വിവാഹ തിരക്കുകളില്‍ നിന്നും ഭാവന സിനിമാ തിരക്കുകളിലേക്ക്

രണ്ട് വ്യത്യസ്ത കഥാപാത്രങ്ങളെയാണ് സിനിമയില്‍ ഭാവന അവതരിപ്പിക്കുക

bhavana, malayalam actress

വിവാഹ തിരക്കുകളില്‍ നിന്നും നടി ഭാവന വീണ്ടും സിനിമാ തിരക്കുകളിലേക്ക്. അഞ്ചുവര്‍ഷത്തെ പ്രണയത്തിനൊടുവില്‍ ഇക്കഴിഞ്ഞ ജനുവരി 22നായിരുന്നു ഭാവനയുടേയും കന്നഡ സിനിമാ നിര്‍മ്മാതാവ് നവീന്റേയും വിവാഹം. പലനടികളും വിവാഹത്തിനു ശേഷം സിനിമയില്‍ നിന്നും പിന്മാറുന്ന കാഴ്ചയാണ് നമ്മള്‍ കാണാറ്. എന്നാല്‍ ഭാവന സിനിമയില്‍ സജീവമാകാന്‍ തന്നെയാണ് പദ്ധതി.

ഇന്‍സ്പെക്ടര്‍ വിക്രം എന്ന കന്നഡ ചിത്രത്തിലാണ് വിവാഹത്തിനു ശേഷം ഭാവന ആദ്യമായി അഭിനയിക്കുന്നത്. നരംസിഹ സംവിധാനം ചെയ്യുന്ന ചിത്രത്തില്‍ പ്രജ്വാള്‍ ദേവ്രാജ് ആണ് നായകനാകുന്നത്. രണ്ട് വ്യത്യസ്ത കഥാപാത്രങ്ങളെയാണ് സിനിമയില്‍ ഭാവന അവതരിപ്പിക്കുക

ചിത്രത്തിന്റെ ഷൂട്ടിങ് ജനുവരി 27 തുടങ്ങിയെങ്കിലും ഫെബ്രുവരി ഒമ്പതോടെ ഭാവന ലൊക്കേഷനില്‍ എത്തുമെന്നാണ് താരത്തോട് അടുത്ത വൃത്തങ്ങള്‍ നല്‍കുന്ന സൂചന. പൃഥ്വിരാജ് നായകനായ ആദം ജോണാണ് ഭാവന അവസാനമായി അഭിനയിച്ച ചിത്രം. വിവാഹം കഴിഞ്ഞാലും സിനിമയില്‍ നിന്നും മാറി നില്‍ക്കില്ലെന്ന് ഭാവന നേരത്തെ തന്നെ വ്യക്തമാക്കിയിരുന്നു.

ഭാവന നായികയായ തഗരു എന്ന കന്നഡ ചിത്രം ഈ മാസം തിയേറ്ററുകളില്‍ എത്തുമെന്നാണ് പ്രതീക്ഷിക്കുന്നത്. പുനിത് രാജ്കുമാറാണ് ചിത്രത്തിലെ നായകന്‍.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Bhavana to play lead in inspector vikram

Next Story
റാംപിലെത്തിയ ഭാര്യയെ സന്തോഷിപ്പിക്കാൻ ഷാഹിദിന്റെ സിനിമാസ്റ്റൈൽ ശ്രമം, ഒടുവിൽ സംഭവിച്ചത്!
The moderation of comments is automated and not cleared manually by malayalam.indianexpress.com