അന്നും ഇന്നും ഒരുപോലെ; ഇവിടെയും പ്രായം റിവേഴ്സ് ഗിയറിലാണ്, വൈറലായി ഭൂമികയുടെ ചിത്രങ്ങൾ

മലയാളികൾക്ക് ഒരു പരിചയപ്പെടുത്തൽ ആവശ്യമില്ലാത്ത നായികയാണ് ഭൂമിക ചൗള. മോഹൻലാലിനൊപ്പം ഭ്രമരം, ആശ ശരത്തിനൊപ്പം ബഡ്ഡി തുടങ്ങിയ മലയാള ചിത്രങ്ങളിൽ ഭൂമിക അഭിനയിച്ചിരുന്നു.

ഒരുകാലത്ത് ബോളിവുഡിലും കോളിവുഡിലും മലയാളത്തിലും, പഞ്ചാബിയിലും ഒക്കെ നിറഞ്ഞു നിന്ന ഭൂമിക ഇന്ന് അഭിനയത്തിൽ അത്ര സജീവമല്ല. വർഷത്തിൽ ഒന്നോ രണ്ടോ ചിത്രങ്ങളിൽ മാത്രം പ്രത്യക്ഷപ്പെട്ട് ബാക്കി സമയം കുടുംബജീവിതത്തിന്റെ തിരക്കുകളിലേക്ക് ഉൾവലിയുകയാണ് നടി.

47കാരിയായ ഭൂമികയുടെ ഏറ്റവും പുതിയ ചിത്രങ്ങളാണ് ഇപ്പോൾ ശ്രദ്ധ നേടുന്നത്. 2006ലാണ് സില്ലിനു ഒരു കാതൽ എന്ന ചിത്രത്തിൽ ഭൂമിക അഭിനയിക്കുന്നത്. 19 വർഷങ്ങൾക്കിപ്പോഴും ചിത്രത്തിലെ ഐഷുവിനെ പോലെ തന്നെയിരിക്കുന്നു ഭൂമിക എന്നാണ് ആരാധകരുടെ കമന്റ്.

2000ത്തില്‍ 'യുവ്വുക്കുദു' എന്ന തെലുങ്ക്‌ ചിത്രത്തിലൂടെയാണ് ഭൂമിക അഭിനയരംഗത്ത് എത്തുന്നത്. മലയാളത്തില്‍ മോഹൻലാൽ, തമിഴിൽ വിജയ്, സൂര്യ, ബോളിവുഡിൽ അജയ് ദേവ്ഗൺ എന്നു തുടങ്ങി നിരവധി ടോപ്പ് താരങ്ങൾക്ക് ഒപ്പം നായികയായി ഭൂമിക തിളങ്ങി.

2003 ൽ ഇറങ്ങിയ സൽമാൻ ഖാൻ നായകനായ തെരെ നാം എന്ന ചിത്രത്തിലൂടെയായിരുന്നു ഭൂമികയുടെ ബോളിവുഡ് അരങ്ങേറ്റം.

ഭൂമിക നായികയായ തേരേ നാം, സില്ലന് ഒരു കാതൽ, എംസിഎ, ഖുഷി തുടങ്ങിയ ചിത്രങ്ങളെല്ലാം സൂപ്പർ ഹിറ്റായി മാറി.

യോഗ അധ്യാപകനായ ഭരത് ടാക്കൂർ ആണ് ഭൂമികയുടെ ഭർത്താവ്. ഒരുമകൻ ആണ് ഈ ദമ്പതികൾക്കുള്ളത്.

അഭിനയത്തിൽ സജീവമല്ലെ‌ങ്കിലും സോഷ്യൽ മീഡിയയിൽ ആക്ടീവാണ് ഭൂമിക. ഇടയ്ക്ക് തന്റെ വിശേഷങ്ങളും ചിത്രങ്ങളുമെല്ലാം നടി പങ്കിടാറുണ്ട്.