കൗതുകങ്ങളുടെ സർവ്വം മായ; നിവിൻ പോളിക്കൊപ്പം സ്ക്രീനിലെത്തിയത് 7 സംവിധായകർ

നിവിൻ പോളിയെ നായകനാക്കി അഖിൽ സത്യൻ സംവിധാനം ചെയ്ത 'സർവ്വം മായ'യിൽ മലയാള സിനിമയിലെ ഏഴു സംവിധായകരാണ് കഥാപാത്രങ്ങളായി സ്ക്രീനിലെത്തിയിരിക്കുന്നത്

Written byEntertainment Desk

നിവിൻ പോളിയെ നായകനാക്കി അഖിൽ സത്യൻ സംവിധാനം ചെയ്ത 'സർവ്വം മായ'യിൽ മലയാള സിനിമയിലെ ഏഴു സംവിധായകരാണ് കഥാപാത്രങ്ങളായി സ്ക്രീനിലെത്തിയിരിക്കുന്നത്

Entertainment Desk

06 Jan 2026 14:16 IST

അപ്‌ഡേറ്റ് ചെയ്‌തു 08 Jan 2026 12:30 IST

New Update

1/7

രഘുനാഥ് പലേരി

'ഒന്നു മുതൽ പൂജ്യം വരെ', 'വിസ്മയം' തുടങ്ങിയ ക്ലാസിക് ചിത്രങ്ങളുടെ സംവിധായകനും പ്രശസ്ത തിരക്കഥാകൃത്തുമായ രഘുനാഥ് പലേരിയാണ് ഈ നിരയിലെ മുതിർന്ന താരം. ചിത്രത്തിൽ നിവിൻ പോളിയുടെ അച്ഛന്റെ വേഷത്തിലാണ് പലേരി എത്തിയത്.

2/7

മധു വാര്യർ

നടനായി കരിയർ ആരംഭിച്ചെങ്കിലും 'ലളിതം സുന്ദരം' എന്ന ചിത്രത്തിലൂടെ സംവിധായകനായി മധു വാര്യർ അരങ്ങേറ്റം കുറിച്ചിരുന്നു. സർവ്വം മായയിൽ നിവിൻ പോളിയുടെ സഹോദരനായിട്ടാണ് മധു വാര്യർ വേഷമിട്ടത്.

3/7

അൽഫോൺസ് പുത്രൻ

'നേരം', 'പ്രേമം' തുടങ്ങിയ ബ്ലോക്ക്ബസ്റ്ററുകളുടെ സംവിധായകനായ അൽഫോൺസ് പുത്രനും ചിത്രത്തിൽ അതിശയിപ്പിക്കുന്ന പ്രകടനമാണ് നടത്തിയത്. ഒരു സൈക്കാട്രിസ്റ്റിന്റെ വേഷത്തിലാണ് അൽഫോൺസ് എത്തിയത്.

Advertisment

4/7

ആനന്ദ് ഏകർഷി

ആദ്യ ചിത്രമായ 'ആട്ട'ത്തിലൂടെ മികച്ച ചിത്രത്തിനുള്ള ദേശീയ പുരസ്കാരം നേടിയ ആനന്ദ് ഏകർഷിയും ഈ ചിത്രത്തിന്റെ ഭാഗമാണ്. നിവിൻ പോളിയുടെ സുഹൃത്തായാണ് ആനന്ദ് അഭിനയിച്ചിരിക്കുന്നത്.

5/7

അൽത്താഫ് സലിം

ഞണ്ടുകളുടെ നാട്ടിൽ ഒരിടവേള, ഓടും കുതിര ചാടും കുതിര എന്നീ ചിത്രങ്ങളുടെ സംവിധായകൻ അൽത്താഫ് സലിം, സർവ്വം മായയിൽ ഒരു ഡെലിവറി ബോയിയുടെ വേഷത്തിലെത്തി തന്റെ സ്വഭാവിക കോമഡി ശൈലിയിലൂടെ പ്രേക്ഷകരെ ചിരിപ്പിക്കുന്നു.

6/7

ശ്രീകാന്ത് മുരളി

വിനീത് ശ്രീനിവാസൻ നായകനായ 'എബി' എന്ന ചിത്രത്തിന്റെ സംവിധായകൻ ശ്രീകാന്ത് മുരളി ഒരു പണിക്കർ കഥാപാത്രത്തെയാണ് സർവ്വം മായയിൽ അവതരിപ്പിച്ചത്.

7/7

മണികണ്ഠൻ പട്ടാമ്പി

നടനായും തിരക്കഥാകൃത്തായും സംവിധായകനായും തിളങ്ങുന്ന മണികണ്ഠൻ പട്ടാമ്പി സർവ്വം മായയിൽ ഒരു ട്രൂപ്പ് മാനേജറുടെ വേഷത്തിലാണ് എത്തുന്നത്. മണികണ്ഠൻ പട്ടാമ്പിയും സലിം ഹസനും ചേർന്നായിരുന്നു പഞ്ചായത്ത് ജെട്ടി എന്ന ചിത്രം സംവിധാനം ചെയ്തത്.

Actor

Stay updated with the latest news headlines and all the latest Lifestyle news. Download Indian Express Malayalam App - Android or iOS.