Satish Shah Dies: ബോളിവുഡ് നടൻ സതിഷ് ഷാ അന്തരിച്ചു

ബോളിവുഡ്സിനിമകളിലൂടെയും ടെലിവിഷൻ കോമഡിയിലൂടെയും പ്രേക്ഷകരുടെ മനം കവർന്ന താരം സതിഷ് ഷാ(74) അന്തരിച്ചു. വൃക്ക സംബന്ധമായ അസുഖങ്ങളെ തുടർന്നായിരുന്നു മരണം എന്ന് സിഐഎൻടിഎഎ ഒഫീഷ്യൽ ആയ അശോക് പണ്ഡിറ്റ് ആരാധകരെ അറിയിച്ചു. ഹിന്ദുജാ ആശുപത്രിയിൽ ചികിത്സയിലിരിക്കെയാണ് താരത്തിന്റെ മരണം. 

View this post on Instagram

A post shared by Ashoke Pandit (@ashokepandit1)

സരാഭായി വേഴ്സസ് സരാഭായിലൂടെ സതീഷ് പ്രേക്ഷകരുടെ ശ്രദ്ധ പിടിച്ചിരുന്നു. മുംബൈയിലെ അപ്പർ ക്ലാസ് ഗുജറാത്തി കുടുംബത്തിന്റെ കഥ പറയുന്ന സീരീസാണ് സാരാഭായി വേഴ്സ് സാരാഭായി. നാല് പതിറ്റാണ്ടിലധികം നീണ്ട കരിയറിൽ 250ൽ അധികം സിനിമകളിലും നിരവധി ജനപ്രിയ ടെലിവിഷൻ ഷോകളിലും സതീഷ് ഷാ അഭിനയിച്ചു.

ഷാരൂഖ് ഖാൻ ചിത്രം 'മെയിൻ ഹൂം നാ', 'കൽ ഹോ ന ഹോ' എന്നിവയിലെ സതീഷ് ഷായുടെ അഭിനയം പ്രേക്ഷകരുടെ കയ്യടി നേടിയിരുന്നു. 1983ൽ പുറത്തിറങ്ങിയ കോമഡി സിനിമ 'ജാനെ ഭി ദോ യാരോനിലെ പ്രകടനത്തോടെ സതീഷ് ഷാ ബോളിവുഡിൽ തന്റെ സ്ഥാനം അടയാളപ്പെടുത്തി. കൂടാതെ, 'കഭി ഹാ കഭി നാ', 'ദിൽവാലേ ദുൽഹനിയ ലേ ജായേംഗേ' എന്നിങ്ങനെയുള്ള സിനിമകളും സതീഷ് ഷായുടെ കരിയറിൽ നിർണായകമായി.