ബോളിവുഡിന്റെ നിത്യഹരിത നായകനാണ് അമ്മയുടെ മടിയിലിരിക്കുന്ന ഈ കൊച്ചു മിടുക്കൻ; ആളെ മനസ്സിലായോ?

ഇന്ത്യൻ സിനിമാ ലോകത്ത് പ്രായത്തെ തോൽപ്പിക്കുന്ന സൗന്ദര്യവും ഊർജ്ജസ്വലതയും കൊണ്ട് വിസ്മയിപ്പിക്കുന്ന നടനാണ് ഇത്, ആരാണെന്ന് മനസ്സിലായോ?

നാല് പതിറ്റാണ്ടിലേറെയായി അഭിനയരംഗത്ത് സജീവമായ അദ്ദേഹം, തന്റെ കരിയറിൽ ഒട്ടനവധി സൂപ്പർഹിറ്റ് സിനിമകളും അന്താരാഷ്ട്ര തലത്തിൽ ശ്രദ്ധിക്കപ്പെട്ട വേഷങ്ങളും കൈകാര്യം ചെയ്തിട്ടുണ്ട്. ഇത് മറ്റാരുമല്ല എവർഗ്രീൻ സ്റ്റാർ അനിൽ കപൂറാണ്.

1979-ൽ 'ഹമാരെ തുമ്ഹാരെ' എന്ന ചിത്രത്തിലൂടെ ചെറിയ വേഷത്തിൽ തുടങ്ങിയ അദ്ദേഹം ഇന്ന് ലോകമറിയുന്ന ഒരു താരമാണ്.

'മേരി ജംഗ്', 'മിസ്റ്റർ ഇന്ത്യ', 'തേസാബ്', 'രാം ലഖൻ' തുടങ്ങിയ ചിത്രങ്ങളിലൂടെ 80-കളിലും 90-കളിലും ബോളിവുഡ് അടക്കിവാണ താരമായിരുന്നു അനിൽ കപൂർ. എന്നാൽ കേവലം ബോളിവുഡിൽ മാത്രം ഒതുങ്ങിനിൽക്കാതെ, 'സ്ലംഡോഗ് മില്യണയർ' എന്ന ഓസ്കാർ ജേതാവായ ചിത്രത്തിലൂടെയും '24' എന്ന അമേരിക്കൻ ടിവി സീരീസിലൂടെയും അദ്ദേഹം ആഗോളതലത്തിൽ ശ്രദ്ധിക്കപ്പെട്ടു.

അനിൽ കപൂർ വെറുമൊരു നടൻ മാത്രമല്ല, മികച്ചൊരു ബിസിനസുകാരനും നിർമ്മാതാവുമാണ്. ഓരോ സിനിമയ്ക്കും ഏകദേശം 10 - 15 കോടി വരെയാണ് താരം പ്രതിഫലമായി വാങ്ങുന്നത്. വിവിധ ബ്രാൻഡുകളുടെ അംബാസഡർ എന്ന നിലയിൽ ഓരോ പരസ്യത്തിനും 2 മുതൽ 3 കോടി വരെ അനിൽ കപൂറിന് ലഭിക്കുന്നു.

'അനിൽ കപൂർ ഫിലിം കമ്പനി' എന്ന പേരിൽ സ്വന്തമായി ഒരു പ്രൊഡക്ഷൻ ഹൗസ് അദ്ദേഹത്തിനുണ്ട്. മുംബൈയിലെ ജുഹുവിൽ അതിമനോഹരമായ ഒരു ബംഗ്ലാവ് കൂടാതെ ലണ്ടനിലും ദുബായിലും സ്വന്തമായി വീടുകളും അനിൽ കപൂറിന് ഉണ്ട്.

ആഡംബര വാഹനങ്ങളോട് വലിയ താല്പര്യമുള്ള വ്യക്തിയാണ് അനിൽ കപൂർ. മെഴ്‌സിഡസ് ബെൻസ് എസ്-ക്ലാസ്, ബിഎംഡബ്ല്യു 7-സീരീസ്, ഓഡി എ8 ടാറ്റ സഫാരി എന്നിവയാണ് നടന്റെ കാർ കളക്ഷനിൽ ശ്രദ്ധേയം.