അച്ഛനും അമ്മയ്ക്കുമൊപ്പം മഹാലക്ഷ്‌മി; വീഡിയോ

ദിലീപിന്റെയും കാവ്യ മാധവന്റെയും മകളായ മഹാലക്ഷ്മിയുടെ ചിത്രങ്ങൾ അപൂർവ്വമായി മാത്രമേ സമൂഹമാധ്യമങ്ങളിൽ പ്രത്യക്ഷപ്പെടാറുള്ളൂ. അതുകൊണ്ടു തന്നെ മഹാലക്ഷ്മിയുടെ ചിത്രങ്ങൾ പുറത്തുവരുമ്പോഴെല്ലാം അവ ദിലീപിന്റെയും കാവ്യയുടെയും ആരാധകർ ഏറ്റു പിടിക്കാറുണ്ട്.

ഇപ്പോഴിതാ അച്ഛനും അമ്മയ്ക്കുമൊപ്പം കൈപ്പിടിച്ച് നടക്കുന്ന മഹാലക്ഷ്മിയുടെ വീഡിയോയാണ് സോഷ്യൽ മീഡിയയിൽ ശ്രദ്ധ നേടുന്നത്. ഒരു ചെറിയ ബാക്ക്പാക്കും മഹാലക്ഷ്മി അണിഞ്ഞിട്ടുണ്ട്. വളരെ കാഷ്വൽ വേഷത്തിലാണ് ദിലീപും കാവ്യയും വീഡിയോയിലുള്ളത്. എല്ലാവരും ഒന്നിച്ച് ഭക്ഷണം കഴിക്കുന്നതും വീഡിയോയിൽ കാണാം.

സംവിധായകൻ അരുൺ ഗോപിയുടെ ഇരട്ടക്കുട്ടികളായ താരക്കിന്റെയും തമാരയുടെയും ഒന്നാം പിറന്നാൾ ആഘോഷത്തിൽ പങ്കെടുക്കാൻ ദിലീപിനും കാവ്യയ്ക്കും ഒപ്പം എത്തിയ മഹാലക്ഷ്മിയുടെ ചിത്രങ്ങളും ശ്രദ്ധ നേടിയിരുന്നു. മീനാക്ഷി ദിലീപും കൂടെയുണ്ടായിരുന്നു.

ദിലീപുമായുളള വിവാഹത്തിനു ശേഷം അഭിനയത്തിൽ നിന്നും വിട്ടുനിൽക്കുകയാണ് കാവ്യ മാധവൻ. ദിലീപും കാവ്യ മാധവനും 2016 നവംബർ 25നാണു വിവാഹിതരായത്. കൊച്ചിയിലെ സ്വകാര്യ ഹോട്ടലില്‍ ഇരുവരുടെയും അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരുന്നു വിവാഹം. 2018 ഒക്ടോബര്‍ 19-നാണ് മഹാലക്ഷ്മിയുടെ ജനനം. വിജയദശമി ദിനത്തില്‍ ജനിച്ചതുകൊണ്ടാണ് മഹാലക്ഷ്മി എന്ന പേര് നൽകിയതെന്ന് കുടുംബാംഗങ്ങൾ പറഞ്ഞിരുന്നു.