ശിവഗാമിയാകാൻ രാജമൗലി ആദ്യം സമീപിച്ചത് രമ്യ കൃഷ്ണനെയല്ല, ബോളിവുഡ് നടിയെ

ശിവഗാമിയാകാൻ രാജമൗലി ആദ്യം സമീപിച്ചത് രമ്യ കൃഷ്ണനെയല്ലെന്നാണ് ഇപ്പോൾ പുറത്തുവരുന്ന വാർത്തകൾ

sivagami, ramya krishnan, bahubali

ബാഹുബലി ചിത്രം കണ്ടിറങ്ങുന്നവരുടെ മനസ്സിൽനിന്നും ശിവഗാമിയുടെ മുഖം അത്ര പെട്ടെന്നൊന്നും മായില്ല. മഹിഷ്മതിയെ കാത്തുസൂക്ഷിക്കുന്ന രാജമാതാവിന്റെ മുഖത്തെ ഗാംഭീര്യവും തീക്ഷ്ണത നിറഞ്ഞ കണ്ണുകളും അത്രയധികം മനോഹരമായിട്ടാണ് രമ്യ കൃഷ്ണൻ അവതരിപ്പിച്ചത്. ശിവഗാമിയാകാൻ രമ്യയെ എസ്.എസ്.രാജമൗലി തിരഞ്ഞെടുത്തത് തെറ്റായില്ലെന്ന് പ്രേക്ഷകർ ഇരുകൈയ്യും നീട്ടി കഥാപാത്രത്തെ സ്വീകരിച്ചതിന്റെ തെളിവ് കൂടിയാണ്.

എന്നാൽ ശിവഗാമിയാകാൻ രാജമൗലി ആദ്യം സമീപിച്ചത് രമ്യ കൃഷ്ണനെയല്ലെന്നാണ് ഇപ്പോൾ പുറത്തുവരുന്ന വാർത്തകൾ. മറ്റാരെയുമല്ല ഒരു കാലത്ത് ബോളിവുഡിന്റെ താരറാണിയായ ശ്രീദേവിയെയാണ് രാജമൗലി ആദ്യം സമീപിച്ചത്. ശ്രീദേവിക്ക് കഥ ഇഷ്ടമായി. പക്ഷേ ശ്രീദേവി ബജറ്റിനെക്കാൾ വൻ തുകയാണ് പ്രതിഫലമായി ചോദിച്ചത്. ഇതു നൽകാൻ കഴിയാത്തതിനെത്തുടർന്ന് രമ്യ കൃഷ്ണനെ രാജമൗലി സമീപിച്ചു. കഥ കേട്ട് ഇഷ്ടമായ രമ്യ മറ്റൊന്നും ചിന്തിക്കാതെ സമ്മതം മൂളി.

ബാഹുബലി വേണ്ടെന്നു വച്ച് ശ്രീദേവി അഭിനയിച്ചത് വിജയ് നായകനായെത്തിയ ‘പുലി’ ചിത്രത്തിലാണ്. എന്നാൽ ഈ ചിത്രം ബോക്സ് ഓഫിസിൽ വൻ പരാജയമായിരുന്നു. പുറത്തുവന്ന ഈ വാർത്ത സത്യമാണെങ്കിൽ ശ്രീദേവിയുടെ കരിയറിലെ വൻ നഷ്ടമായിരിക്കും ഈ ചിത്രം.

Get the latest Malayalam news and Entertainment news here. You can also read all the Entertainment news by following us on Twitter, Facebook and Telegram.

Web Title: Before ramya krishnan this veteran actress was approached to play the role of sivagami in baahubali

Next Story
‘എന്റെ പ്രതിഫലം എത്രയെന്ന് ഒരാളും തിരക്കേണ്ട, ഞാനും എന്റെ നിർമാതാവും അറിഞ്ഞാൽ മതി’: പാർവതിparvathy, take off
The moderation of comments is automated and not cleared manually by malayalam.indianexpress.com