scorecardresearch
Latest News

ഞാന്‍ തകര്‍ന്നു: ഋഷി കപൂറിന്റെ വിയോഗത്തില്‍ വിലപിച്ച് അമിതാഭ് ബച്ചന്‍

പ്രിയ സുഹൃത്തിന്റെ നിര്യാണത്തില്‍ നടന്‍ രജനീകാന്തും അനുശോചിച്ചു.

ഞാന്‍ തകര്‍ന്നു: ഋഷി കപൂറിന്റെ വിയോഗത്തില്‍ വിലപിച്ച് അമിതാഭ് ബച്ചന്‍

അന്തരിച്ച ചലച്ചിത്ര താരം ഋഷി കപൂറിന്റെ വിയോഗത്തില്‍ വിലപിച്ച് അമിതാഭ് ബച്ചന്‍. ‘അവന്‍ പോയി, ഋഷി കപൂര്‍. ഞാന്‍ തകര്‍ന്നു,’ ബച്ചന്‍ ട്വിറ്ററില്‍ പറഞ്ഞു.

ദേഹാസ്വാസ്ഥ്യത്തെ തുടര്‍ന്ന് മുംബൈയിലെ എച്ച്എന്‍ റിലയന്‍സ് ഫൗണ്ടേഷന്‍ ആശുപത്രിയില്‍ പ്രവേശിപ്പിച്ചിരുന്ന ഋഷി കപൂര്‍ ഇന്ന് പുലര്‍ച്ചെയാണ് മരിച്ചത്. 67 വയസായിരുന്നു.

Read Here: Rishi Kapoor dies at 67, Amitabh Bachchan writes, ‘I am destroyed’

rishi kapoor, ഋഷി കപൂർ, rishi kapoor hospitalised, rishi kapoor cancer, rishi kapoor health, rishi kapoor hospital, rishi kapoor news, rishi kapoor latest

ന്യൂയോർക്കിൽ ഒരു വർഷത്തോളം നീണ്ട കാൻസർ ചികിത്സയ്ക്ക് ശേഷം ഋഷി കപൂർ കഴിഞ്ഞ സെപ്റ്റംബറിലാണ് ഇന്ത്യയിലേക്ക് മടങ്ങിയെത്തിയത്. 2018 ൽ കാൻസർ രോഗബാധിതനായ താരം 11 മാസത്തിലധികം നീണ്ടുനിന്ന ചികിത്സയിലൂടെയാണ് ആരോഗ്യം വീണ്ടെടുത്തത്.

പ്രിയ സുഹൃത്തിന്റെ നിര്യാണത്തില്‍ നടന്‍ രജനീകാന്തും അനുശോചിച്ചു.

Read Here: ഋഷി കപൂര്‍ അന്തരിച്ചു

ബോംബെയിലെ ചെമ്പൂരിൽ പഞ്ചാബി കുടുംബത്തിലാണ് ഋഷി കപൂർ ജനിച്ചത്. ഋഷി രാജ് കപൂർ എന്നാണ് യഥാർഥ പേര്.. നടനും ചലച്ചിത്ര സംവിധായകനുമായ രാജ് കപൂറിന്റെയും ഭാര്യ കൃഷ്ണ രാജ് കപൂറിന്റെയും (നീ മൽഹോത്ര) രണ്ടാമത്തെ മകനായിരുന്നു. നടൻ പൃഥ്വിരാജ് കപൂറിന്റെ ചെറുമകനുമായിരുന്നു. മുംബൈയിലെ ക്യാമ്പിയൻ സ്കൂളിലും അജ്മീറിലെ മയോ കോളേജിലും സഹോദരങ്ങളോടൊപ്പം സ്കൂൾ വിദ്യാഭ്യാസം നടത്തി. സഹോദരന്മാരായ രൺധീർ കപൂർ, രാജീവ് കപൂർ; മാതൃ അമ്മാവന്മാർ, പ്രേം നാഥ്, രാജേന്ദ്ര നാഥ്; പിതാമഹന്മാർ, ശശി കപൂർ, ഷമ്മി കപൂർ എന്നിവരെല്ലാം അഭിനേതാക്കളാണ്. ഇൻഷുറൻസ് ഏജന്റ് റിതു നന്ദ, റിമ ജെയിൻ എന്നീ രണ്ട് സഹോദരിമാരുണ്ട്. ഭാര്യ നീതു കപൂര്‍, മക്കള്‍ രൺബീര്‍ കപൂര്‍, റിധിമ കപൂര്‍.

Stay updated with the latest news headlines and all the latest Entertainment news download Indian Express Malayalam App.

Web Title: Amitabh bachchan mourns the demise of actor rishi kapoor