2 വർഷം കൊണ്ട് 37 കോടിയുടെ നഷ്ടം; ഉൽപ്പന്നങ്ങളുടെ വില കുറച്ച് ദീപിക

പ്രമുഖ നടി ദീപിക പദുക്കോൺ 2022-ൽ പുറത്തിറക്കിയ സ്കിൻകെയർ ബ്രാൻഡാണ് 82°E. നിലവിലെ റിപ്പോർട്ടുകൾ പ്രകാരം, മികച്ച സാമ്പത്തിക സ്ഥിതിയിലല്ല ഈ ബ്രാൻഡ് മുന്നോട്ട് പോകുന്നത്. കഴിഞ്ഞ രണ്ട് വർഷത്തിനിടെ കമ്പനി 37 കോടി രൂപയുടെ നഷ്ടം നേരിട്ടു. ഇതിൽ 25.1 കോടി രൂപ കഴിഞ്ഞ വർഷം മാത്രം റിപ്പോർട്ട് ചെയ്ത നഷ്ടമാണ്.

Also Read: എനിക്കു വയ്യാതായപ്പോൾ മെഴുകുതിരി കത്തിക്കാത്ത, വഴിപാട് കഴിക്കാത്ത, ഒരു നേരം ദുആ ചെയ്യാത്ത മലയാളികൾ ഇല്ല: മമ്മൂട്ടി

ബ്രാൻഡ് പ്രീമിയം ഉൽപ്പന്നങ്ങൾക്ക് സമാനമായ വില ഈടാക്കിയിരുന്നതിനാൽ ലോഞ്ച് ചെയ്തതു മുതൽ ഉയർന്ന വിലയുടെ പേരിൽ നിരന്തരം വിമർശനം നേരിട്ടിരുന്നു. 82°E ഒരു പുതിയ ബ്രാൻഡായതുകൊണ്ട് നിലവാരം തെളിയിക്കേണ്ടതുണ്ട് എന്നും, ഫലപ്രാപ്തിക്ക് പിന്തുണ നൽകാൻ ഒരു പാരൻ്റ് കമ്പനി ഇല്ലാത്തതും വിമർശകർ ചൂണ്ടിക്കാട്ടി.

Also Read: നീ ജനിച്ച ദിവസമാണ് ലോകത്തിലെ ഏറ്റവും വിലയേറിയ നിധി എനിക്ക് കിട്ടിയത്; കുഞ്ഞാറ്റയോട് ഉർവശി

എന്നാൽ, മൂന്ന് വർഷങ്ങൾക്ക് ശേഷം കമ്പനി വിലനിർണ്ണയ രീതിയിൽ മാറ്റങ്ങൾ വരുത്തിയിരിക്കുകയാണ്. 2022-ൽ 1,200 രൂപയ്ക്കും 2,900 രൂപയ്ക്കും ഇടയിൽ വിലയുണ്ടായിരുന്ന 12 ഉൽപ്പന്നങ്ങളാണ് ഉണ്ടായിരുന്നത്. 

ഇപ്പോൾ 450 രൂപയ്ക്കും 2,900 രൂപയ്ക്കും ഇടയിൽ വിലയുള്ള 14 ഉൽപ്പന്നങ്ങൾ ലഭ്യമാണ്. ഉപഭോക്താക്കൾക്ക് ഉൽപ്പന്നങ്ങൾ ചെറിയ അളവിൽ പരീക്ഷിക്കാനായി മിനി-പതിപ്പുകൾ കമ്പനി അവതരിപ്പിച്ചു.

Also Read: മകളുടെ പേര് വെളിപ്പെടുത്തി സിദ്ധാർത്ഥും കിയാരയും

അശ്വഗന്ധ ബൗൺസ് (മോയിസ്ചറൈസർ): 15 ml മിനി പതിപ്പിന് 960 രൂപ, 50 ml ഫുൾ സൈസിന് 2,700 രൂപ. ബാക്കുചിയോൾ സ്ലിപ്പ് (ഫേസ് ഓയിൽ): കമ്പനിയുടെ ഏറ്റവും വിലയേറിയ ഉൽപ്പന്നമാണിത്. 15 ml മിനി പതിപ്പിന് 1,500 രൂപ, 30 ml ഫുൾ സൈസിന് 2,900 രൂപ. സാൻഡൽനട്ട് ബ്ലൂം (മോയിസ്ചറൈസർ): 15 ml പതിപ്പിന് 670 രൂപ, 50 ml പതിപ്പിന് 2,700 രൂപ എന്നിങ്ങനെ പോവുന്നു പുതുക്കിയ നിരക്കുകൾ. 

പുരുഷന്മാരുടെ ഉൽപ്പന്നങ്ങളുടെ കാര്യത്തിൽ, ബ്രാൻഡ് മുമ്പ് ഒരു ക്ലെൻസറും മോയിസ്ചറൈസറുമാണ് വിറ്റിരുന്നത്. ക്ലെൻസർ നിർത്തിവെച്ചപ്പോൾ, മോയിസ്ചറൈസർ 50 ml-ന് 2,400 രൂപയ്ക്ക് വിൽക്കുന്നു. ബോഡി കെയർ, ബോഡി മിൽക്ക് എന്നിവ 240 ml വീതം 2,500 രൂപയ്ക്കാണ് ലഭിക്കുന്നത്.

Also Read: അഞ്ചാം വയസ്സിൽ ലോക റെക്കോർഡ്; ബുദ്ധിശക്തിയിൽ അച്ഛനെ വെല്ലും അല്ലു അർഹ