Latest News
സാമൂഹിക കണക്ഷന്‍ ‘നെറ്റ്‌വര്‍ക്ക്’ ആക്കി ഒരു സ്‌കൂള്‍; ഓണ്‍ലൈന്‍ പഠനത്തിന് ഒരുക്കുന്നത് 250 വൈഫൈ കേന്ദ്രങ്ങള്‍
ഡെല്‍റ്റ പ്ലസ് വകഭേദം: ഇന്ത്യയില്‍ 40 കേസുകള്‍ റിപ്പോര്‍ട്ട് ചെയ്തു
രാജ്യദ്രോഹ കേസ്: ഐഷ സുൽത്താനയെ ചോദ്യം ചെയ്യുന്നു
കോവിഡ് മരണം തടയുന്നതില്‍ ഒരു ഡോസ് വാക്സിന് 82 ശതമാനം ഫലപ്രദം

ജീവിക്കാൻ ഒരു മാർഗവുമില്ല, മകന്റെ പഠനച്ചെലവ് നൽകുന്നത് വിശാൽ; കഷ്ടപ്പാടുകൾ തുറന്നു പറഞ്ഞ് ചാർമിള

ചുറ്റും കടക്കാരാണ്. ഷൂട്ടിങ് കഴിഞ്ഞ് ഞാൻ വീട്ടിലെത്തുമ്പോൾ കടം തന്നവർ എന്നെ തേടിയെത്തും

നീണ്ട ഇടവേളയ്ക്കുശേഷം സിനിമയിൽ വീണ്ടും സജീവമാകുകയാണ് ചാർമിള. വിവാഹത്തോടെ സിനിമയിൽ നിന്നും വിട്ടുനിന്ന ചാർമിള വിക്രമാദിത്യൻ എന്ന സിനിമയിലൂടെയാണ് വീണ്ടും മലയാളി പ്രേക്ഷകരുടെ മുൻപിലേക്ക് എത്തിയത്. ജീവിത പ്രാരാബ്ദം മൂലമാണ് താൻ സിനിമയിലേക്ക് മടങ്ങിയെത്തിയതെന്ന് ചാർമിള അന്നു പറഞ്ഞിരുന്നു. ഇപ്പോഴിതാ തനിക്ക് ജീവിക്കാൻ ഒരു മാർഗവുമില്ലെന്നും കട ബാധ്യത മൂലം ജീവിതം പൊറുതി മുട്ടുകയാണെന്നും ചാർമിള പറഞ്ഞിരിക്കുകയാണ്. സിനിമാ മംഗളത്തിനു നൽകിയ അഭിമുഖത്തിലാണ് ചാർമിള തന്റെ ജീവിത കഷ്ടതകളെക്കുറിച്ച് മനസ് തുറന്നത്.

”മലയാളം, തമിഴ്, കന്നഡ, തെലുങ്ക് എന്നീ ഭാഷകളിലായി 43 സിനിമകളിൽ അഭിനയിച്ചു. ഇതിലും പല സിനിമകളിലും നായിക ആയിരുന്നു. ഇതിലൂടെ നല്ലൊരു സമ്പാദ്യം എനിക്കുണ്ടായി. പക്ഷേ സമ്പാദ്യമെല്ലാം ഭർത്താവിനോടൊപ്പം ആഘോഷിച്ച് തീർത്തു. അടുത്തിടെയാണ് ഭർത്താവ് രാജേഷുമായുളള വിവാഹബന്ധം വേർപ്പെടുത്തിയത്. അതോടെ ഞാൻ കൂടുതൽ ഒറ്റപ്പെട്ടു. മകന്റെ ജീവിതത്തെ മോശമായി ബാധിക്കരുതെന്ന് കരുതിയാണ് പിരിയേണ്ടെന്ന് ആദ്യം തീരുമാനിച്ചത്. പക്ഷേ ഒരു ഘട്ടത്തിൽ പിരിയേണ്ടതായി വന്നു”.

”സാലിഗ്രാമത്തിലുണ്ടായിരുന്ന ഫ്ലാറ്റ് വിൽക്കേണ്ടി വന്നു. ഇപ്പോൾ ചെന്നൈയിലെ വിരുഗംപാക്കത്ത് വാടക വീട്ടിലാണ് താമസിക്കുന്നത്. ചുറ്റും കടക്കാരാണ്. ഷൂട്ടിങ് കഴിഞ്ഞ് ഞാൻ വീട്ടിലെത്തുമ്പോൾ കടം തന്നവർ എന്നെ തേടിയെത്തും. തമിഴ് നടികർ സംഘത്തിന്റെ സാരഥിയും നടനുമായ വിശാലാണ് മകൻ അഡോണിസ് ജൂഡിന്റെ സ്കൂൾ ഫീസ് നൽകുന്നത്”.

കിഷോർ സത്യ തന്റെ കരിയറും ജീവിതവും നഷ്‌ടമാക്കിയെന്ന് ചാർമിള

”ഇപ്പോൾ അഭിനയിച്ചാൽ മാത്രമേ എനിക്ക് ജീവിക്കാൻ കഴിയൂ. അതുകൊണ്ടാണ് വീണ്ടും അഭിനയത്തിലേക്ക് മടങ്ങിയെത്തിയത്. വിക്രമാദിത്യൻ സിനിമയിലെ അമ്മ വേഷത്തിനുശേഷം ഒരുപാട് സീരിയലുകൾ തേടിയെത്തി. അതിൽനിന്നും കിട്ടുന്ന വരുമാനമാണ് ജീവിതം മുന്നോട്ടുകൊണ്ടുപോകുന്നത്. മകൻ വലുതാകുമ്പോഴേക്കും എല്ലാം ശരിയാക്കണം. എവിടെയെങ്കിലും സെറ്റിൽ ചെയ്യണം”- ചാർമിള പറഞ്ഞു.

മോഹൻലാൽ നായകനായ ധനം എന്ന സിനിമയിലൂടെയാണ് ചാർമിള മലയാള സിനിമയിലേക്ക് എത്തുന്നത്. അങ്കിൾ ബൺ, കേളി, കാബൂളിവാല, പ്രിയപ്പെട്ട കുക്കു, കമ്പോളം തുടങ്ങി നിരവധി സിനിമകളിൽ അഭിനയിച്ചിട്ടുണ്ട്. നടൻ ബാബു ആന്റണിയുമായുളള ചാർമിളയുടെ പ്രണയവും വേർപിരിയലും വാർത്തകളിൽ നിറഞ്ഞുനിന്നതാണ്. 1995 ൽ ചാർമിള കിഷോർ സത്യയെ വിവാഹം ചെയ്തു. 1999 ൽ വിവാഹമോചനം നേടുകയും പിന്നീട് 2006 ൽ എൻജിനീയറായ രാജേഷിനെ വിവാഹം ചെയ്തു. 2016 ൽ രാജേഷുമായുളള വിവാഹബന്ധവും വേർപെടുത്തി.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Charmila says she is strugging to live in an interview

Next Story
വൈഎസ്ആറായി മമ്മൂട്ടിയെ തിരഞ്ഞെടുത്തതിന് പിന്നില്‍ ഈ ഡയലോഗെന്ന് സംവിധായകന്‍Yathra, YSR, Mammootty
The moderation of comments is automated and not cleared manually by malayalam.indianexpress.com