സാരിയിൽ അതിസുന്ദരിയായി ദിൽഷ; ചിത്രങ്ങൾ വൈറൽ

ബിഗ് ബോസ് മലയാളം നാലാം സീസണിന്റെ ടൈറ്റിൽ വിന്നറാണ് ദിൽഷ പ്രസന്നൻ. ബിഗ് ബോസ് മലയാളത്തിന്റെ ചരിത്രത്തിൽ ടൈറ്റിൽ വിന്നറായ ആദ്യത്തെ വനിത മത്സരാർത്ഥിയെന്ന വിശേഷണവും ദിൽഷയ്ക്ക് സ്വന്തം.

ഇന്ന് സ്വപ്നങ്ങൾ ഓരോന്നായി കയ്യെത്തി തൊടുകയാണ് ദിൽഷ. ബിഗ് ബോസിൽ നിന്നിറങ്ങിയതിനു പിന്നാലെ ദിൽഷ ഒരു വീട് സ്വന്തമാക്കിയിരുന്നു.

പിന്നാലെ, സിനിമയിലും അരങ്ങേറ്റം കുറിച്ചു. അനൂപ് മേനോൻ ചിത്രം  ഓ സിൻഡ്രെല്ലയിലൂടെയായിരുന്നു അരങ്ങേറ്റം. ദിൽഷ നായികയായ സീ ഓഫ് ലവ് എന്ന ചിത്രവും അടുത്തിടെ പുറത്തിറങ്ങിയിരുന്നു.

അടുത്തിടെ, സ്വപ്നവാഹനവും സ്വന്തമാക്കിയിരിക്കുകയാണ് ദിൽഷ. മഹീന്ദ്ര ഥാർ റോക്സ് ആണ് ദിൽഷ സ്വന്തമാക്കിയിരിക്കുന്നത്. ഏതാണ്ട് 25 ലക്ഷത്തോളമാണ് ഥാർ റോക്സിന്റെ ടോപ്പ് എൻഡ് മോഡലിന്റെ വില. കുടുംബത്തിനും സുഹൃത്തുക്കൾക്കുമൊപ്പം എത്തിയാണ് പുതിയ കാർ ദിൽഷ ഏറ്റുവാങ്ങിയത്.

ദിൽഷ പ്രസന്നൻ തന്റെ കലാജീവിതം ആരംഭിച്ചത് 2014-ൽ, ഡാൻസ് റിയാലിറ്റി പ്രോഗ്രാമായ D 4 ഡാൻസിലൂടെയാണ്. മികച്ച പ്രകടനങ്ങളിലൂടെ ശ്രദ്ധ നേടിയ ദിൽഷ, ആ സീസണിൽ അഞ്ചാം സ്ഥാനത്ത് എത്തി. എന്നാൽ ദിൽഷ പിന്മാറിയില്ല, തുടർന്ന് D 4 ഡാൻസ് റീലോഡഡ് എഡിഷനിൽ വീണ്ടും മത്സരിച്ചു വിജയിയായി കിരീടം നേടി.

ടെലിവിഷൻ ലോകത്തും ദിൽഷ തന്റെ കഴിവ് തെളിയിച്ചു. അവർ അഭിനയിച്ച കണാ കൺമണി (2016) എന്ന ടെലിവിഷൻ സീരിയൽ ഏറെ പ്രേക്ഷക പ്രശംസ നേടി. മികച്ച അഭിനയത്തിനുള്ള അംഗീകാരമായി 2016-ലെ ഏഷ്യാനെറ്റ് ടെലിവിഷൻ അവാർഡിൽ മികച്ച അഭിനേത്രി അവാർഡ് അവർക്ക് ലഭിച്ചു. 2017-ൽ, ദിൽഷ ഡെയർ ദി ഫിയർ എന്ന റിയാലിറ്റി ഷോയിൽ പങ്കെടുത്ത് ഫൈനൽ റൗണ്ടിൽ എത്തി, തൻ്റെ ധൈര്യവും ആത്മവിശ്വാസവും വീണ്ടും തെളിയിച്ചു.

നൃത്തരംഗത്തും സജീവമാണ് ദിൽഷ. ബിഗ് ബോസ് താരവും നടനും ഡാൻസറുമായ റംസാനൊപ്പമുള്ള ദിൽഷയുടെ ഡാൻസ് വീഡിയോകൾ സമൂഹമാധ്യമങ്ങളിൽ വൈറലാവാറുണ്ട്.