Latest News

ദിലീപ് ചിത്രം ‘രാമലീല’ സെപ്റ്റംബർ 28 ന് റിലീസ് ചെയ്യും

ലയൺ എന്ന ചിത്രത്തിന് ശേഷം ദിലീപ് ശക്തനായ രാഷ്ട്രീയ നേതാവായി വെള്ളിത്തിരയിലെത്തുന്ന ചിത്രമാണിത്

ramaleela

കൊച്ചി: ദിലീപിന്റെ ഏറ്റവും പുതിയ ചിത്രം രാമലീല ഈ മാസം 28 ന് റിലീസ് ചെയ്യും. ചിത്രത്തിന്റെ സംവിധായകൻ അരുൺ ഗോപിയാണ് ഈ വിവരം ഫെയ്സ്ബുക്കിലൂടെ പുറത്തുവിട്ടത്. നടിയെ ആക്രമിച്ചതിന്റെ ഗൂഢാലോചനക്കേസിൽ ദിലീപ് അറസ്റ്റിലായതിനു പിന്നാലെയാണ് ചിത്രത്തിന്റെ റിലീസ് മാറ്റിവച്ചത്.

ലയൺ എന്ന ചിത്രത്തിന് ശേഷം ദിലീപ് ശക്തനായ രാഷ്ട്രീയ നേതാവായി വെള്ളിത്തിരയിലെത്തുന്ന ചിത്രമാണിത്. പുലിമുരുകന്‍ എന്ന വൻ ഹിറ്റ് ചിത്രത്തിനു ശേഷം ടോമിച്ചൻ മുളകുപാടം നിർമിക്കുന്ന സിനിമയാണ് രാമലീല. പ്രയാഗ മാർട്ടിൻ ആണ് ചിത്രത്തിൽ ദിലീപിന്റെ നായിക. രാധിക ശരത്കുമാറാണ് ദിലീപിന്റെ അമ്മ വേഷത്തിൽ എത്തുന്നത്. 24 വർഷത്തിന് ശേഷം രാധിക അഭിനയിക്കുന്ന മലയാളചിത്രം കൂടിയാണ് രാമലീല.

arun gopy

സലിം കുമാർ, മുകേഷ്,സിദ്ദിഖ്, വിജയരാഘവന്‍, കലാഭവന്‍ ഷാജോണ്‍ എന്നിവരും ചിത്രത്തിലുണ്ട്. സച്ചിയുടേതാണ് തിരക്കഥ. ബി.കെ ഹരിനാരായണന്റെ ഗാനങ്ങള്‍ക്ക് ഗോപിസുന്ദറാണ് സംഗീതം നൽകിയിരിക്കുന്നത്.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Dileep movie ramaleela release on september

The moderation of comments is automated and not cleared manually by malayalam.indianexpress.com