ആരാധകനെ അതിശയപ്പെടുത്തി ധനുഷ്. ആരാധകന്‍റെ വിവാഹത്തിൽ ഏവരെയും അതിശയപ്പെടുത്തിക്കൊണ്ടാണ് ധനുഷ് പങ്കെടുക്കാൻ എത്തിയത്. തിരുനെൽവേലിയിൽ നടന്ന തന്‍റെ ആരാധകന്‍റെ വിവാഹത്തിലാണ് ധനുഷും പങ്കെടുത്തത്. ധനുഷിന്‍റെ വരവ് നവദമ്പതികളെ മാത്രമല്ല വിവാഹത്തിൽ പങ്കെടുത്ത ഏവരെയും സന്തോഷത്തിലാക്കി.

തിരുനെൽവേലിയിലെ ധനുഷിന്‍റെ ഫാൻസ് അസോസിയേഷൻ സെക്രട്ടറിയാണ് വരനെന്നാണ് വിവരം. വിവാഹത്തിൽ പങ്കെടുത്ത ധനുഷ് നവദമ്പതികൾക്ക് സ്വർണ മാല സമ്മാനം നൽകിയാണ് മടങ്ങിയത്. ധനുഷ് വിവാഹത്തിൽ പങ്കെടുക്കാൻ എത്തിയതിന്‍റെ ചിത്രങ്ങളും വീഡിയോകളും സോഷ്യൽ മീഡിയയിൽ വൈറലാണ്.

വിവാഹത്തിൽ പങ്കെടുക്കാൻ എത്തിയ ധനുഷിന് വൻ സ്വീകരണമാണ് ആരാധകർ നൽകിയത്. പൂമാല അണിയിച്ചും പൂ കിരീടം അണിയിച്ചുമാണ് അവർ തങ്ങളുടെ സ്നേഹം അറിയിച്ചത്.




തന്‍റെ പുതിയ ചിത്രമായ മാരി 2 വിന്‍റെ ഷൂട്ടിങ് തിരക്കുകളിലാണ് ധനുഷ്. സായി പല്ലവിയാണ് ചിത്രത്തിലെ നായിക. ബാലാജി മോഹൻ ആണ് സംവിധായകൻ. മാരി സിനിമയുടെ ആദ്യ ഭാഗം സൂപ്പർഹിറ്റായിരുന്നു. ആദ്യ ഭാഗത്തിൽ കാജൽ അഗർവാൾ ആയിരുന്നു നായിക. ഗായകൻ വിജയ് യേശുദാസ് ആയിരുന്നു മാരി ആദ്യ ഭാഗത്തിൽ വില്ലൻ വേഷത്തിലെത്തിയത്.

Get Malayalam News and latest news update from India and around the world. Stay updated with today's latest Entertainment news in Malayalam at Indian Expresss Malayalam.

ഏറ്റവും പുതിയ വാർത്തകൾക്കും വിശകലനങ്ങൾക്കും ഞങ്ങളെ ഫെയ്സ്ബുക്കിലും ട്വിറ്ററിലും ലൈക്ക് ചെയ്യൂ