scorecardresearch
Latest News

മഴ എത്തി; മകൾ പിറന്ന സന്തോഷം പങ്കുവെച്ച് സംവിധായകൻ ജോഫിൻ

ജീവിതത്തിലുണ്ടായ മറ്റൊരു സന്തോഷം പങ്കുവെക്കുകയാണ് ജോഫിൻ ഇപ്പോൾ

Jofin T Chacko, jofin t chacko family, Jofin T Chacko daughter, ജോഫിൻ ടി ചാക്കോ, The Priest, ie malayalam

‘ദി പ്രീസ്റ്റ്’ എന്ന ഒറ്റ ചിത്രത്തിലൂടെ മലയാള സിനിമാ പ്രേക്ഷകരുടെ ശ്രദ്ധപിടിച്ചു പറ്റിയ സംവിധായകനാണ് ജോഫിൻ ടി ചാക്കോ. മമ്മൂട്ടിയെയും മഞ്ജു വാര്യരെയും പ്രധാനകഥാപാത്രങ്ങളാക്കി ഒരുക്കിയ ചിത്രത്തിന്റെ വിജയത്തിനു ശേഷം ജീവിതത്തിലുണ്ടായ മറ്റൊരു സന്തോഷം പങ്കുവെക്കുകയാണ് ജോഫിൻ ഇപ്പോൾ.

തനിക്ക് ഒരു മകൾ പിറന്ന സന്തോഷമാണ് ജോഫിൻ സോഷ്യൽ മീഡിയയിലൂടെ പങ്കുവെച്ചിരിക്കുന്നത്. “കാത്തിരിപ്പിന് ഒടുവിൽ വിരാമം. എല്ലാ അനുഗ്രഹങ്ങൾക്കും ദൈവത്തിനും ഞങ്ങളുടെ രണ്ട് കുടുംബങ്ങൾക്കും അവരുടെ സ്നേഹത്തിനും പിന്തുണയ്ക്കും പ്രാർത്ഥനയ്ക്കും നന്ദി. ഒരു പെൺകുഞ്ഞിനാൽ അനുഗ്രഹിക്കപ്പെട്ടു. ഞങ്ങൾ അവൾക്ക് മഴ ടി ജൊവാൻ എന്ന് പേരിട്ടു” ജോഫിൻ കുറിച്ചു.

കഴിഞ്ഞ ഏപ്രിൽ 14നാണ് മമ്മൂട്ടി നായകനായ ഹൊറർ സസ്പെൻസ് ത്രില്ലർ ‘ദി പ്രീസ്റ്റ്’ ആമസോൺ പ്രൈം വീഡിയോയിൽ റിലീസ് ചെയ്തത്.അസാധാരണ കഴിവുള്ള ഒരു പുരോഹിതന്റെ ജീവിതകഥയും തണുത്തുറഞ്ഞ കേസുകൾ പരിഹരിക്കാനുള്ള അദ്ദേഹത്തിൻറെ നിഗൂഢമായ യാത്രയുമായിരുന്നു ചിത്രത്തിന്റെ പ്രമേയം.

Also Read: മോഹൻലാലിനെ ‘മോഹൻ’ എന്ന് വിളിക്കുന്ന രണ്ടു പേരെ ഉള്ളൂ; നന്ദു പറയുന്നു

Stay updated with the latest news headlines and all the latest Entertainment news download Indian Express Malayalam App.

Web Title: Director jofin t chacko shares the joy of his daughters birth