നടനും സംവിധയകനുമായ ബേസിൽ ജോസഫിന് പെൺകുഞ്ഞ് പിറന്നു. തനിക്ക് മകൾ പിറന്ന സന്തോഷ വാർത്ത സോഷ്യൽ മീഡിയയിലൂടെയാണ് ബേസിൽ ആരാധകരെ അറിയിച്ചത്. ‘ഹോപ് എലിസബത്ത് ജോസഫ്’ എന്നാണ് മകളുടെ പേരെന്നും ബേസിൽ അറിയിച്ചിട്ടുണ്ട്.
”ഞങ്ങളുടെ കുഞ്ഞു മാലാഖ ഹോപ് എലിസബത്ത് ബേസിലിന്റെ വരവ് സന്തോഷത്തോടെ അറിയിക്കുന്നു. ഇതിനകം തന്നെ അവൾ ഞങ്ങളുടെ ഹൃദയം കവർന്നു കഴിഞ്ഞു. അവൾ വളരുന്നതും അവളിൽ നിന്ന് ഓരോ ദിവസവും പുതിയ കാര്യങ്ങൾ പഠിക്കുന്നതും കാണാൻ ഞങ്ങൾക്ക് കാത്തിരിക്കാനാവില്ല,” ബേസിൽ കുറിച്ചു. കുഞ്ഞിനും ഭാര്യ എലിസബത്തിനുമൊപ്പമുള്ള ചിത്രവും ബേസിൽ പങ്കുവച്ചിട്ടുണ്ട്.
ദുൽഖർ സൽമാൻ, നസ്രിയ ഫദഹ്, കല്യാണി പ്രിയദർശൻ, ടൊവിനോ തോമസ്, ഐശ്വര്യലക്ഷ്മി, വിനീത് ശ്രീനിവാസൻ, ആന്റണി വർഗീസ്, സിതാര കൃഷ്ണകുമാർ, രജിഷ വിജയൻ, അർജുൻ അശോകൻ, അന്ന ബെൻ, ഐമ റോസ്മി, നീരജ് മാധവ് തുടങ്ങി നിരവധി താരങ്ങളും ആരാധകരും ബേസിലിന് ആശംസകളുമായി എത്തിയിട്ടുണ്ട്.
2017 ലായിരുന്നു ബേസിലിന്റെയും എലിസബത്തിന്റെയും വിവാഹം. തിരുവനന്തപുരം എൻജിനീയറിങ് കോളേജില്‍ വച്ചാണ് ഇരുവരും കണ്ടുമുട്ടിയത്.
