നയന്‍താരയുടെ 'ഇമൈക്ക നൊടികള്‍' എത്തുന്നു

നയന്‍താരയേയും അഥര്‍വയേയും കേന്ദ്ര കഥാപാത്രങ്ങളാക്കി അജയ് ജ്ഞാനമുത്തു സംവിധാനം ചെയ്യുന്ന തമിഴ് ചിത്രം ഇമൈക്ക നൊടികള്‍ ചിത്രീകരണം പൂര്‍ത്തിയായി. പ്രമുഖ ബോളിവുഡ് സംവിധായകന്‍ അനുരാഗ് കശ്യപാണ് ചിത്രത്തില്‍ വില്ലനായി എത്തുന്നത്. അനുരാഗിന്റെ കോളിവുഡ് അരങ്ങേറ്റമാണ് ഈ ചിത്രം. ചിത്രത്തില്‍ വിജയ് സേതുപതിയും എത്തുന്നുണ്ട്.

ചിത്രീകരണം കഴിഞ്ഞ വിവരം അഥര്‍വയാണ് തന്റെ ട്വിറ്റര്‍ വഴി അറിയിച്ചത്. ചിത്രത്തിന്റെ ടീസര്‍ സംവിധായകന്‍ തന്നെ നേരത്തേ പുറത്തുവിട്ടിരുന്നു.

With that it’s a wrap for Team #ImaikkaaNodigal . Been one crazy ride & Good fun working with this cool bunch !

Time to say Tata bye bye here and report to Duty as a Cop from tomorrow for @samanton21pic.twitter.com/5C8EFPoCiX

— Atharvaa (@Atharvaamurali) December 17, 2017

കാമിയോ ഫിലിംസ് ഇന്ത്യയുടെ ബാനറില്‍ സികെ ജയകുമാറാണ് ചിത്രം നിര്‍മ്മിക്കുന്നത്. ഹിപ്പ് ഹോപ്പ് തമിഴ എന്നറിയപ്പെടുന്ന ജീവ, ആദി ദ്വയമാണ് സംഗീത സംവിധാനം നിര്‍വഹിക്കുന്നത്.