താരങ്ങളുടെ ദീപാവലി ആഘോഷചിത്രങ്ങളാണ് ഇപ്പോൾ സോഷ്യൽ മീഡിയയുടെ ശ്രദ്ധ കവരുന്നത്. ബോളിവുഡ് താരങ്ങളും കുടുംബത്തോടും സുഹൃത്തുക്കളോടുമൊപ്പമുള്ള ദീപാവലി ആഘോഷ ചിത്രങ്ങൾ സമൂഹമാധ്യമങ്ങളിൽ പങ്കുവച്ചിട്ടുണ്ട്.
ലോസ് ഏഞ്ചൽസിലെ വീട്ടിലായിരുന്നു പ്രിയങ്ക ചോപ്രയുടെയും ഭർത്താവ് നിക് ജോനാസിന്റെയും ദീപാവലി ആഘോഷം. ദീപാവലി ആഘോഷത്തിന്റെയും, ലഷ്മി പൂജയുടെയും ചിതങ്ങൾ ഇരുവരും പങ്കു വെച്ചു.
നേരത്തെ, തന്റെയും നിക്കിന്റെയും വിശ്വാസങ്ങൾ എങ്ങനെ ഒത്തുചേരുന്നു എന്നതിനെക്കുറിച്ച് പ്രിയങ്ക പറഞ്ഞിരുന്നു. “ആത്മീയമായി, നമ്മുടെ വികാരങ്ങളുടെയും വിശ്വാസവുമായുള്ള നമ്മുടെ ബന്ധത്തിന്റെ കാര്യത്തിൽ നിക്കും ഞാനും ഒത്തുചേരുന്നു. തീർച്ചയായും, ഞങ്ങൾ വ്യത്യസ്ത വിശ്വാസങ്ങളോടെയാണ് വളർന്നത്. ആത്യന്തികമായി, മതം അതേ ലക്ഷ്യസ്ഥാനത്ത് എത്താനുള്ള ഒരു ഭൂപടമാണെന്ന് ഞാൻ വിശ്വസിക്കുന്നു, അത് ദൈവമാണ്.
അതിനാൽ, നിങ്ങൾ ഉയിർത്തെഴുന്നേൽക്കുമ്പോൾ നിങ്ങളുടെ വിശ്വാസം എന്തായിരുന്നോ, നമ്മൾ എല്ലാവരും ഒരേ ദിശയിൽ ഒരു ഉയർന്ന ശക്തിയിലേക്ക് പോകുന്നു.
ഞങ്ങൾ രണ്ടുപേരും അതിൽ ഒത്തുചേരുന്നു, ”
“വീട്ടിൽ ധാരാളം പൂജകൾ നടത്തുക, അത് പ്രാർത്ഥനാ ചടങ്ങുകളാണ്. നമ്മൾ പുതുതായി എന്തെങ്കിലും തുടങ്ങുമ്പോഴെല്ലാം പ്രാർത്ഥനയോടെ തുടങ്ങാൻ നിക്ക് എന്നോട് ആവശ്യപ്പെടാറുണ്ട്, എന്റെ ജീവിതത്തിലെ ശുഭകരമായ കാര്യങ്ങളെല്ലാം ഞാനങ്ങനെയാണ് ആരംഭിക്കാറുള്ളത്. ഞാൻ ശീലിച്ചത് അതാണ്, നിക്കും അതു തന്നെയാണ് ശീലിച്ചത്,” പ്രിയങ്ക കൂട്ടിച്ചേർത്തു.
ബോണി കപൂർ മക്കളായ ജാൻവി കപൂർ, ഖുശി കപൂർ, സഞ്ജയ് കപൂറിന്റെ മകൾ ഷാനയ എന്നിവർ അനിൽ കപൂറിനോടൊപ്പമാണ് ദീപാവലി ആഘോഷിച്ചത് .ബോണി കപൂറിന്റെ മകൻ അർജുൻ കപൂറും കാമുകി മലൈക അറോറയും ദീപാവലി ആഘോഷത്തിൽ പങ്കു ചേരാൻ എത്തിയിരുന്നു.
ആലിയ ഭട്ട് രൺബീർ കപൂറിനൊപ്പമാണ് ദീപാവലി ആഘോഷിച്ചത്. രണ്ടുപേരുമൊന്നിച്ചുള്ള ചിത്രങ്ങളും വൈറലാവുകയാണ്. ആലിയ ,രൺബീർ പ്രധാന വേഷത്തിലെത്തിയ ‘ബഹ്മാസ്ത്രയുടെ ‘ സംവിധായകൻ അയാൻ മുഖർജി നടത്തിയ ദീപാവലി പൂജയിലും അവർ പങ്കു ചേർന്നു .ഈ വർഷം ആലിയ- രൺബീർ വിവാഹം ഉണ്ടാകും എന്നാണ് പുറത്തു വരുന്ന റിപ്പോർട്ടുകൾ.
ഹൃതിക് റോഷൻ കുടുംബത്തോടൊപ്പമാണ് ദീപാവലി ആഘോഷിച്ചത്. മാതാപിതാക്കളായ രാകേഷ് റോഷനും പിങ്കിയും സഹോദരി സുനൈനയും അമ്മാവൻ രാജേഷ് റോഷന്റെ കുടുംബവും ഹൃത്വിക്കിന് ചുറ്റും നിൽക്കുന്ന നിരവധി ഫോട്ടോകൾ ഹൃത്വിക് ഷെയർ ചെയ്തിട്ടുണ്ട്.
ഹൃത്വിക്കിന്റെ മുൻ ഭാര്യ സുസെയ്ൻ മക്കൾക്കൊപ്പമാണ് ദീപാവലി ആഘോഷിച്ചത് . മൂവരും അവരുടെ വംശീയമായ വസ്ത്രം ധരിച്ച ഒരു ഫോട്ടോ പങ്കിട്ടുകൊണ്ട് സൂസെയ്ൻ എഴുതി, “ലോകത്തിലെ എല്ലാ വെളിച്ചവും ഇന്നും ഈ വർഷം മുഴുവനും നമ്മെ വലയം ചെയ്യട്ടെ..സ്നേഹവും സന്തോഷവും ശാക്തീകരണവും കൃപയും മാത്രമേ ഉണ്ടാകൂ…
നമുക്കെല്ലാവർക്കും ഞങ്ങളുടെ പ്രിയപ്പെട്ടവർക്കും ദീപാവലി ആശംസകൾ.”
ബോളിവുഡിലെ ബിഗ് ബി അമിതാബ് ബച്ചൻ കുടുംബത്തോടൊപ്പമാണ് ദീപാവലി ആഘോഷിച്ചത്. ജയാ ബച്ചൻ, അഭിഷേക് ബച്ചൻ, ഐശ്വര്യ ആരാധ്യ എന്നിവർക്കൊപ്പം ലക്ഷ്മി പൂജയുടെ ചിത്രങ്ങൾ അദ്ദേഹം പങ്കു വെച്ചു.
നടൻ അമിതാഭ് ബച്ചന്റെ ദീപാവലി ഈ വർഷം വളരെ ശാന്തമായിരുന്നു. ഭാര്യ ജയ ബച്ചൻ, മരുമകൾ ഐശ്വര്യ റായ്, മകൻ അഭിഷേക് ബച്ചൻ, മകൾ ശ്വേത നന്ദ, കൊച്ചുമക്കളായ ആരാധ്യ ബച്ചൻ, അഗസ്ത്യ നന്ദ എന്നിവർക്കൊപ്പം ദീപാവലി പൂജയ്ക്കായി അമിതാഭ് ബച്ചൻ പഴയ വീടായ പ്രതീക്ഷ സന്ദർശിച്ചു.
കരീന കപൂർ ഭർത്താവ് സെയ്ഫ് അലിഖാനും, മക്കളായ തൈമൂർ, ജെഹ് എന്നിവർക്കൊപ്പം രാജസ്ഥാനിലെ ജയ്സാൽമീറിൽ ആണ്. കരീന വ്യാഴാഴ്ച ആരാധകർക്ക് ദീപാവലി ആശംസകൾ നേർന്നുകൊണ്ട് ചിത്രം പങ്കുവച്ചു.
കാജോൾ, ദിയ മിർസ എന്നിവരും ദീപാവലി ആഘോഷചിത്രങ്ങൾ പങ്കുവച്ചിട്ടുണ്ട്.
