ഇതാണ് ഞങ്ങളുടെ ദുവ; ആദ്യമായി മകളുടെ മുഖം കാണിച്ച് ദീപികയും രൺവീറും

2024 സെപ്റ്റംബർ എട്ടിനാണ് ബോളിവുഡ് താരദമ്പതികളായ ദീപിക പദുകോണിനും രൺവീർ സിങ്ങിനും മകൾ ദുവ പിറന്നത്.

മകൾ ദുവയുടെ ജനനത്തിനു ശേഷം വളരെ അപൂർവ്വമായി മാത്രമേ ദീപിക പദുകോണിനെ പൊതുപരിപാടികളിൽ കാണാറുള്ളൂ. മാത്രമല്ല, മകളുടെ മുഖം വ്യക്തമാവുന്ന രീതിയിലുള്ള ചിത്രങ്ങൾ രൺവീറോ ദീപികയോ ഇതുവരെ സമൂഹമാധ്യമങ്ങളിൽ ഷെയർ ചെയ്തിരുന്നില്ല.

എന്നാൽ, ദീപാവലി നാളിൽ മകളുടെ ചിത്രങ്ങൾ ആദ്യമായി ലോകത്തെ കാണിച്ചിരിക്കുകയാണ് താരദമ്പതികൾ.

അച്ഛനും അമ്മയ്ക്കുമൊപ്പം നിറച്ചിരിയോടെ ഇരിക്കുന്ന കുഞ്ഞു ദുവയെ ആണ് ചിത്രങ്ങളിൽ കാണാനാവുക.

അമ്മയുടെ സൽവാറിന്റെ നിറമുള്ള ഉടുപ്പാണ് കുഞ്ഞു ദുവയും അണിഞ്ഞത്. എന്തായാലും കുഞ്ഞു ദുവയുടെ ചിത്രങ്ങൾ ഇതിനകം തന്നെ വൈറലായി കഴിഞ്ഞു.