scorecardresearch
Latest News

ധനുഷിന്റെ ‘പട്ടാസ്’ ജനുവരി 16 ന് തിയേറ്ററുകളിൽ

ചിത്രത്തിൽ ധനുഷ് ഇരട്ടവേഷത്തിലാണ് എത്തുന്നത്

ധനുഷിന്റെ ‘പട്ടാസ്’ ജനുവരി 16 ന് തിയേറ്ററുകളിൽ

ധനുഷ് നായകനാവുന്ന പുതിയ ചിത്രം ‘പട്ടാസ്’ 2020 ജനുവരി 16 ന് റിലീസ് ചെയ്യും. സിനിമയുടെ ഫസ്റ്റ് ലുക്ക് മോഷൻ പോസ്റ്റർ റിലീസ് ചെയ്താണ് അണിയറ പ്രവർത്തകർ ഈ വിവരം അറിയിച്ചത്. മോഷൻ പോസ്റ്റർ സോഷ്യൽ മീഡിയയിൽ ട്രെൻഡിങ്ങാണ്.

ആർ.എസ്.ദുരൈ സെന്തിൽകുമാർ ആണ് ചിത്രത്തിന്റെ സംവിധായകൻ. ‘കൊടി’ സിനിമയ്ക്കുശേഷം ദുരൈയും ധനുഷും കൈകോർക്കുന്ന രണ്ടാമത്തെ സിനിമയാണിത്. സത്യ ജ്യോതി ഫിലിംസിന്റെ ബാനറിൽ സെന്തിൽ ത്യാഗരാജനും അർജുൻ ത്യാഗരാജനും ചേർന്നാണ് നിർമാണം. ഓം പ്രകാശാണ് ക്യാമറാമാൻ. മാരി, അനേഗൻ, മാരി 2 ചിത്രങ്ങൾക്കുശേഷം ഓം പ്രകാശ് വീണ്ടുമൊരു ധനുഷ് ചിത്രത്തിന് ക്യാമറ ചലിപ്പിക്കുകയാണ്.

Enai Noki Paayum Thota on Tamilrockers: ധനുഷ് ചിത്രം ‘എന്നൈ നോക്കി പായും തോട്ട’ തമിഴ് റോക്കേഴ്സിൽ

ചിത്രത്തിൽ ധനുഷ് ഇരട്ടവേഷത്തിലാണ് എത്തുന്നത്. അച്ഛനായും മകനായിട്ടുമാണ് ധനുഷ് അഭിനയിക്കുന്നത്. സ്നേഹയും തെലുങ്ക് നടി മെഹ്റീൻ പിർസദയുമാണ് ചിത്രത്തിലെ നായികമാർ. നാസർ, മുനിഷ്‌കാന്ത്, നവീൻ ചന്ദ്ര, സതീഷ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. വിവേക്-മെർവിൻ ആണ് സംഗീതം.

‘പട്ടാസി’നുപുറമേ സംവിധായകൻ മാരി സെൽവരാജിന്റെ അടുത്ത ചിത്രത്തിലും ധനുഷ് അഭിനയിക്കുന്നുണ്ട്. ചിത്രത്തിൽ മലയാളി താരം രജീഷ വിജയനാണ് നായികയായി എത്തുന്നതെന്ന് റിപ്പോർട്ടുണ്ട്. ‘അസുരൻ’, ‘എന്നെ നോക്കി പായും തോട്ട’ എന്നിവയായിരുന്നു ഈ വർഷം ധനുഷിന്റേതായി പുറത്തിറങ്ങിയ ചിത്രങ്ങൾ. അസുരനിൽ മഞ്ജു വാരിയർ ആയിരുന്നു നായിക.

Stay updated with the latest news headlines and all the latest Entertainment news download Indian Express Malayalam App.

Web Title: Dhanush pattas will be hitting the big screen on january 16 2020