ ഇ മലയാളം, iemalayalam, indian express malayalam, ഇന്ത്യന്‍ എക്സ്പ്രസ്സ്‌ മലയാളം
The moderation of comments is automated and not cleared manually by malayalam.indianexpress.com