രജനികാന്ത് ചിത്രം ‘പേട്ട’യിലെ മരണമാസ് സോങ്ങ് പ്രേക്ഷകരുടെ ഇഷ്ടം മുൻപേ കവർന്ന അടിപൊടി ഗാനങ്ങളിൽ ഒന്നാണ്. ഇപ്പോഴിതാ, ആ പാട്ടിന് ചുവടുവെച്ച് ഒരു പറ്റം നർത്തകർ അമേരിക്ക ഗോട്ട് ടാലന്റ്: ദ ചാമ്പ്യൻ 2 റിയാലിറ്റി ഷോയിൽ കയ്യടി നേടുകയാണ്. മുംബൈയിൽ നിന്നുള്ള നർത്തകരാണ് ‘പേട്ട’ നമ്പറിലൂടെ ജഡ്ജസിന്റെയും പ്രേക്ഷകരുടെയും കയ്യടി നേടിയത്. ഈ പ്രകടനത്തിലൂടെ ഷോയൂടെ ഗ്രാൻഡ് ഫിനാലെയിലും ഇവരെത്തി.

ത്രസിപ്പിക്കുന്ന നൃത്തചുവടുകളോടെ നർത്തകർ വേദി കീഴടക്കിയപ്പോൾ എഴുന്നേറ്റ് നിന്ന് കയ്യടിച്ചാണ് ജഡ്ജസ് അഭിനന്ദനം അറിയിച്ചത്. സിമോൺ കോവെൽ, ഹെയ്തി ക്ലും, ഹൗഈ മണ്ഡേൽ, അലേഷ ഡിക്സോൺ എന്നിവരാണ് ജഡ്ജിംഗ് പാനലിൽ ഉണ്ടായിരുന്നത്.

അനിരുദ്ധ് രവിചന്ദറിനെ പോലെയുള്ള നിരവധി പ്രശസ്തർ നർത്തകരെ അഭിനന്ദിച്ച് രംഗത്തു വന്നിട്ടുണ്ട്. ‘പേട്ട’യിലെ ഗാനങ്ങൾക്ക് സംഗീതമൊരുക്കിയത് അനിരുദ്ധ് ആണ്.

Read more: സിനിമാജീവിതം അവസാനിപ്പിക്കാന്‍ രജനികാന്ത്; അവസാനചിത്രം കമലിനൊപ്പം?

Get all the Latest Malayalam News and Kerala News at Indian Express Malayalam. You can also catch all the Entertainment News in Malayalam by following us on Twitter and Facebook