ഓട്ടിസം സ്‌പെക്‌ട്രം ഡിസോർഡർ കണ്ടെത്തി, സിനിമ കരിയർ അവസാനിപ്പിക്കുന്നു, എനിക്ക് വേറെ വഴിയില്ല: അൽഫോൺസ് പുത്രൻ

സിനിമ കരിയർ അവസാനിപ്പിക്കുന്നു എന്ന് പ്രഖ്യാപിക്കുകയാണ് സംവിധായകൻ അൽഫോൺസ് പുത്രൻ. തനിക്ക് ഓട്ടിസം സ്പെക്‌ട്രം ഡിസോർഡർ ആണെന്ന് കണ്ടെത്തിയെന്നും അൽഫോൺസ് കുറിപ്പിൽ പറയുന്നു.

‘‘ഞാന്‍ എന്റെ സിനിമ, തിയേറ്റർ കരിയർ അവസാനിപ്പിക്കുന്നു. എനിക്ക് ഓട്ടിസം സ്പെക്‌ട്രം ഡിസോർഡർ രോഗമാണെന്ന് കഴിഞ്ഞ ദിവസം സ്വയം കണ്ടെത്തി. ആർക്കും ബാധ്യതയാകാൻ ഞാൻ ഉദ്ദേശിക്കുന്നില്ല. ഹ്രസ്വചിത്രങ്ങളും വീഡിയോയും പാട്ടുകളും ചെയ്യുന്നത് തുടരും. ചിലപ്പോൾ അത് ഒടിടി വരെ ചെയ്യും. സിനിമ ഉപേക്ഷിക്കുന്നത് ചിന്തിക്കാനാകില്ല, പക്ഷേ എനിക്കു വേറെ മാർഗമില്ല. എനിക്ക് പാലിക്കാൻ കഴിയാത്ത ഒരു വാഗ്ദാനം നൽകാൻ ഞാൻ ആഗ്രഹിക്കുന്നില്ല. ആരോഗ്യം ദുർബലമാകുമ്പോൾ അല്ലെങ്കിൽ പ്രവചനാതീതമാകുമ്പോൾ ജീവിതം ഇടവേള പഞ്ച് പോലെ ഒരു ട്വിസ്റ്റ് കൊണ്ടുവരുന്നു’’ അല്‍ഫോൺസ് കുറിച്ചു.

‘ഗിഫ്റ്റ്’ എന്ന പുതിയ തമിഴ് സിനിമയുടെ ചിത്രീകരണത്തിലാണ് അൽഫോൺസ് ഇപ്പോൾ.